السلام عليكم كلكم
انا بفكر اجيب دايو ليجانزا بس كنت عايز اعرف هل قطع غيراها موجودة فى السوق
وهل هى عربية معمرة وعفشتها تستحمل البهدلة
ياريت الإهتمام منكم
عرض للطباعة
السلام عليكم كلكم
انا بفكر اجيب دايو ليجانزا بس كنت عايز اعرف هل قطع غيراها موجودة فى السوق
وهل هى عربية معمرة وعفشتها تستحمل البهدلة
ياريت الإهتمام منكم
لية محدش بيساعدنى ويرد على
يا أخى
أحنا كلنا تحت أمرك
بس للأسف معظمنا ممكن يفيدك فى قطع غيار الانوس أو النوبيرا
نظرا لأن غالبيه الأعضاء معاهم النوعين دول من الدايو
ونادر أوى
لما حنلاقى زميل معاه ليجانزا
وهى عربيه ممتازه فعلا
بس دايما بيفضل أقتناء السيارات الأكثر أنتشارا
زى النوبيرا أوالانوس كمثال هنا فى قسم الدايو
ده رأيى كأحد الأعضاء
وأن شاء الله تلاقى مشاركات أخرى حول موضوعك
موجوده بس كمالياتها قليله انما موتور و عفشة موجوده
انا عن نفسى مش برشحهالك ..... لسبب بسيط اقلها انك لما تفكر تبيعا صعب انك تلاقى حد يشتريها لان محدش بيفضلها لانها 2000سى سى بس.. فأنا من رأيى خليك فى النوبيرا لو انت عايز حجم كبير و سعر اعادة بيع مضمون و قطع غيار متوفرة و ارخص و الكلام دة من واقع خبرتى من الاعضاء اللى معاهم النوبيرا و كمان الميكانيكيا اللى بسئالهم و بعض اصدقائى ايضا
بسم الله الرحمن الرحيم
اخي الكريم
انا اشتريت ليجانزا من وقت قريب لاكن قبل الشراء عملت بحث عنها وطلعت بالنتائج الاتيه الي اتأكدت بعد الشراء
المزايا
قطع الغيارالجديده متوفره وبسعر النوبيرا و اللانوس تقريبأ
قطع الغياراستعمال الخارج متوفره عند بعض التجار و بسعر النوبيرا تقريبأ ايضآ
الاتساع الداخلي تحفة
الثبات علي الطريق تضاهي المرسيدس وال b m و الاوبل
التكييف تلاجه وباقي الكمليات مريحه وسهله الصيانه
السرعه القصوي 185 في الكاتالوج لكني جبت بيها 200 وكان لسه في دواسه البنزين تاني
العيوب من وجهة نظري
استهلاك البنزين 200ك في الصفيحه في السفر و 155 في وسط البلد
كاكل الدايو ومعظم السيارات الحديثه وطيه علي الارض
لاكني بنصحك بيها لو موضوع البنزين ميفرقش معاك
انا بصراحة شايف ان اليجانزا العربية الكبيرة بتاعت عائلة الدايو
يعنى تقدر تقول مرسيدس الدايو
فخامة وقوة وثبات يمكن ضعف اللى فى النوبيرا كفاية المكنة والاوبشن الزيادة فى الصالون والمقاعد
انا ركبت العربية دى من 3سنين هيا اللى حببتنى فى الدايو وخلتنى افكر اجيب نوبيرا
بس الكلام دة هيتوقف على حالة العربية العامة هل داخلة على مصارف صيانة كتيرة زى اى عربية استعمال وعايزة تغير المستهلكات اللى بتعطل معاك
يا اما بتاخدها من واحد عدى المرحلة دى وفوق العربية تمام التمام ومبقتش محتاجة مصاريف بس فى الحالة دى هتكون افضل واريحلك انت وسعرها هيكون اعلى بالنسبة للصيانات اللى اتعملتلها
والبنزين عشان دى مكنة 2000سىسى ولو اتوماتيك هتكون اريح بكتييييير وتكون بحالتها
ولا انصحك انك تجيب سيارة استعمال تكون متبهدلة وشكلها عايز واقفة عشان تطلع زى ما كانت من جميع النواحى مكنة عافشة وبودى هتصرف معاك كتير وهتتعب عقبال متلعها عربية زى الاول
