الموضوع: اسكندرانى فى شوارع القاهرة

انا عن نفسى اختار طريق ميدان الرماية, ثم المنيب ثم المعادى

اماكن الفسح, عندك الازهر بارك فى اول طريق صلاح سالم, جميلة جدا

المشاركة الأصلية كتبت بواسطة معاذ الشرباصى

انا عن نفسى اختار طريق ميدان الرماية, ثم المنيب ثم المعادى

اماكن الفسح, عندك الازهر بارك فى اول طريق صلاح سالم, جميلة جدا

+100000000000000
أحسن طريق
و بالتفصيل
تأخد طريق مصر اسكندرية لأخره لغاية ما توصل ميدان الرماية و تكمل لشارع الهرم و ثم طريق المنصورية و هي أول دخلة يمين في شارع الهرم بعد ما تطلع من ميدان الرماية و تدخل شارع الهرم أو تدخل طريق المريوطية و ده بقى أدام شوية
و بعدين تاخذ الدائري ثم المنيب ثم كورنيش النيل ثم المعادي
و ده أحسن و أسرع حل
أما ميدان الجيزة و الأراء اللي أنت قلتها هاتخليك تبات في الشارع و تشد في شعرك

اهلا بيك في القاهرة. بص يا سيدي. الاحسن للمعادي انك تاخد الدائري من عند المريوطية. يعني ما تطلعش المحور وتمشي طوالي لحد ميدان الرماية. وبعدين تخش شارع الهرم لحد المريوطية وتخش يمين وخليك طوالي لحد ما تعدي تحت الدائري. أول ما تعدي تاخد يمين وتطلع من المطلع اليمين. وطووااالي لحد ماتعدي النيل. انزل من الدائري يمين بعد النيل على طول على كورنيش المعادي. حمد الله على السلامة.

اما الفسح فحدث ولا حرج، بس حسب دماغك...هل فيها عشا وشوبينج؟؟؟ اوت دورز ولا مولات؟؟؟ سينمات ولا ايه بالظبط...واحنا نخدمك

اما الفرق في السواقة فهو مش كتير بس هنا العصبية والزممامير والزعيق اكتر بكتير مما تتصور؟

اما عن إللي عاوزه من اسكندرية...إنك تفتكرني لما تعدي على البحر ولما تاكل في بلبع...وخصوصا بلبع ده

;)

يا باشا تنور القاهرة

- ايهما أفضل اسلك طريق المحور عبرميدان لبنان ثم مسرح البالون ثم الى كورنيش النيل ثم طريق المحكمه الدستورية ففندق سوفتيل المعادى أم ميدان الجيزة وشارع الهرم وكوبرى المنيب ثم المعادى

حسب الوقت اللي ها تدخل فيه القاهره .......... وان كان افضل الطرق من وجهة نظري الصحراوي - ميدان الرمايه - المنصوريه- الطريق الدائري - منزل المعادي بعد كوبري المنيب - بعد 5 دقائق سوفتيل على يمينك

- الأماكن القريبه والتى يمكن أن أصطحب فيها أسرتى للتنزه والفسحة خاصه وأن مواعيد عملى هناك من الساعة الرابعة وحتى التاسعة مساءا

الموضوع صعب على عمومه يعني حسب احتياجاتك واحتياجات الاسره الكريمه .... يعني انت عايز متاحف .. ولا مطاعم .. ولا اماكن مفتوحه ... ولا ايه بالظبط ....
عموما وانت جاي ادي لنفسك وقت لو عندك اطفال ها يتبسطو في واحه عمر

- هل هناك فرق بين السواقه فى شوارع الأسكندريه والسواقة فى شوارع القاهرة من حيث طباع السائقين

اكيد اسهل من السواقه في اسكندريه مع مراعاه البعد عن سواقين التاكسي .. الميكروباص... التك تك .... السيدات ... النقل ..الخ :-) شفت الموضوع سهل ازاي

أى حد عايز حاجة من اسكندريه يقوللى وما ينكسفش

تسلم يا باشا وتيجي بالسلامه

وممكن سيتي ستارز بس الطريق مشواة بعيد عليك بس هاتسوي شوبنج جامد

يا كيمو الاسكندرانيه ها يحتاجو يسو شوبينج هنا برضه ......... دول عدو خلاص .... شكلك ما روحتش سان سيتافنو مول
عموما الشوبينج في اسكندريه احلى كتيير .. وخصوصا في لبس الاطفال... والازواق وطرق العرض هناك احلى بكتيير

كما قال الجميع افضل طريق الى المعادى هو الرماية فالهرم فالمريوطية فالدائرى فالكورنيش

انسى المحور تماما وخصوصا بعد تحويلة العذاب والضنا المزمنة التى اصبحت جلطة تسد هذا الشريان الحيوى

الفسح: لو بتحب الثقافة يبقى متحفنا الجميل فى ميدان التحرير، او عرض الصوت والضوء احلى ما يمكن ان تشاهده فى القاهرة(بس غالى شوية، 75 جنيه للتذكرة)، بس التذكرة ب75 جنيه، وعندك القلعة وفيها عدد كبير من المتاحف الرائعة، متحف الشرطة والمتحف الحربى ومتحف قصر الجوهرة ومتحف الركائب الملكية وكلهم احلى من بعض، وكذلك القرية الفرعونية، وكمان عندك جامع السلطان حسن وجامع الرفاعى

لوبتحب المولات والسينيمات فأقرب مكنا لك هو المعادى جراند مول، او تاخد بعضك وتروح سيتى ستارز فى مدينة نصر

لو من هواه الفسح على النيل ففيه كمية حاجت كتير جدا على النيل من اول ابو رخيص زى النايل بولنج كلوب على النيل من ناحية كورنيش الجيرة تحت كوبرى الجامعة ، لحد ابو فلوس كتير زى مطعم ستوديو مصر فى الزمالك

لو لك اى اهتمامات مختلفة قول لنا على نوعية اهتماماتك علشان نقدر نفيدك بالأنسب

لوبتحب المولات والسينيمات فأقرب مكنا لك هو المعادى جراند مول،

السنمات, فى 2 فى المعادى

سينما فاميلى و دى فى حدائق المعادى, فى شارع متفرع من مصر حلوان الزراعى, و هى تعتبر خلف السوفيتيل, و فيها 8 قاعات عرض, ده غير فاميلى لاند فيها مطاعم و العاب للاطفال

و فى البندر, و ده فى المعادى الجديدة, و فى 3 قاعات سينما بالاضافة الى بلياردو و بولينج و مطاعم زى تشيليش و ستوديو مصر

اما الجراند مول, فهو للتسوق