-
اخر ماتوصل اليه العلم والتطور
-
هههههههه احنا اخرنا نجيب شوية لب نقعد قدام التليفزيون ونتفرج على الحاجات دى
-
أفكار جميلة ورائعة .. مشكوووووور
-
ايه الموتوسيكل ده في بقيته اتقطع فى حادثة ولا ايه
وبعدين هو ازاى لسه ماوقعش على وشه دنا واحد صاحبى اتقلب بموتوسيكل بعجلتين لقدام لدرجة ان وشه طبع فى الاسفلت مابالك بده بقى لو اخدله هدر
ده هايبقى بوستر على الارض
وبعدين ايه لزمتها المنظره وكاوتش واحد يعنى
ماحنا عندنا الشباب زى الورد بيجيب مكن صينى من ايو قسط 5 جنيه فى اليوم وبيمشو على عجله واحده بردو والعجله التانيه بتبقى فوق وهوب خطوتين وتلاقى الزبون على ضهره وياريته بيحرم
انزل اى مستشفى عام هاتلاقى عنبر مسمينه عنبر الصينى وخش وشوف عاهات من جميع الانواع
ربنا يهديهم
-
اقتباس:
المشاركة الأصلية كتبت بواسطة mazd
هههههههه احنا اخرنا نجيب شوية لب نقعد قدام التليفزيون ونتفرج على الحاجات دى
ههههههههههه والله كنت باكل سودانى وانا قاعد بتفرج
ههههههههههه
شكر خاص لصاحب الموضوع
-
هي صحيح في منها صور تخيلية...تصميمات يعني...بس الناس دي معندهاش حاجة اسمها خيال...كلها ايام واللي اتخيلوه بيبقى حقيقة...
احنا اقصى حاجة ممكن نتخيلها...صينية بطاطس في الفرن على الغدا...يا سلام لو الحلم دا يبقى حقيقة:S_thum1[1]:
ساعتها...معطلكوش...:leaving::B4_048:
-
اقتباس:
المشاركة الأصلية كتبت بواسطة m000dy
ماحنا عندنا الشباب زى الورد بيجيب مكن صينى من ايو قسط 5 جنيه فى اليوم وبيمشو على عجله واحده بردو والعجله التانيه بتبقى فوق وهوب خطوتين وتلاقى الزبون على ضهره وياريته بيحرم
انزل اى مستشفى عام هاتلاقى عنبر مسمينه عنبر الصينى وخش وشوف عاهات من جميع الانواع
ربنا يهديهم
من كام يوم واحد من اخواننا دول استلمني طول الطريق بيسابقني...وانا منفضله على الآخر...وهو مش عاجبه تنفيضي...اختي كانت جنبي وخايفة...قلتلها متخافيش...اخره معايا لو زودها اريح عليه بالعربية من غير ما المسه...هتلاقيه اتسحل على الأسفلت...مش هنعرف وشه من قفاه
المشكلة مش في الموتسيكل الصيني...المشكلة في العقول الفشنك اللي بتسوقه...
-
-
الصورة بتاعة اشارة المرور شكلها متركبة حتى العربية فى الصورة الاولى الظل بتاعها شكله مش طبيعى والتانية كمان شكلها فوتوشوب
-
اقتباس:
المشاركة الأصلية كتبت بواسطة ainshouka
الصورة بتاعة اشارة المرور شكلها متركبة حتى العربية فى الصورة الاولى الظل بتاعها شكله مش طبيعى والتانية كمان شكلها فوتوشوب
يابيه ده شغل ماكس لمشروع ومش صوره حقيقيه ده تخيل
المشكله ياجماعه زى ماانتم شايفين معظمها مجرد افكار ولسه مانفذوهاش
وانتوا عمالين تتريقوا على حالنا فعلا عندكم حق يعنى احنا خلاص حتى مجرد التفكير مش قادرين عليه :O_stupid[1]:
-
على فكره الموتوسيكل مش تخيل
ده واقعى لان دلوقتى فى حاجه زى الاسكوتر بس بعجلتين فقط واللى بيسوقه بيبقى واقف وبيمشى ويفرمل من غير مايتقلب على وشه وبيستخدم فى المولات التجاريه بره للحراسه
-
اقتباس:
المشاركة الأصلية كتبت بواسطة m000dy
على فكره الموتوسيكل مش تخيل
ده واقعى لان دلوقتى فى حاجه زى الاسكوتر بس بعجلتين فقط واللى بيسوقه بيبقى واقف وبيمشى ويفرمل من غير مايتقلب على وشه وبيستخدم فى المولات التجاريه بره للحراسه
ايوه مانا بقول ان بعضها نماذج تخيليه
الاسكوتر اللى انت بتقول عليه ده الصين كانت جايباه فى قاعتها اللى كانت فى معرض اوتوماك السنه دى وكانوا بيتحركوا بيه وسط الجمهور وبيتنقلوا فى القاعه بيه