الحمد لله ؟؟؟؟؟

**nemnem** · 23-09-2009 11:24 AM

الحمدل لله انا سافرت بالعربية النوبيرا بتاعتى مرسى مطروح و رجعت و الموضوع عدى على خير بفضل نصايحكم على الرغم من انى كنت قلقان جدا يس انا كان ليا تعليق على حاجة .... هو طبيعى ان امبير الحرارة ينزل للصفر فى السرعات علي شان انا لاحظت و انا مسافر انه بينزل بالتدريج طول مانا مسافر لغاية ما يوصل للصفر و يفضل على كدة لغاية لما اريح فى اى رست نيطلع درجة واحدة و الماية مش بتكون بتغلى ولكن فى البلد الامبير بيكون واقف فى النص و مش بيتحرك

انا قبل السفر بيوم اشتريت ردياتير جديد و كمان قربة مياة جديدة اصلى و غسلت دورة التبريد و بتاع الرادياتير نصحنى انى احط مياة عادية و انا عملت كدة فعلا

ارجو الافادة

**elwad_crazy** · 23-09-2009 11:49 AM

حضرتك لاغى الترموثتات ؟

ممكن بسببه ييسخنش العربيه طول مهيه بتجري على سرعه عاليه

وجوه البلد لازم يظبط على النص عشان مفيش تهويه زي السفر

وحمدلله على سلامتك

**swimmer25** · 23-09-2009 11:53 AM

معني ان امبير الحرارة بينزل للصفر في طرق السفر يبقي ثيرموستات دورة المياه عندك متشال وده غلط لان بكده حرارة الموتور بتقل عن الحرارة المطلوبة للتشغيل علي الطرق السريعة

وباقي الخبراء هيفيدوك في الموضوع ده

وموضوع النصيحة انك تستخدم مياه عادية دي غلط خالص لان المياه العادية فيها املاح عالية ومع الحرارة الاملاح دي بتترسب في الرادياتير وتخليه يصدي

وهنا فيه حلين
اولا تكشف علي وجود الثرموستات
ثانيا تغسل دورة التبريد تاني (او تنزل المياه العادية بس) وتحط اما مياه خضراء معتمدة زي iada او المياه السعودي او مياه مقطرة وده اذا كانت المياه العادية مقعدتش كتير في الرادياتير وملحقتش تكون املاح اوي
هتحتاج 7 لتر للدورة كلها بس اكشف الاول كويس علي الدورة من التسريب او التنقيط واتاكد ان المياه مش بتنقص عشان مترميش المياه الخضراء هدرا
بس خد بالك من حاجة مهمة :
اذا كانت المياه في العربية قبل التغيير مياه عادية لفترة طويلة يبقي طرمبة المياه هيكون فيها املاح هي كمان وهتضرب منك بسرعة وهتحتاج تغيرها لانها الاملاح هتبدا في الذوبان
اذا كان فيها مياه خضراء يبقي مفيش مشكلة وتوكل علي الله

**mohelmy** · 23-09-2009 02:51 PM

حمدا لله على سلامتك واخبار الرادار ايه؟؟؟

**samirayad** · 23-09-2009 04:27 PM

أنت محتاج تغير مية دورة النبريد لماء مخصص لدورات التبريد زى الماء الأخضر مثلا
وبالذات أنك لسه شارى رادياتير جديد

وفى نفس الوقت معاينة تواجد ثرموثتات من عدمه
1- أحتمال يكون منشال
2- أحتمال يكون موجود ومعلق وفاتح على طول
وفى الحالتين 1& 2 حتحتاج ثرموثتات جديد

ودرجة الحراره المفروض تبقى ثابته على النصف تقريبا
فى أى مكان سواء داخل البلد أو على طريق السفر
لأن وحدة التحكم هى التى تتحكم فى تنظيم درجة الحراره من خلال التحكم فى عمل مراوح دايرة التبريد

**zocor742** · 24-09-2009 02:33 AM

بما ان حضرتك غيرت الريداتير
يبقى الافضل انك تفور دورة التبريد وتشوف اى تسريب اى تنقيط وتتأكد من عمل الترموستات بوضعها الطبيعى وتغيير اى جزء شيفة هيعمل اى اعاقة للدورة وطبعا هتغسل الدورة جيدا وهتلاقى بلاوى بتنزل صدقنى
انا عمل الموضوع دة غيرت كوعة ترموستات وخزنة الريداتير وخرطوم الكبير اللى طالع من الريداتير للدورة
واخدت غسلة تمام التماممع القربة والمواسير السربنتينة والتأكد ان مفيش اى تسريب او تنفيس
وحط مياة خضراء موثوق فيها انا جبت جركن نوع امريكانى وكان عالية ختم........ فور اول سيزون.....
وبجد بعد الموضوع دة حاسس براحة وتغيير وان الدنيا بقت ماشية زى الساعة
وبعد المشى حوالى 1000كيلو كدة كشفت على مستوى المياة الخضراء الحمد لله رب العالمين زى ما كنا حطينة
والزيت بردو كشفت علية ثابت مع تغيير لون الزيت شوية واللزوجة تمات والمكنة باردة وعد ما سخنت
وعلى فكرة انا كنت لسة مغير زيت وطلعت على بتاع الريتاتير عشان يكون الموضوع منظم وبمواعيد مظبوطة
واقدر احكم على اى تغييرات لا قدر الله
والمهم بقى بعد كل دة انا مكنتش هعرف اعمل اى حاجة منة الا فضل الاخوة الاعضاء اللى من غير ما اعرفهم من نايل موتور كان زمانى راكب حاجة بتمشى وخلاص ومعرفش اى حاجة غير انى بحط بنزين عشان العربية تمشى
بجد حاسس ان الواحد ربنا كرمة بناس محترمة زيكم

ولسة فاضلى العافشة بدأت تشتكى وطلعت اصوات كدة مش لطبفة
والمساعدين بدأت تدب فى المطبات والنقر مش عارف دى هتكون مشكلة جلب ولا مساعدين
هبقى اعمل موضوع بخصوص العافشة عشان اخد منكم معلومات ونصايح وانزل اعملها واخلص منها هيا كمان
وشكرا ليكم جميعا وكل عام وانتم بخير جميعا