الموضوع: مين فيكم بيحب الخيرو يقدر يساعدنى

اولا انا بشكركم كلكم على روح التعاون الموجودة هنا فى قسم البرتون تحديدا
وبجد ماشاء الله عليكم وهو دة اللى شجعنى افتحلكم قلبى واحكى ليكم مشكلتى
مشكلتى ياسادة هى العربيات
علشان انا كنت راكب شاهين ومعتقد انها احسن عربية فى العالم الى ان اكتشف الواقع الأليم
وهو ما جعل جراحى تسيل دماء غزيرة وعينى تزرف دموعا كثيرة
على العموم انا فى الأول قلت اغير بقى واركب عربية بتكيف عجبنى شكل الشيفروليه افيو ودخلت
اشوفها الى ان اكتشفت انها ملئية بالمفاجاءات المحزنة وسعرها غالى عليها المهم فكرت فى النوبيرا وفكرت فى الإلنترا ومعجبتنيش غير شكلا وفكرت فى النيسان ومعجبتيش بردة وفكرت فى الصينى لقيته تعبان جدا المهم الانوس كذلك و الهيونداى بصفة عامة مش بحبهم المهم انا قررت تخصيص مبلغ 80000 جنيه لعربية جديدة وبالصدفة اكتشف البرسونا ورحت دورت عليها فى المنصورة
وشوفتها ومن ساعتها وانا حاسس ان مصمميها دخلوا فى اعماق احلامى ورسموا السيارة اللى بحلم بيها قوة وثبات وتكييف وفرامل واييرباج كل حاجة موجودة كل حاجة المهم قررت اشتريها وبالفعل حجزتها وقررت انتظر موديل 2010 وفعلا انا من اول الناس اللى حاجزين لا ان فعلا اول واحد حاجزها لانى حاجز من زمان جدا المهم فوجئت بظروف تمنعنى اشتريها وهى انى بشترى شقة وطبعا الشقة اولى وقررت انى اخفض السعر دة بالإضافة لحاجات تانية ما تشجعش زى قطع الغيار الى مش متوافرة فى المنصورة والصيانة وكذلك بردة فى التوكيل فى مصر المهم قررت اجيب عربية ماتخلنيش
ازعل انى اتنازلت المهم فكرت فى اللوجان الجديدة بس قولت هى فرقت 12000 جنية قولت لا اخفض اكتر وصلت الى الليجانزا ناس كتيرة بتشكر فيها وبتقول عليها كويسة من حيث القوا والعافشة
وماتور قوى يستحم السفر كتير المهم انا احتارت ساعدونى لانى ماعنتش قادر اختار واصبحت فريسة للحيرة وانا مش عارف اعمل اية اجيب الليجانزا ووفر الفرق ولا مش مشكلة بقة واجيب البرتون؟

خلى بالك من حاجه مهمه ... الليجانزا 2000 سىسى يعنى الترخيص اغلى و استهلاك بنزين اعلى .... و تقيله جدا فى البيع اكتر من كل سيارات بروتون لان الليجانزا مش منتشره عكس النوبيرا و الانوس و مش علاشان دايو تفتكر ان قطع غيارها منتشره .. بالعكس قطع غيارها مش متوفره فى كل مكان زى الانوس و النوبيرا .

لو حضرتك عاوز حاجه تمشى بيها شويه و تبيعها بعد فتره باقل خساره ممكن تفكر فى نوبيرا " مانيوال " و دلوقتى اسعارها معقوله جدا 50 .. 55 الف جنيه حتلاقى نوبيرا مانيوال بحاله كويسه و قطع غيار و صيانه فى اى مكان و باسعار كو يسه و فى نفس الوقت لو حبيت تبيع مش تقيله فى البيع و المانيوال منها الناس بتفضله بيتباع بسرعه عكس النوبيرا الاوتو الى اسعارهها وقعت فى الارض .

طبعا ده مجرد رأى و شوف ايه المناسب لحضرتك لان كل واحد بيبقى ليه وجهة نظر و متطلبات مختلفه .