بالتوفيق ان شاء الله
التيدا فعلا عربية رائعة
عرض للطباعة
بصراحة انا اللى سعيد بردك المحترم وذوقك ده
انا عارف موضوع الحرق ده فى اى عربية لازم يسحب بنزين وحتى وانا معايا البولو 99 وماتورها 1000 سى سى بيزيد معدل الاستهلاك بتاع البنزين وقت القرص والجرى والسرعة وخصوصا لما بتزيد على الار بى ام وبتحرق على الغيارات
بس فى حاجة كنت عاوز اتاكد من حضرتك منها وهى
هل لو حطيت بنزين 92 فى الجين 2 فى لمبة بتنور عشان العربية مصممة على ان يتحط فيها 95 وبنضطر نروح التوكيل عشان يحلو الموضوع ده ولا الموضوع ده مبقاش موجود فى الموديلات الجديدة
وبعدين بردوا انا بعيب على التوكيل وده من الموضوعات اللى قرتها هنا فى قسم بروتون , لقيت الناس بتقول انها مثلا كانت بتشتكى من حاجة وتروح التوكيل تطلع بالعربية من عندهم بعيب تانى , او نفس العيب يفضل موجود , وشكاوى كتيرة اوى مش فى المعاملة وبس ولكن فى التصليح والصيانة
وصدقنى اكتر حاجة مخليانى مقلق من شراء العربية هو التوكيل وكان الخامات الضعيفة بس انت طمنتنى انها اتحسنت
فى سوال اخير برضوا معلش وهو
لو قدام جيت 2 2010 وبيرسونا 2010 تجيب اى واحدة بس بعيد عن الشكل لان انا عارف ان الجين 2 شكلها رائع خالينا نتكلم من الناحية العملية
ومرة تانية احب اشكرك على ردك الرائع اللى بيدل على انك شخص واعى وهادى وحكيم
وانت اللى منور قسم البروتون مع عائلتك البروتونية وربنا يوفقك
انا عارف اد ايه انت معجب مش بس معاها بس خلينى اوضحللك حاجه
انت بتقول الصنى مش مريحه زى النوبيرا طيب هل ابعاد النوبيرا اكبرا مثلا ...لا مش كده ده نظام التنجيد الى عامل كده فى الكراسى والكنب والابعاد :8954[1]:
فى الجين2 الكنبه الى ورا القاعده بتاعتها متصممه ومتنجده بتاخد الواحد بالكامل فكده الرجلين مش هاتخبط فى الكراسى بص كويس على قاعدة الكنبه وهتاخد باك نيجى للعرض وده كنز شويه اصغر من النوبيرا لكن اكبر من الانوس لكن برضه بيركب 3 عادى جدااااا :11:
وانا عندى عائله ووالدتى كبيره وعصبيه جدااا والمطبات معاها والسواقه بتفرق خصوصا انها كانت بتسوق وبدلت اكتر من عربيه كبير وصغير ومش بالشكل المريع ده بالعكس بتحب تركب معايا عن عربية اخويا النترا 2009 رغم الوسع والنعومه و محدش اشتكى نهائيا انى مثلا اطلع الكراسى شويه عشان يرتاح شويه من الزنقه الى هو فيها :O_stupid[1]:
الشنطه كمان رحبه طيب عاوز ايه تانى عشان العائلى :fun_36_3_4[1]:
انا بكلمك بكل امانه... العربيه عن تجربة سنين جين2 رياضيه عائليه 100 فى 100 مش كومبو ده برضه هاتشباك فى الاخر :F_eyeb1[1]:
ربنا يوفق
هل لسه يا جماعة البروسونا الموديلات ال2009 او 2010 المالتى فنكشن بيعلق فيها ولالا وهل لسه شالين مثبت السرعة ولالا , وهل لسه بردوا مفيش تحكم فى نور الفوجات ولالا ام كل ده نزل فى موديلات 2010 وعيب المالتى فنكشن علجوه ,
اصلى معجب بالبرسونا اوى والنيو اكسنت الاتوماتيك ومحتار بين الاتنين
النيو اكسنت ماتور اقتصادى ومحترم بردوا بس عيب العربية التوكيل سئ ومفيش وسائل امان فى العربية خالص
بس حتاخد عربية محترمة وتقفيلها محترم
البرسونا عيبها بردوا التوكيل والخامات المستخدمة مش قد كدا وبيقولوا فى حاجات بتعلق فيها ومش عارف ايه وبتتعالج فى التوكيل وانا مش بحب اركب عربية فيها مشكلة واروح التوكيل عشان يظبطهالى وهكذا
بس المميزات حتاخد ماتور محترم بردوا ووسائل امان
شيروا عليه اختار ايه واتنازل عن ايه
أهلا بحضرتك يا أ.أحمد
يا باشا انا بس حابب أقولك أن البيرسونا لا تقارن نهائيا بالنيو أكسنت --- فرق شاسع لصالح البيرسونا!!