وربنا يوفقق ويعمل اللى فية الخير ودى وجهة نظرى فى الموضوع دة والله الموفق
فعلا انا استفدت كتير جدا منكم ربنا يكرمكم
عربيات جامده موووت
عربيه ممتازة جدا جدا جدا جدا جدا بالنسبه للفئه السعريه بتاعتها و امكانياتها و كمالياتها و بالنسبه للبنزين انا مش شايف انها كدة بتستهلك بنزين جامد مهو اللانوس بدو بتعمل 220 كيلو فى الصفيحه و دا فى احسن حالاتها يعنى فلرق 20 كيلو بس بس شوف انتا راكب ايه ليجانزا توكل على الله بس المهم الحاله
انا كل المشكلة اللى مقلقانى هى مدى تولر قطع الغيار
كحاله عامه
لما تبقى قلقان من حاجه ......أبعد عنها
حتى لو كانت خرافه
فيه مثل بيقول
قرد موافق ......ولا غزال شارد
هههههههههه
شوف يمعلم ... انا اقولك على الليجانزا
اولا انا كان معايا ليجانزا موديل 2000 و 2000 سيسي اوتوماتك
عربيه ملهاااااااااااااااااااااا ااااش حل تحفه ملهاش دعوه بالكوري -- عربيه اصيله جدا جدا جدا قطع الغيار موجوده بالهبل و رخيييييصة جدا جدا جدا وزي مالزميل اتفضل وقال المستورد برضو موجود
على سبيل المثال متور استيراد 4500 فتيس اوتوماتك 4500 كباس 400 حساس tps 90 فانوس امامي 200 جنيه (طقم رشاشات اصلي جديد 1000)
العربيه هايله على الصحراوي وفعلا رقم 200كم /ساعه ده عادي
ولكن معظم قطع الغيار الموجوده مش اصليه وده على حساب العمر الافتراضي طبعا
انا بعت العربيه و كنت هعيط وانا ببيع لسببين اولا العربيه بقت عشرة عمر وثانيا انا بعتها رخيصة جدا لانها نكنتش عايزا تتباع .
و للعلم انا بعت العربيه عمله اكثر من 415000
(اربع مائه و خمسة عشر الف كيلو) تم تغير الفتيس و المتور عند 350000
و ياريت تقولنا معروضه عليك بكام و توكل على الله .
يا باشا العربيه دي احسن واقوي عربيه عملتها دايو...............تعمل في الصفيحه حوالي 180 كم عشان موتور2000 سي سي, لكن الفرق يستاهل ,العربيه من جوه وااااااااااااسعه , عفشه رياضيه ,اكثر ثبات علي الطرق ,وكمان قطع الغيار موجوده ورخيصه وللعلم الموتور هو اوبل فيكترا 2000 وانصحك هات مانيوال ,العربيه136 حصان والتسارع من 0الي 100 في 10 ثوان .انا كان معايا نوبيرا 1 automatic.عملت معايا كل اللي تتخيله واللي ماتتخيله. بس الليجانزا ما شاءالله محترمه, انا بعمل شهريا حوالي 4000 كم لظروف العمل وكمان ساكن في الشرقيه يعني الطرق جميله!!!!!!
طيب معلش للمداخلة بس يا ريت لو نعرف هي موديلاتها من سنه كام حتي سنه كام و سعرها تقريبا في حدود كام لو بحالة ممتازة
شكرا على الافادة
2000 سي سي يعني غول بنزين و كمان ضرايب غاليه و و و
بس انا مبعيبش في العربيه و لا حاجه
المانيوال في الكوري كله احسن من الاوتوماتيك ,انا معايا ليجانزا مانيوال واحد صاحبي معاه واحده اوتوماتيك شاريها من الزيرو واستعماله عادي الفتيس باظ منه 3 مرات ,بس ممكن تكشف عن الفتيس قبل ما تشتريها, اما بالنسبه للبنزين 80 انا ماجربتوش قبل كده عشان سمعت انه يعمل مشاكل, بس العربيه جميله:verygood: ولو ناوي الشراء توكل على الله , ممكن تقول معروضه عليك بكام ؟