اعلن السيد وزير الزراعه انهم قرروا بيع جزء من الجنينه عشان التطوير...طب ليه ما يطوروش من غير ما يبيعوا؟؟؟
:36_6_3[1]:
اعلن السيد وزير الزراعه انهم قرروا بيع جزء من الجنينه عشان التطوير...طب ليه ما يطوروش من غير ما يبيعوا؟؟؟
:36_6_3[1]:
طب ماياجروها قانون جديد
طب و الحيوانات هيطلعوها معاش مبكر
حسبي الله و نعم الوكيل
الا صحيح هي مصر جمهوريه و لا مملكه
هههههههههههههههه
ضحكتنى والله
مصر بترجع لورا خلاص
(غطينى وصوتى)
انا كده الواحد ابتدى يقلق ليصحى مرة من النوم يلاقى نفسه نايم فى الشارع ويكونوا باعوا الشقة اللى عايشين فيها عشان التطويييييييييييييييييييي ييير :stink[1]:
شفت العيال في العيد دخلت الأقفاص وسرقوا الطيور النادرة منها...
في صورة في جريدة الدستور امبارح...ولد ماسك الطاووس من جناحاته زي الفرخة بالظبط..!!!
يا باشا البهوات هيبيعوها علشان الارض فيها بالشىء الفلاني
وطبعا حصيلة البيع تتنهب كالعادة
وسلم لي علي عمر افندي
انا مش فاهمة هم هيبيعوا جزء منها كأراض للبيع ومن فلوسها يطوروها
ولا هيخصخصوا جزء منها؟.؟؟ اصلها تفرق
طيب جميل اوى شتمنا فى الحكومة وفى بيع البلد وفى...الخ
نيجى للصورة العملية
ايه رايكم فى جنينة الحيوانات دلوقتى
زفت طبعا ...صح
اكيد محدش فينا قدر يدخلها من 10 سنين مثلا
طيب عايزين نطورها ونرجعها لايام عزها
وعايزين فلوس نجيب حيوانات كتير
ونعمل صيانة
وندفع مرتبات عدلة
يبقى عايزين كاش
وبما ان التذكر ب 50 قرش (عملة انقرضت من 15 سنة)
فالحل ايه:؟ نرفع تمن التذكرة
مرفوض طبعا لان فى ناس غلابة جدا جدا ودى اقصى حلم ليهم (مع انهم حيصرفوا فى المواصلات اعلى من ثمن التذكرة) بس ما علينا مش حينفع
يبقى الحل ايه؟
ايه المشكلة اننا نبدا ناجر اماكن جوا الحديقة يتعمل فيها كافيهات او مطاعم (واظن دى حاجة حتى نفسنا فيها حتى نلافى مكان نقعد فيه) وغير كده ده موجود فى اى بارك سواء فى مصر او بره مصر
علشان يبقى مصدر دخل كويس يتصرف على الحديقة
وده نفس النظام اللى بيطيق فى القطارات او المترو واى مرفق حيوى مش حنقدر نرفع سعره بس ممكن نستغل موارد (الارض) فى حاجة تزود الدخل
يبقى فين المشكلة؟؟؟؟؟؟؟
موجودة بالصور في دستور امبارح...ده غير صور التحرش المعتاد!!!
لما كنا بندرس علم وظائف الأعضاء في الكلية...عرفنا ان فيه مركز في المخ في الفص الأمامي مسئول عن السلوك الإجتماعي...ده مثلا مش بيبقى مكتمل النمو في الأطفال الرضع...عشان كده الطفل مثلا ممكن يتصرف بتلقائية...يعني يعمل على نفسه...يتف...يعيط...يضحك...بدون حساب يعني...
انا بدأت احس ان المركز ده بدأ يختفي من عقول المصريين...او وقع من كتر ما وطوا راسهم من الخنوع والذل...مبقاش فيه كسوف ولا تحضر...ويا عالم لسه ايه هيحصل تاني
لصفحة التى تحاول الدخول إليها غير موجودة
فضلاً اختر صفحة من القائمة
سعيا للمزيد من الخدمات لقارئنا العزيز ... يطلق موقع الدستور خدمة تسجيل حسابات العضوية لقرائه
يتمتع أصحاب حسابات العضوية المسجلة على موقعنا بالعديد من الميزات و الخدمات أهمها المتابعة الخبرية أولا بأول من خلال رسائل يومية على بريدهم الاليكترونى لأهم الاخبار و العناوين بالجريدة
كما يستطيع صاحب العضوية حجز اسمه للتعليق بأسم ثابت على الموضوعات و المقالات .. بالاضافة لاضافة الاخبار الى مفضلة بالموقع للرجوع اليها بشكل سهل و سريع
للأسف انا جربت اللينك لقيته مش شغال فشيلته
حضرتك ادخل على الأرشيف بتاع الموقع...عدد امس الثلاثاء 22سبتمبر هتلاقي الخبر
تمام وصلتلة
بجد بقت حاجة تقرف
وقال عايزين يدخلو منظمات عالمية
دي اقفاص الحيوانات اللي في نادي المقاولين انضف منها 100 مرة
http://www.megaupload.com/?d=PLO5ZGBThttp://www.megaupload.com/?d=B8DNJLQH
http://www.megaupload.com/?d=B8DNJLQHhttp://www.megaupload.com/?d=B8DNJLQH
http://www.megaupload.com/?d=PLO5ZGBT
دية الصور رفعتها على ميجا اب لود
أعتقد ان فى استراتيجيه موحده أو تقدروا تقولوا كده أسلوب واحد "للتفشيل". اه والله التفشيل الممنهج.يعنى المكان يطلع خسران أو خربان يعنى يكون كده فاااااشل عشان لما يحتاجوا يبيعوه يكون فيه مبرركويس. حديقة حيوان الجيزة تاريخ زيها زى الأثار الأسلاميه القديمه اللى الناس بتعمل فيها "ب ب" البيع مش هو الحل.ربنا يسترها.
