السلام عليكم
اذا اتكلمنا في فئة السبعينات السعرية و نفس الوقت 1600 سي سي هنلاقي التالي:
1- فولكس باراتي
2 - بيجو 405 روا
3- هيونداي جيتز
يا تري ما وجوه المفاضلة بينهم؟
جزاكم الله كل خير
عرض للطباعة
السلام عليكم
اذا اتكلمنا في فئة السبعينات السعرية و نفس الوقت 1600 سي سي هنلاقي التالي:
1- فولكس باراتي
2 - بيجو 405 روا
3- هيونداي جيتز
يا تري ما وجوه المفاضلة بينهم؟
جزاكم الله كل خير
حضرتك استخدامك اية للعربية
يعنى لو عائلية يبقى باراتى ( توكيل زفت + قطع غيار غير متوفرة )
لو شبابية رأى هيونداى جيتز ( تقفيل كورى سحب جبار صغيرة و سهلة الركن و المناورة و واسعة جدا من جوة )
انا رأى جيتز
شكرا فهد باشا
طيب والبيجو رأي حضرتك فيها ايه ؟
حضرتك بقارن تلت عربيات مش ففءة واحده
يعنى المقارنة كده غلط
يعنى لازم تحدد الأول انت عايز أى فئه
شبابية-عائلية-رياضية أو غيرها
وبعدين السعر الى متوفر معاك
وبعدين تشوف الاختيارات الى فى السوق وعيوب ومميزات كل عربية
لكن أفضل الى انت بتتكلم فيهم دول هى الجيتز ولا يوجد وجه مقارنة
عزيزي ميدواقتباس:
المشاركة الأصلية كتبت بواسطة mr_midoo0
انا مش شايف انها غلط للاسباب التالية:
اولا كلهم 1600 سي سي
ثانيا كلهم في فئة الـ 75000 الف ( زائد او ناقص طبعا)
ثالثا انا عمري 29 سنة يعني لسة شاب وفي نفس الوقت متزوج وعندي عائلة وفي نفس الوقت محتاجها في الشغل
اما بخصوص العيوب والمميزات علشان كدا حطيت الموضوع دا علشان اعرف آراء سيادتكم
آسف على الإطالة
متجوز وعندك أطفال ............ يبقى الجيتز آوت ........... لومسافر مش هتكفي تشيل حاجتك
باراتى ( توكيل زفت + قطع غيار غير متوفرة + عربيه ناشفه ومش مريحه )
الروا لم تثبت أي نجاح على أرض الواقع ......... غير ان التصميم موجود ومنتشر من التسعينات مش ها تحس انك راكب جديد
خش على الاوبترا - او الواجا - او اللانسر 1300
لو مفيش فلوس ولا امكانيه تقسيط ...... يبقى نوبيرا أو أفيو
لم تثبت نجاح يعني فشلت ولا الخوف من الايراني عموما ولا علشان الشكل القديماقتباس:
المشاركة الأصلية كتبت بواسطة Mgio
مقدرش اقول انها فاشلهاقتباس:
لم تثبت نجاح يعني فشلت
عربيه مواصفاتها عاليه(1600 سي سي ) وسعرها منافس ونازله من حوالي سنه ولم تنتشر ....... ليه؟؟
اهم حاجة ابعد عن الباراتى
مقدرش اقول انها فاشلهاقتباس:
لم تثبت نجاح يعني فشلت
عربيه مواصفاتها عاليه(1600 سي سي ) وسعرها منافس ونازله من حوالي سنه ولم تنتشر ....... ليه؟؟
شوف اليارس
أعتقد هكون مناسة ليك
حذف للتكرار
حذف للتكرار
الجيتز
ولو تقدر تعلى لأول التمانينات يبقى جين تو على طول
وربنا يوفقك
اعتقد ان المتريكس احسنلك
انا حاسس يا شباب هانفضل نعلى بالعربيات لحد ما واحد يقولي اشتري فيراري ولا بورش
شكرا لكل من اضاف ردا او تعليقا او نصيحة ...
حد يعرف اي عيوب للبيجو 405 روا ؟؟؟؟
ثم فين آراء السادة المشرفين المفروض انهم اكثر ناس خبرة هنا ....
