مشكلة جديدة فى اللانوس

**popahly** · 23-09-2009 10:45 AM

أولا كل سنة وانتوا طيبين
ثانيا من يومين كدا بعد اسبوع ركنة تقريبا لانى كنت تعبان جيت خرجت بالعربية مفيش اى مشكلة ولا حاجة غير انى لما بمشى بعد التانى بحس ان صوت الموتور عالى وفيه زى زنة كدا بحسها القصد ياعنى ان زى ميكون الموتور بيعمل صوت شوية فى العربية يا ترى دا عادى ولا ايه وشكرا جزيلا.

**heragy** · 23-09-2009 12:30 PM

العربية دى موديل كام وانت بتحط بنزين كام وكل سنة وانت طيب كمان وكمان

**popahly** · 23-09-2009 12:47 PM

اخى الغالى العربية موديل 99 وبحط بنزين 90

**samirayad** · 23-09-2009 04:10 PM

حاول تحدد صوت الزنه ده فى أى منطقه بالمحرك
لأن تحديد المكان ولو بصوره تقريبيه
حيساعد بلاشك فى تصور السبب بقدر الأمكان

**popahly** · 23-09-2009 04:51 PM

اقولك يا بشمهندس سمير هو مش مكان محدد بمعنى انى لما بحس بصوت عالى فى العربية كلها ياعنى بحس ان العربية صوتها عالى ولما بقفل الأزاز مع التكييف نفس الصوت صوت عالى فى العربية بس مش عارف احدد هو فين بالظبط لانى حاسس بيه فى العربية ككل

**heragy** · 23-09-2009 07:30 PM

على فكرة انا سمعت انة ممكن الصوت العالى يكون خرم صغير فى الشكمان

**samirayad** · 23-09-2009 07:37 PM

لانى كنت تعبان جيت خرجت بالعربية مفيش اى مشكلة ولا حاجة غير انى لما بمشى بعد التانى بحس ان صوت الموتور عالى وفيه زى زنة كدا بحسها

بص كده على الكلام الأزرق ده

وياترى أنا بأفكر صح
ياعنى الأحساس ده كان ساعة ماكنت مرهق وتعبان من يومين
ولا الوضع بتاع أختلاف صوت العربيه ده أنت حسيته النهارده مثلا

**popahly** · 23-09-2009 11:16 PM

ايوا فعلا يا بشمهندس انا حسيته وانا نازل الشغل وامبارح كمان بالليل ووانا راجع من الشغل كمان بحس فى النقل على التالت الصوت بتاع العربية على فجأة وانا ماشى

**samirayad** · 24-09-2009 12:15 AM

طيب ما تشوف حضرتك ميعاد تغيير الزيت
يمكن ميعاده قرب
وبرضه أطمن على حرارة المكنه
ومستوى الزيت فى الكرتير
ومستوى الميه فى القربه
لأن أرتفاع الحراره حيخللى المكنه تعمل صوت برضه
ويولد حدوث ظاهرة صوت فجائى

وبرضه لو كان كل اللى فات عندك تمام فى تعليقى الحالى

دور وأنت رافع الكبوت وزود سرعه بعمل أمبليهات تزويد من عند بكرة الأكسراتير (اللى على البوابه )
وحاول تتعرف على موقع أو مكان الصوت بالتقريب ( أو الزنه أن صح التعبير )
علشان الزميل اللى حيفكر معاك
يكون تصوره قريب من الصح بقدر الأمكان

بالمناسبه أنت بتحس بعلو الصوت وأنت بتدوس على الأكسراتير علشان تسحب بالعربيه

يعنى المكنه صوتها بيعلى بدون سحب كويس زى الأول

لو ده اللى موجود .....يبقى أنت داخل على عمرة دبرياج