الموضوع: اصنع الرينجات بنفسك...فيديو

المشاركة الأصلية كتبت بواسطة mohnsar

ياجماعه خلو بالكو
الي اتحط في الفرن دي العصي البلاستيك وده علشان تتشكل

اما مكان بيعها في الرويعي في العتبه لاكن خلو بالكو مش اي ماده بلستيك شفافه ممكن تسمح بالتشكيل او بمرور الضوء بالشكل الي شوفناه

اما الشريط العاكس ده هتلائوه في نجيب الريحاني او كلوتبيه وبيستخدم في عزل اجزاء التكييفات المركزيه والبكره منه حسب المقاس

اللمبات في راديو طلعت في العتبه

الماده الي اتحطه ابل اللمبه ممكن هوفر او امير
الامبوبه السوداء من الطرفيين في التوفيقيه او عند قطع السيارات وبتستخدم في دفاير الكهرباء للسيارات واسمها مكرونه سوداء

من ناحية كلام حضرتك عن الخامه البلاستيكيه فأنا اوافق حضرتك ان مش اي ماده تسمح باعادة التشكيل

اما بخصوص بمرور الضوء فلو لاحظت حضرتك هو عمل خطوط فيها لتساعد على انكسار الضوء
وبالتالي هينتشر على طول الماده البلاستيكيه

والخامه اللي هو قالها اعتقد محتاجين نجرب منها اللي في الرويعي دي بدل ما نروح مصنع ونصنع كميه احنا مش هنعمل الموضوع مشروع دي هي عربيه واحده

بس هنجرب لو تأكدنا من وجودها في الرويعي واسمها ايه ؟؟

وبخصوص الماده اللي اتحطت قبل اللمبه فدي مش مادة لاصقه وهو مش عايز يلزق اللمبه

انما ده مونيكير شفاف فايدته انه يدي طبقة شفافه اللون مكان الخرم اللي اتعمل لان الخرم بالشنيور بيسيب لو ابيض نتيجه للخربشه في البلاستيك عشان كده كمان كان الخرم بصوره متقطعه

وطبعا قبل تركيب اللمبه يترك المونيكير ينشف الاول

المكرونه السودا دي لو معرفناش نجيبها ممكن عادي نستخدم شريط اللحام اعتقد يعني

شكرا للاضافه

المشاركة الأصلية كتبت بواسطة sephiaa2001

السلام عليكم

مشكور اخى الكريم صاحب الموضوع
انا كنت سالت مسبقا عن نوعيه الخامه والحمد لله قدرت اتوصل
انها بارات الستاير وديه تعمل 8 جنيه
لو حد عاوز الاماكن يقول

ايوه يا اخي محتاجين نعرف

ياريت تحدد اكتر من مكان ليكون سهل على الجميع

والف شكر ليك على تعبك

د.محمد الصواف

المشاركة الأصلية كتبت بواسطة islambana

1- بالنسبه لفك الفانوس فده مش مشكله كبيره ممكن تختار اي طريقه بس ابعد عن الفرن علشان محدش يعرفها وبعد ماتخلص تقفله بسليكون كويس
2-الشريط العاكس ده موجود ورخيص كل اللي عليك تجيب فاميه من اللي بيبقي عامل زي المرايه وتلزقه علي ظهر الرينج من بره هيدي انعكاس او ممكن تحط ورق عاكس او ورق فويل وتلزقه برضه بيعكس حلو
3-بالنسبه للتثبيت طبعا انت هتعمله بقطر قد التجويف بتاع الفانوس وتلزقه في سقف الفانوس بحته سليكون صغيره او دابل فيس جامد علشان منين ماتحب تفكهم مايسيبوش أثر
4- بالنسبه للsmokeممكن تستخدم فاميه اقل درجه وتلزقه علي الفانوس سواء من جوه او من بره ويبقي الفانوس مظلل بدرجه واحده وسوي واحد
دي وجه نظري ورأيي في الموضوع ده

الفيديو ده يا اخي فيه طريقة فك الفانوس ورشه سموك في الفرن

بصراحه انا مش مقتنع بموضوع الفيميه لانه ممكن يسيح او ميتلزقش كويش ويبقى مكرمش

لو انا غلط والفيميه هيكون احسن في الحفاظ على قوة النور ياريت حد يوضحللي ويصححلي

شكرا لرأيك الغالي

[youtube]http://www.youtube.com/watch?v=P-q0SVALfus&feature=player_embedded[/youtube]

انا لسة جى من العتبة ، وقلبت الدنيا هناك على البلاستك دة، مش لاقى ليه اى اثر.

يا ريت لو حد يعرف يدلنا على مكان بيتباع فيه، يبقى شكرا جدا

المشاركة الأصلية كتبت بواسطة eng.octooo

جامد موووووت وعاوزين نشوف التنفيذ

انا بس عاوز الاقى البلاستيكة دى

هى اسمها mini blind replacement wand

بس مش عارف بتتباع فين؟؟؟؟؟؟؟؟؟؟

thanks