الجيتز جميلة و قوية و لكن غير عائلية ............. و هذا بمعنى الآتي
إذا كانت المدام و الأولاد بيركبوا معاك على طول يبقى لا تشتريها .......... أما لو كان الموضوع موسمي فهيا ممتازة
و هل تسمح لي أن أضيف سيارة ممتازة و أفضل من كل الأختيارات السابقة و هي الجين 2 أو الويرا
و ربنا يوفقك في أختيار كويس ...................
شكرا لك اخي tutankhamounاقتباس:
المشاركة الأصلية كتبت بواسطة tutankhamoun
ولكن الجين 2 اعلى من امكانياتي والويرا كذلك...
يا باشا دي الويرا عاملة تقريبا 73900 .............. و كمان على ما أعتقد أوتوماتيك و لكني غير متأكد من ذلك و العربية 1500 سم3 سي سي يعني .............. ووممتازة و ممكن تدخل على منتدى البروتون و تسأل أو تقراء مواضيع عن الويرااقتباس:
المشاركة الأصلية كتبت بواسطة وائل السويفي
لو اطفلك لسه صغيرين تبقي الجيتز بالنسبالك كويسه .
ابعد عن الفولكس الدرجه التانيه دا خالص(جول.بابراتي.............الخ الخ)
البيجو بصراحه انا ما شفتهاش في الشارع ولا جربتها و بالتالي ما اقدرش احكم عليها .
نصيحه حط الياريس في اعتبارك برضه
[quote=tutankhamoun][quote=
يا باشا دي الويرا عاملة تقريبا 73900 .............. و كمان على ما أعتقد أوتوماتيك و لكني غير متأكد من ذلك و العربية 1500 سم3 سي سي يعني .............. ووممتازة و ممكن تدخل على منتدى البروتون و تسأل أو تقراء مواضيع عن الويرا[/quote]
مفيش ويرا جديدة ياباشا تقسيط
حازم باشا شرفتني بزيارتك واللهاقتباس:
المشاركة الأصلية كتبت بواسطة hazem_khidr
متشكر جدا جدا على النصيحة بس برده الياريس عالية عليا
البيجو 405
انا اعرف ان محدش اشتكى منها و هى عائليه بالرغم من الشكل القديم
فممكن تفكر فيها لو ميهمكش المظاهر
و ممكن توسع الدائره شويه كمان فى رنج 75 (انا هاحاول ارتبهم بالافضليه بالنسبالى)
نوبيرا
نيو اكسنت
افيو
رينو كليو
فيات بونتو
فيات سينا
الفرنا وعيلتها
العفو يا وائل باشا.
يبقي كده نفكر في الافيو او النيو اكسنت.
النيو اكسنت فول اوبشن مانيوال 1400 سي سي ب 77 الف
متشكر جدا أخي abzaky
اقتباس:
المشاركة الأصلية كتبت بواسطة abzaky
حازم باشااقتباس:
المشاركة الأصلية كتبت بواسطة hazem_khidr
انا بالفعل معرفش مفكرتش فيها قبل كدا
جزاك الله خيرا
شوف يا باشا..
تعالي نفطر كده بالراحة..
اولا علي رأي اكتر من واحد هنا انك تبعد عن الباراتي.. واكيد اللي ركب فولكس وشاف توكيلها هيقولك كده عن تجربة.. واكيد كلامه صح..
ثانيا.. الرؤا.. ومش هاقول عنها بيجو.. ابعد عنها نهائي..يفضل انك انت تدخل تشوف اراء الناس عنها ايه في منتدي بيجو.. هتلاقي اولا اول مقلب ان توكيلها ضمانه سنة واحدة بس.. 20 الف كيلو.. وده تهريج.. ومعناه ان توكيلها نفسه مش واثق فيها.. وهي مالهاش اي علاقة بالبيجو.. كلام فارغ..
ادخل افضل شوف رأي الناس علي منتدي بيحجو هتصرف عنها نظر نهائي..
يبقي مش فاضل في اختياراتك غير الجيتز.. انا مركبتهاش.. بس كل اللي اسمعه عنها انها واسعة قوي من جوة.. بس يعيب الوسع ده ان تقريبا مفيش شنطة. صغيرة جدا..
وتوكيلها سيء للغاية.. لكن كعربية تحفة.. ثبات و قوة و جري ووسع و كلام كبير.. بس انت كده بتتكلم في المنيوال منها.. مش الاوتو.. لأنه بحوالي 82 الف.. و الماتريكس نفس السشعر تقريبا او اكتر شوية.. و بالتالي هتبقي غالية عليك..
