الموضوع: أرجو النصيحة : التأمين أصبح غالي جدا و العربية قسط -بنك عودة

المشاركة الأصلية كتبت بواسطة semsem67

الإخوة الأفاضل في المنتدى :
اشتريت عربية هيونداي فيرنا ودفعت نصف الثمن نقدا والباقي قسط مع بنك عودة على خمس سنوات ، وانتظمت في دفع الأقساط لمدة سنتين وكنت خلالهما أعمل تأمين على العربية لصالح البنك وكانت أسعار التأمين معقولة لحد العام الماضي - دفعت 1.65% من ثمن العربية في شركة المهندس للـتأمين والأمور كانت ماشية - السنة دي حبيت أجدد البوليصة في نفس الشركة فطلبوا 4.2% يعني أكثر من الضعف - رغم إني مأمن على عربيتين عندهم ومعملتش أي حوادث وسألت في شركات ثانية فوجدت أقل سعر 3.6% ، وكمان أول ما يعرفوا إنها تبع بنك يغلوا السعر ، والبنك مصمم على التأمين رغم إني عرضت عليهم إني أحط وديعة عندهم بالمبلغ اللي عليا لهم ويحجزوا عليها كضمان للقرض - أو أي ضمان مالي هم عايزينه بدلا من التأمين و يكون ده أحسن لي و للبنك فرفضواوقالوا مش حنديك ورقة الموافقة على تجديد الرخصة من غير بوليصة تأمين - قلت لهم طيب حأسدد اللي علي كله ومش عايز أكمل القرض ، قالوا ماشي بس حتدفع 5% غرامة سداد معجل -تخيلوا : أديهم فلوسهم قبل معادها بثلاث سنوات يغرموني 5% من المبلغ المتبقي !!!!!- مش عارف أعمل إيه :
1- أأمن وحسبي الله فيهم وأدفع مبلغ فوق 2000 جنيه والعربية فيرنا وحاجتها أصلا رخيصة وده طبعا حيتكرر ثلاث سنوات قادمة ؟
2 أو أديهم فلوسهم و أدفع الغرامة ( الإتاوة 5% ) وحسبي الله فيهم برضوا ؟
3- هل فيه وسيلة لتجديد الرخصة من غير ورقة البنك؟
ماذا تفعل لو كنت مكاني؟

بص
انت محتاج تعمل دراسة
هتوازن فيها بين
قسط التامين الزيادة عن كل المدة الباقية

قيمة الفوائد اللى عتتشال من عليك و قيمة ال5 % اللى هتدفعها
الارخص ليك اعمله

لو عرفت تدي البنك
وتخليه يقبل الوديعة
برده هتعمل دراسة تانية
للفوائد اللى هتاخدها من البنك واللى هتدفعها
وبين قيمة قسط التامين

ما تتخضش من كلمة دراسة
كل الحكاية قلم رصاص
استيكة
الة حاسبة