العيشه اصبحت لاتطاق (مصر هي امي)

**النوبي** · 23-09-2009 12:43 PM

حاجه غريبه انت في بلدك مش انسان انت شيء اقل من كده بكتير وبره بلدك متهان انا يا جماعه قرفت خالص من العيشه اللي احنا فيها
لو فتحت مشروع يبقي لازم تعمل حسابك انك تكون مزور وحرامي علشان تعيش لان الضرايب مش هتسيبك والموظفين لو ليك ورقه يبقي لازم المعلوم ويتحط في الدرج من سكات (وده في كل ورقه تحب تخلصها لو حتي كان طابع بشلن)
والله يا جماعه مش عارف العيب فيا ولا في البلد ولافي الحكومه ولا في ايه بالضبط انا زهقت
انا نفسي اهاجر بدون رجعه بس مش عارف اسافر ازاي ولا اهاجر علي فين
نفسي الاقي طريقه ؟

**kind** · 23-09-2009 03:10 PM

ربنا يرحمنا برحمته ويسترها معانا عشان ملناش غيره

**Karim_Monir** · 23-09-2009 06:38 PM

رشوة وفساد ومحسوبية وفوضى
كل مشروع تفتحة لازم تجيبلة بلطجي يحرسه
وتظبطلة ميزانية رشاوي

واحد صاحبي فتح كار كير في حتة محترمة جدا في مدينة نصر
وزباينة كلها بتحبه جدا
تخيل صافي مكسبه في 9 شهور من مشروع مربح زي ده

الف جنية
بسبب الرشاوي والفساد والبلطجة من كل اللي ليهم نفوذ
بداية من ظباط القسم والامناء وعربياتهم
للجيران وعربياتهم
لاصحاب النفوذ في المنطقة

حسبي الله ونعم الوكيل