برضه نبعد عن الرينو كليو عشان علي حسب ما قريت علي منتدي الرينو هنا في اوقات بيطلع فيها مشاكل كده عجيبة مالهاش تفسير,. بس حاجات مش كبيرة يعني.. قطع غيارها غالية شوية.. بس توكيل محترم جدا موثوق فيه و تقيلة قوي في البيع لو هتفكر تبيع..
يبقي كده ننزل بالفئة شوية.. نوصل للأفيو وهي تعتبر افضل الاختيارات..
مانيوال معلش هتبقي تقفيل مصري بس مش بطالة.. و توكيلها محترم جدا و اكتر من توكيل وقطع الغيار مش غالية و متوفرة..
البروتون ماعرفش عنها حاجة بصراحة..
افضل نصيحة.. تدخل انت بنفسك علي كل منتدي و تشوف اراء الناس ف العربيات دي ايه..
ادخل واقرا و اعرف واسأل الناس ومحدش هيبخل عليك بالنصيحة..
يا با شا الفاميلى ب 77 فول اوبشن ولو اى استفسار انا جاهز بس برشحلك الفاميلى
والوكيل بيقسط كمان وعامل عروض تقسيط حلوة
ثانية واحدة..
تشتري صيني مش معروفة ولا حد يسمع عن وكيلها وتدفع فيها 77 الف..
ولا تشتري هيونداي و تستحمل غبور.. و عربية محدش سمع عنها اي حاجة وحشة.. بنفس المبلغ؟؟
بصراحة انا باحسدك يا مودي علي الجرأة انك تشتري عربية كده مجهولة وتدفع فيها المبلغ ده..
هو حضرتك متعرفش شركة الطارق ولا اية ومتعرفش كمان ان مركز الصيانة هوة نفس مركز صيانة دودج وكريسلر وجيب وبعدين انا محتطش فلوسى فى عربية مجهولة حضرتك ممكن تدخل على الينك دة وحتعرف ان الهايما هى هى المازدا بنفس التصميم والماتور والصالون مع اختلاف ظهر العربية http://www.youtube.com/watch?v=YEpT9...eature=related
أولا انا ماعرفش شركة الطارق علشان انا مش متابع التوكيلات قوي غير التوكيلات المشهورة اللي باسمع عنها بالصدفة او اللي اتعاملت معاهم بس..
يعني منصور و مقار مثلا عارفهم عشان معايا اوبل وباتعامل معاهم..
المصرية مثلا مشهورة اكتر من القناة الفضائية المصرية ذات نفسها..
ابوغالي انا عارفه من ايام ما كان معاه الهوندا..
ابوالفتوح برضه انا عارفه من ايام البي ام..
بس سوري يعني الطارق ده انا ماعرفوش..
وغير كده انا عمري ما كنت هاهتم اني اسأل علي توكيل عربية صيني ايه..
عشان انا عن نفسي عمري ما فكرت ولا هافكر اني اشتري عربية صيني دلوقتي خالص..
علي الاقل قدامهم بتاع 10 سنين علي ما يقدروا يثبتوا نفسهم في السوق المصري..
ودي مش تقليل من كفائة الصيني.. بالعكس.. ده تشكيك في المستوردين اللي بيجيبوا عربيات الكواليتي بتاعتها سيئة و سعرها مش رخيص.. او كواليتي معقولة بسعر مبالغ فيه..
وبالسعر ده عمري ما هابص علي عربية صيني طالما في الكوري اللي هي جي ام علي الاقل..
اسم معروف.. وتوكيل مضمون او مشهور..يعني ايهما تفضل..
وبعدين انا من اللي شوفته وسمعته من الناس اللي راكبين عربية صيني خلاني اصرف نظر نهائي عن الصيني.. و مش بافرق بين الهايما بقي ولا مش الهايما..
وبعدين في نقطة مهمة.. ماهو كان في ماركة اسمها لايونسيل.. اللي هي نفس اللانسر الكريستالة و كانت تقريبا بنفس السعر.. ممشيتش في السوق ليه..؟؟
مش بتشوفها في الشارع كتير ليه..؟؟ مع انها موتور و نفس شكلا اللانسر في كل حاجة..
ونفس قطع الغيار.. يا تري ليه؟؟