الموضوع: ليه الناس بتعمل كدا...حاجة تقرف

المشاركة الأصلية كتبت بواسطة ehabbasha30

بصراحة الستات والبنات ملهمش لازمة فى السواقة
زاحمين الطريق دايما وعاملين مشاكل وحوادث وخبطات وطلعات مرة واحدة من الشوارع الجانبية وخبطات فى الركن وخطف يمين او شمال مرة واحدة وفاكرين ان الاشارة هى اللى بتمنع الخبطة لما الواحدة تخطف يمين او شمال مرة واحدة وتقوللك منا منورة الاشارة :pointi~2[2]:
غير كمان الفرامل المفاجاة عشان لابسة كعب عالى مش عارفة تتحكم فى الدواسات او تخبط فيك من ورا وتقوللك انت وقفت مرة واحدة
واحيانا كتير تلاقى الواحدة ماشية على مهلها اوى فى طريف مفرد وضيق وقدامها الطريق فاضى وتديها كلاكسات ولا هى هنا:i_angr1[1]:
غير كدة كتييييييييييييييييييييررر رررررر بس انا اللى مش فاكر
نادرا ما تلاقى واحدة بتسوق كويس:f_eyeb1[1]:

لا بجد شكرا اوي علي رأي حضرتك

بس في بنات مش فاضية تلبس الكعب العالي دا

وعمر مكانت الحاجة بنوعية جنس محدد

يعني انا احترم رأي حضرتك جدا لو بتتكلم بموضوعية من غير تريقة لان بصراحة الوضع مش مستحمل

ومش هعلق

المشاركة الأصلية كتبت بواسطة elassar2010

فى المواقف الى زى دى الى يعلق عليكى قوليلى طاب ايدك معايا نزق العربية
هيتكبس ومش هيتكلم

متعلمتش ادخل في حوار مع الغوغاء لانك هتطلع فلحالتين خسران

المشاركة الأصلية كتبت بواسطة sarah5

معلش المفروض متزعليش لانك مش لوحدك البنت الوحيدة اللي بيحصلها كده كلنا علي الحال ده مجرد ان بنت سايقة يبقي خلاص هي غلطانة في اي حاجة تحصل ده غير المعاكسات و الرخامة اللي بنشوفها والله حرام بس تعرفي بيني وبينك ان نفسي لما بلاقي عربية ماشية بطئ او مش عارفة تمشي بقول دي اكيد بنت اللي سايقاها بس ده مش معناه ان كل البنات مبتعرفش تسوق عموما الحمد لله علي كل حال وربنا يصبرنا علي اللي بيحصلنا في الشارع احسن حاجة في الظروف دي التجاهل انك متعبريش اي حد بيزعق او بيشتم وخليها علي ربنا

انا معاك بس بنت ماشية ومترردة كدا احسن ميت مرة من ولد متهور


بنت تخبط عربية احسن من واحد يفرم بني آدم تحت العجل عشان يتمنظر بسرعة آلة راكبها

ياريت ميزة فيه هو شخصيا

المشاركة الأصلية كتبت بواسطة motorizer

طب بعيد عن ده .. انا اما بلاقي بنت عربيتها عطلانة و أجي أعرض المساعدة بتفتكرني بعاكسها .. لسة قريب بنت عالمحور المركزي في أكتوبر في حتة مقطوعة و انا قاعد في كافيه و شايف عربيتها مركونة و فوانيسها منورة من ساعة ما قعدت و قلت العربية دي بطاريتها هتنام .. جت و فتحت العربية طبعاَ مرديتش تدور .. لسة رايح أقولها انا معايا وصلة بطا .. قامت "من فضلك !!!! إحترم نفسك !!!!" يا بنتي انا مش بعاكسك بس هقوملك العربية عشان تعرفي تروحي !!

مش مشكلتك انا هتصرف ! قلتلها خلاص إنتي حرة أصل مش هساعدها بالعافية يعني .. و خدت تاكسي و غابت ييجي ساعتين و رجعت بميكانيكي معاه وصلة و أخد وصلة من التاكسي اللي جم فيه ! و الكلام ده كان الساعة 11 بالليل .. يعني أعتقد إن حتي لو هعاكسها و انا بدورلها العربية أهون ما سواق التاكسي يخطفها ! بس كل واحد دماغه مريحاه

المشاركة الأصلية كتبت بواسطة aif

انا ح احكيلكم الحكاية دي علشان بس تلتمسو بعض العذر لبعض الناس ... مش كلهم طبعا
زوجتي مرة اتصلت بي ع الموبايل .... الحقني العربية بايظة ومش بتتحرج والشارع وقف والناس كلها عمالة تزمر وانا مش عارفة اعمل اية .....
الحمد لله كانت في شارع جنب البيت علطول وانا لسة مانزلتش من البيت
وفي دقيقة كنت ناطط في البنطلون وكنت في الشارع .... لقيت المشكلة اتحلت والحمد لله بعد الشارع ما بقي كله زحمة والناس مش طايقة تبصلها ... لكن معظم الناس في الشارع عارفينني وعارفين انها زوجتي ومش قادرين يتكلمو .... ده انا امام الجامع ... يعني كلمة واحدة ما تعجبنيش ممكن اصلي بيهم المغرب بسورة البقرة .....:f_eyeb1[1]: ( هزار طبعا )
المهم طلعت المشكلة اييييييه ؟؟؟؟
الهانم كانت ناسية فرامل اليد مرفوعة :o_stupid[1]:.... وكل ما تتحرك العربية تطفي وهي فاكراها عطلانة
المقصود ان ساعات بعض اخواتنا بيغرقو في شبر مية وتكون المشكلة اصلا بسيطة اوي

لكن المفروض في حالة زي دي اننا نساعد مش نشتم ونتتريق .... لأن المواقف دي مردودة بالتأكيد .... وكلنا له زوجة او ام او اخت او بنت ..... يبقى المفروض نعتبر دي اختنا ونحاول نساعدها بدل التريقة والشتيمة ...... الناس بقت مش طايقة بعض

حضرتك عملت اللي عليك واكتر وعداك العيب ومش المفروض انك تزعل او تضايق

بس هي برده اكيد كانت خايفة