نصيحة توكل على الله وهات البيرسونا == وسائل أمان محترمة جدا + ثبات + قوة موتور+كماليات جامدة جدا + العربية دى هتنتشر جامد!!
وفى إعتقادى إنها ممكن تغلى عشان الطلب الكبير اللى عليها هى والجين 2 وربنا يستر!!
وطبعا متنساش الإستخارة
وربنا يوفقك للى فيه الخير إن شاء الله :satelite:
ربنا يكرمك ... حضرتك اللى شخصيه محترمه وذوق
----
انا من ساعة ماجبيت العربيه ... ومش بحط غير 92 ... ومره حطيت 90
ومافيش لمبه عندى نورت .
انا فعلا كنت بسمع عن المشكله دى زمان ... شكلوهم ضبطوها بعد كده الموضوع دا .
----
و فعلا التوكيل .. ممكن اكتر حاجه تخلى الواحد يفكر قبل مايشترى البروتون ... لانه يعتبر اكبر عيب موجود فى العربيه ....
بس حاليا الواحد بقى مطمن ... لانى شفت ان فعلا فى تطورات داخليه بتحصل ... ولما حاجات معينه تخلص ... هتنتهى معاه المشاكل دى
----
بعض المشاكل :-
مثال 1 :
عميل بروح ... ويقولهم على كام مشكله ... يجيى يستلم العربيه يلاقى نفس العيوب ومافيش حاجه اتحلت ... او خربوا شىء ثانى فى السياره ...
الحل اللى شاغلين فيه دلوقتى ...
مركز صيانه كبيــر فى القريه الزكيه .. شاغلين فيه دلوقتى والافتتاح قريبا ... ودا هيحل مشاكل كتيره جدا جدا ... وهيقلل الضغط على فرع ابو رواش ... وبالتالى المشاكل دى هتختفى ...
لان المشاكل دى ناتجه عن زيادة الضغط عالفرع .. مقارنه بحجمه وامكانياته
----
مثال 2 :
قطع الغيار وعدم توافرها باستمرار
على كلام م.امــــر .... حاليا المشكله دى بتتحل ... بانهم بدوا يعملوا استوك قطع غيار ... عشان يوفروا طلبات العملاء
وفى حاجه ان شاء الله ... لو كملت هتحل مشكله قطع الغيار فى مصر نهائيا .
--------
دول العيبين اللى فى التوكيل ... ودى الحلول اللى متوقع بتنفيذها ... تنتهى معاها المشاكل
---------
* ملحوظه : انا شخصيا وناس كتيره اعرفهم لم يتعرضوا لمثل هذه المشاكل مع التوكيل ... يعنى مش كل الناس هتلاقيهم قرفانين من التوكيل
والامثله اللى استخدمتها ... تعتبر اقصى حاجه ممكن تقرفك من التوكيل
----------
بخصوص جين2 , بيرسونا :-
حسب احتياجاتك :-
عاوز شنطه : بيرسونا ----- عاوز حاجه ليفت باك : جين2
هو دا الفرق الجوهرى اللى بينهم
لا صحيح ... وفى حاجه كمان ... بستغلثها جدا فى البيرسونا .. وهى ...
انها من جوا الفبر - اسود * رمادى - ... واللون الفاتح مبين شويه ان الخامات رديئه ..
بس كده
----------
وانا تحت امرك فى اى استفســــــــــار
تحيــــــــــــــــاتــــ ـــــىhttp://i122.photobucket.com/albums/o.../th_eclown.gif
لا والله ما فلستعش ولا حاجه ... http://i237.photobucket.com/albums/f.../emotes/no.gif
انا كنت مستنى الخناقه تحصل وتشعلل ... عشان ادخل اهدى النفوسhttp://i173.photobucket.com/albums/w...thsmile_12.gif
----
حصل خير ...