حسبى الله ونعم الوكيل
بجد حراااااااااااام .. البلد دى غنية والله بس ربنا يجازى ولاد الحرام اللى واكلين خيرها ومش مهنينا عليها
دى مهزلة بجميع المقاييس ان قرار غير مسئول يطلع من وزير مسئول
اسهل حاجة عندنا نبييييييييييييييع وخلاص
فعلا نعيب الزمان والعيب فينا وما للزمان عيب سوانا
دول ناقص يبيعونا .. يبيعوا الشعب اصلنا كترنا
حسبى الله ونعم الوكيل فيهم
طب و الواد اللي واخد الطاووس عارف ده ايه ? و هايعمل بيه ايه ?
ملوخية بالطاووس ?
للأسف الموضوع ده يضايق جداَ :I_angr1[1]:
انا زائر دائم للحديقة و بشوف بتتبهدل إزاي مع الوقت .
بدءاَ من النظافة المعدومة إلي الحيوانات اللي بقت هزيلة جداَ و أعتقد معظمها عندها أمراض جلدية من قلة النظافة إلي الحيوانات اللي إختفت من الحديقة أصلاَ عشان ماتت و مجابوش غيرها زي الزراف .
يا ريتهم يخصخصوها .. صحيح سعر التذكرة هيعلي بس أحسن ما تكون رخيصة و ملهاش لازمة و بنعذب الحيوانات و خلاص .
و علي فكرة فيه مناطق كتير في الجنينة مفيهاش حراسة عالحيوانات و منظر الطاووس ده شفت زيه قبل كدة واحد قافش في الطاووس من برة السور و بيقطع ريشه عشان ياخد ريشتين للذكري ! و اما رحت إتكلمت معاه قاللي يابا صلي عالنبي!
انا من عشاق الحيوانات فعلاً!! حتى انى ساعات بحس انى مجنون من كتر ما بخاف على الكلاب فى الشارع او القطط
تخصيص الحديقة فيه فائدة كبيرة جداً والغلابة الى مش عايزة تدفع ربنا يسهل لها بس على الاقل نسبة العيال المعقدة نفسياً الى بتعذب الحيوانات ممكن تقل لما يكون تمن التذكرة كبير على بعض الناس
هو دا مش الحل الحل هو انك تعين حراسه نضيفة على الاقفاص وتهتم بالحيوانات بدل ما حالتهم صعبة على الكافر وشكلهم بيكلوا اكلهم!
يارب فعلاً تتخصص عشان يكون فى اهتمام اكبر بالحيوانات
الظاهر ان وزاره الزراعه دي هي وزاره الفشل.من يوسف والي الي امين اباظه يا قلبي لا تحزن.
bemo,ire
بقالى 900 سنة مرحتش الحديقة دى :)
ده لو كنتاكى و ماك و بيتزا هت و كوك دور فتحوا فروع صغيرة بايجار كبير هتتحل جزء من المشكلة ده غير الكافيتريات اللى تتعمل زيادة تجيب لهم دخل للحديقة مع رفع سعر التذكرة الى جنيه و نصف او اكثر , كده سعر التذكرة مش عالى و لا حاجة ابدا ابدا لان الواحد مش بيروح الجنينة كل يوم ده الناس بتروح غالبا فى المناسبات و جنيه و نصف مش كتير والله و لا حاجة .
الدولة قامت ببناء ستاد برج العرب بالاسكندرية , و للاسف معرفتش تكاليف الاستاد ده كام لحد دقولتى , الاستاد ده اتكلف ملايين كتيرة جدا جدا جدا ده حتى فيه مكان لهبوط طائرات .
طب ليه بنوا استاد و لم يهتموا بحديقة الحيوان !!
عارفين ليه ؟
علشان الاستاد ده هيشرف مصر بره لكن الحديقة هتشرف مصر جوه , و جوه يعنى الشعب يعنى فى 60 الف ........* .
البلد فيها فلوس و لو حد عايز يطور و يهتم بالناس هيطور و يهتم و لكن على راى المثل ( هى كانت من بقية اهلنا ) ..
ما هم حتى لما قالوا يعملوا فيها الافلام دى .. عشان تدخل ضمن حدائق حيوان العالمية .. عشان برة مش جوة :d
تحيا مصر
المهم ينجزو علشان الجيل الجديد من الأطفال يلحق يشوف الزرافة على الطبيعة بعد ما يشترو واحدة بدل اللى ماتو