سلام يا شباب
كنت عايز بعد اذنكوا اعرف معنى كلمة رجلاش .. لأني بسمع بيتقال رجلاش للفرامل أو حتى للفانوس الأمامي واكيد لحاجات تانية انا ما أعرفهاش .. ممكن حد يعرفني معني الكلمة دي ايه ؟؟
وشكـــــــــــرا
عرض للطباعة
سلام يا شباب
كنت عايز بعد اذنكوا اعرف معنى كلمة رجلاش .. لأني بسمع بيتقال رجلاش للفرامل أو حتى للفانوس الأمامي واكيد لحاجات تانية انا ما أعرفهاش .. ممكن حد يعرفني معني الكلمة دي ايه ؟؟
وشكـــــــــــرا
الرجلاش او الرجراش زي ما الناس بتقولها
اللي هو adjust
لان مع حركة العربية في صواميل بتفك من مكانها
وانت بتعيد تربيطها وده بيتسمى رجلاش
الرجلاش دة مصطلح يقصد بيه الضبط
تخيل انك معاك راديو من القديم ابو بكرة و عايز تسمع محطة معينة بس هى مخروشة سنة... كل اللى بتعملة انك تلف البكرة ببطء يمين و شمال لحد ما توصل لاحسن صوت و اقوى استقبال... دة تقريب لعملية الرجلاش
الرجلاش بيتعمل للحاجات اللى بتحتاج ضبط... زى ارتفاع ضوء الفوانيس الامامية و تيل الفرامل الخلفى و شد سير الدينامو الخ الخ الخ
MMamdouh
دة اسمة تربيط لانك بتربط لحد عزم تدوير معين لو لحد ما تجيب اخر الصامولة مش للوصول الى قيمة او اداء معين من القطعة
و غالبا بتلاقى صواميل و مسامير الرجلاش اما راكب عليها سوستة (مسامير الكربراتير) او ليها صامولة زنق (تيش البارات بتاعت الدركسيون) لو ليها لوك (تيل الفرامل الخلفية) او راكب عليها تيلة (مسمار الاكس للعجلات الغير دافعة) و دة لان الصواميل و المسامير دى بطبيعتها مبتبقاش مربوطة على الاخر انما واقفة فى مكان معين على القلاووز بتاعها و بالتالى معرضة لانها تتفك نتيجة للاهتزاز و للحركة و ممكن تسيب من مكانها
MMamdouh
شكرا يا جماعة على التوضيح وبالذات توضيح الاستاذ ممدوح