وياعم دانت الايفينت اللى فات بعد مامشيت الناس كلها قعدت تشكر فيك ... واتفقنا عشان شخصيتك المحترمه نجمع مع بعض ونجبلك جين2 هديه .. http://i173.photobucket.com/albums/w...th_thyes_3.gif
عشان تبقى بــروتـونــى رسمىhttp://i173.photobucket.com/albums/w..._ththumbup.gif
هيص ياعمhttp://i173.photobucket.com/albums/w...thWinkWink.gif
تشــرب عصيــر http://i173.photobucket.com/albums/w...atdrink055.gif
طيب انا مستنى الهدية واوعى تفكر انكو تكلوها عليا انتو حرين المرة دى هاتكون خناقة بجد:khd:
استاذ ايمن بصراحة انت انسان محترم والله وكفاية سعة صدرك وذوقك مع الناس وردك الهادئ
بس موضوع انها يتوسعوا فى انشاء مركز كبير ويتحل المشاكل , هو ممكن اه فعلا بس المشاكل اللى حتتحل هى الزحمة بس
اما مشاكل الصيانة وانهم مش قادرين يفهموا فى تصليح الصيانات ده عاوز انهم يبعتوا مهندسين الصيانة اللى عندهم بره مصر ياخدوا دورات تدربية ويتوفر عندهم اجهزة صيانات حديثة ومتطورة عشان يقدروا يحطوا ايدهم على العيب اللى فى العربية اللى بيشتكى منه العميل
بس بردوا مش قولتلى موضوع التعليق اللى فى الدريكسون فى المالتى فنكشن ده ظروفه ايه هل لسه موجود التعليق ده فى موديلات 2010 ولالا لان انا عجبانى البرسونا عشان الشنطة بس لان زهقت من الهاتش باك لان معايا بولو 99 وعاوز حاجة اوسع بقاااااااااااااااا لانى اتخنقت من الزقة
واسف على اطالة وتعبك معايا
تقبل تحياتى
عيــب عليك ... انت عارفنى لما بقول كلمه بعملها على طول ... زى بالضبط مواعيدى المضبوطـــه http://i173.photobucket.com/albums/w...thWinkWink.gif
ياباشا ربنا يكرمك ... دا بس عشان حضرتك شخصيه محترمه وذوق والله .
----
شوف ياباشا المهندسيين اللى فى التوكيل بجد مستواهم كويس جدا جدا ... ودا راى ناس كتيره .
دا بيعدلوا العيوب اللى مضايقه الناس في العربيه ... وصدقنى اغلب الاخطاء اللى بيعملوها بتكون ناتجه عن الضغط اللى عندهم
يعنى مثلا ... لما ينسوا يراجعوا على العربيه عند التسليم ... ويسيبوا غطا الزيت مفتوح
ولا لما يعملوا تشيك ... ولما تخرج تلاقى ان الكارتيره مخرومه ...
ولا لما تقولهم على كام مشكله ... وتلاقى نص المشاكل اللى قلتها وانت خارج موجوده
...
شوف كلها مشاكل مقرفه وبتقرف الواحد ... بس لو جيت كل مشكله رجعتها لاصلها ... هتلاقى السبب الرئيسى ان مافيش وقت عشان يعملوا الحاجه كامله ... والسبب الرئيسى فيه الضغط فى الشغل .
----
بخصوص المالتى فانكشن ... انا فعلا عندى احيانا بيعلق ... بس بصلحه على طول ... وهى انى بضغط ضغطه قويه على الزرار ...
ودا بيكون عاوز بس يتنظف من جوا ... او تكون خبطت الدريكسون جامد ... فيكون زرار اتحرك حاجه بسيطه ولا حاجه
(دا استنتاجى ... استنتاج عبيط كده لحد ماعرف صح ولا غلط)
----
يارب اكون قدرت افيدك بحاجه
وانا تحت امرك فى اى استفســــــــار
تحيـــــــــــــــــــاتـ ـــــــىhttp://i122.photobucket.com/albums/o.../th_eclown.gif