تمام التمام
عرض للطباعة
تمام التمام
تشكر علي تعبك
الموضوع ده بيتعمل عن طريق عود اكريليك بيتباع فى محلات متخصصة بيع الاكريليك ده بس ( حد هيقولى ايه اكريليك ده ) الاكريليك ده اللى بيتعمل منه اليفط الكبيرة بتاعت الاعلانات والمحلات وده عبارة عن بلاستيك مقوى قابل للتشكيل وفي منه اعواد طول متر مقاس 8 مملى و 10 مللى و 12 مللى ودول اللى بيستخدمو فى عمل الرينجات دى عن نفسى اشتريت ال 10 مللى ب 15 جنيه من محل فى عابدين ورا قصر عابدين على طوول فى جامع هناك المحل جنبيه وطبعا قصيت منه على المقاس اللى انا عايزه للفانوس واشتريت 4 لمض ليد 5 مللى ثلجى من باب اللوق ومعاهم مقاومتين 250 اوم عشان اللمض متتحرقش واشتريت نوعين مكرونة حرارى بتاعت السخانات السلك لونها اصفر المتر بجنيه ونص ونوع تانى لونه اسود بتنكمش مع الحرارة المتر ب 5 جنيه وشريط لحام نوع غزالة انضف حاجه وطبعا سيليكون زجاج عشان الزق وش الفانوس تانى بعد ماخلص وعلبة ارنديد شفاف عشان اثبت بيه الرينج فى الفانوس ودى عند اي بتاع حدايد وبويات وثمنها 15 جنيه بالاضافة الى سلك كهرباء مجدول وترامل عشان اوصل بيه اللمض
وده ناتج الشغل فى الاخر .. العربية فيات 128 :)
http://www.up9or.com/up25/14108804801.jpg
http://www.up9or.com/up25/14108804822.jpg
http://www.up9or.com/up25/14108804823.jpg
والحوار ده بيتعمل فى اي عربية وشكله جاااااااااااامد جداً طبعا خصوصاً لما تمشى فى طريق مظلم :)
http://www.up9or.com/up25/14108811381.jpg
http://www.up9or.com/up25/14108811382.jpg
http://www.up9or.com/up25/14108811383.jpg