الموضوع: تانى يا غبووووووووور حرام بقى

السلام عليكم و رحمة الله و بركات
من غير كتر كلام هخش فى الموضوع علطول انا كنت فى غبور ابو رواش يوم الاربع اللى فات
كنت بعمل صيانه ال60 الف للفيرنا وكان معايا والدى و دخلنا التوكيل و طلع حظى مع مهندسه اسمها نهى منها لله اكيد عرفنها استلمت العربيه و انا حاسس انها مش فاهمه اى حاجه خالص
المهم العربيه دخلت الورشه عشان تغير طقم السيور و البوجيهات والبلى بتاع السيولر و طبعا مع تغيير الزيت و الفلاتر المهم بعد ما اعدنا فى الاستراحه 5 ساعات اتصلو قالو ان التيل عايز يتغير والدى قالهم غيروه المهم نخلص اعدو ساعه يغيرو فيه و بعد كدهندهو علينا روحنا نستلم العربيه ببص فى الفاتور لقيت الحساب:POINTI~2[2]: 1500 جنيه بابا قالى مش مهم بس اكيد العربيه هتغتلف خالص قلنا ماشى دفعنا و خدنا الفاتوره و خدت العربيه و مشيت انا واشى على المحور طبعا بجرب العربيه بعد التعيرات دى فا بجرى 140 و العربيه لحد دلوقتى تمام المهم دخلت القاهره وانا ماشى فوق اكتوبر ونازل نزلة الدقى لقيت فى تخبيط جامد فى العجله اليمين اتخضيت طبعا و قولد اكيد فى حاجه فى الفرامل مفكوكه ولا حاجه قولت لما اروح المحله هبقى اربطها المهم نزلت الدقى عملت كام مشورا ولسه بركب العربيه قولت لما ابص على العجل المهم لقيت العجله اليمين فى صاموله مش موجودده و صامولتين مفكوكين وصاموله واحده اللى رابطه طبعا اتخضيت العجله دى لو كانت طارة وانا على المحور كان زمانى ضايع انا ووالدى المهم ربطها و قولت ابص على المكنه لقيتهم كاسرين حته فى توصيلات كده مش عارف بتاعت ايه و التكييف مش شغال والبوجيهات مرطبه و العربيه بدات تقطع المهم نزلت المحله ظبط كل حاجه و العربيه دلوقتى تمام بس ده طبعا بعد ما اتصلت بيهم و الوش التانى بتاعى طلع
دا انا دافع مصنعيات بس 400 جنيه و يبقى الشغل بالمنظر ده
المهم الحمد لله ان انا و والدى بخير و ربنا يسترها علينا و عليكو يااااااا رب
معلش بقى طولت عليكو بس انا دمى كان محروق اوى قولت افضفض مع اخواتى و اقولهم

انت غلطان شوية بقى يا راجل مجلاكش قلب تبص على العربية قبل ما تمشى ؟؟

انت لو لقيت حكاية الصواميل دى وانت لسة جوة دا انت تزعق للصبح وشوف ساعتها حيعملوا ايه عشان تسكت.

انا شخصيا لما بروح ابو رواش ولا حتى اى مركز تانى بقعد ربع ساعة افحص العربية من كل حاجة.