ياريت حد يفيدنى فى المشكله دى (طلعت عينى)

يا جماعه انا كتبت الموضوع دة قبل كده بس مقدرتش احدد السبب ومش لاقى حل....انا عندى العربيه لما تكون ماشى فى شارع مكسر شويه تسمع صوت دبدبه جايه من ورا وانا حاولت اعملها والقى حل لكن معرفتش عملت الاتى:

1-رصصت العجل
2-مليت نيتروجين والضغط تمام
3-ربط العفشه فى صيانه ال 15 وبرده موجودة

انا مش عارف اعمل ايه...الصوت مش جامد ولكن مدايقنى جدا وبيخفتفى طبعا لا بجرى شويه...المساعدين اعتقد انها كويسه لانها مش ناشفه فى المطبات ولو جابت زيت او خلافه اكيد كانوا اكتشفوها فى التوكيل والعربيه موديل 2008 يعنى المساعدين مالحقتش....

ياترا هل من اراء....ياريت حد يفيدنى ويقولى اعمل ايه بالظبط

ممكن يكون فى حاجة فى الشنطة هى اللى بتعمل كركبة
شنطة العدة او الكوريك او كدة

لا للاسف مش حاجه فى الشنطه...وشكرا لرد حضرتك

انا مش عارف يا احمد باشا انت بتتكلم على الدايو و لا النيسان بس عموما ممكن يكون السبب ان الاستبن مش مربوط كويس
او السبب التاني و اعتقد انه ممكن يكون السبب جلب المقصات الخلفيه ده لو المشكلة مكنتش في المساعد او ممكن تكون البطاحة بتاعت المساعد محتاجة تربيط

اقتباس:

---

المشاركة الأصلية كتبت بواسطة aYaBooY

انا مش عارف يا احمد باشا انت بتتكلم على الدايو و لا النيسان بس عموما ممكن يكون السبب ان الاستبن مش مربوط كويس
او السبب التاني و اعتقد انه ممكن يكون السبب جلب المقصات الخلفيه ده لو المشكلة مكنتش في المساعد او ممكن تكون البطاحة بتاعت المساعد محتاجة تربيط

---

بتكلم على الدايو يا باشا
هروح اى بنزينه ان شاء الله وهعيد تربيط العفشه اللى ورا...لو المشكله لسا موجودة هروح التوكيل هطلع ..........:E_braces[1]:
وشكرا للمشاركه

اقتباس:

---

المشاركة الأصلية كتبت بواسطة ahmed20_08nubira

بتكلم على الدايو يا باشا
هروح اى بنزينه ان شاء الله وهعيد تربيط العفشه اللى ورا...لو المشكله لسا موجودة هروح التوكيل هطلع ..........:e_braces[1]:
وشكرا للمشاركه

---

لا تروح على ميكانيكي او عفشجي او بتاع زوايا يشيك على حالة الجلب و المفروض انها بتظهر بالنظر يعني من غير ما يفك حاجة

هوديها التوكيل ان شاء الله لما افضى...اصل الصراحه مش عايز ميكانيكى يلعب فيها عشان فى الضمان وكده...

شوف سوست التيل لو الصوت عامل زى الشخلله

انا كان عندي نفس المشكلة دية و عملت فيها كل حاجة و في الاخر طلعت ان الكاوتش اللي ماسك الشكمان كان مقطوع و كان بيخلي الشكمان بيهز في مكانة

طيب هل الصوت دة عالى و ملحوظ و بيظهر فقط فى الاماكن الغير ممهدة؟
هل بيختفى لو قعد ثلاثة ورا
هل هو عبارة عن دبدبىة و خبط و لا تزيق؟
هل النمر متثبتة كويس الاكصدام الخلفى او كالون الشنطة او الاستبن حاول تراجع على كل دة و انشاء اللة توصل لحل

تعايش مع الموقف، النوبيرا كله كده

الدبة عندك ورا وبالتحديد ورا يمين ، عن نفسي انا مش لاقي حل وبالنسبة للتوكيل لو رحت لهم بالعربية مفككة حتت مش هيدلوك علي خير ولا هيفيدوك في حاجة وهيقولو لك العربية تمام يا بيه ومافيهاش حاجة

اقتباس:

---

المشاركة الأصلية كتبت بواسطة waleedraafat

تعايش مع الموقف، النوبيرا كله كده

الدبة عندك ورا وبالتحديد ورا يمين ، عن نفسي انا مش لاقي حل وبالنسبة للتوكيل لو رحت لهم بالعربية مفككة حتت مش هيدلوك علي خير ولا هيفيدوك في حاجة وهيقولو لك العربية تمام يا بيه ومافيهاش حاجة

---

انا بالضبط عندى الصوت دة ورا يمين ذى ماحضرتك قايل والتوكيل بيقولى العربية سليمة

قبل اى كلام كل سنه وانتم طيبين ونحمد الله على عودة الروح فى المنتدى بعد غيبة رمضان والعيد

تعااااااااااااااااااااااا ااايش يا ريييس
الدبه ورا مش يمين بس .... بس انت بتسمعها يمين عشان وضعيتك جوا العربيه .... انت راكب فى الشمال اى صوت حتى لو فى النص هتسمعه بودنك اليمين اكتر ..... جرب تقعد فى اليمين وتخلى حد يسوق بيك هتسمع الدبه شمال

بعض الخبراء قالولى لو عاوز تخلص من القصه دى غير المساعدين بطقم مونرو ... لييييييييييييييه
لأن النوبيرا عربيه رفاهيه فالمساعدين اللى فيها طريه وحنينه فهى مش معموله للهبل اللى احنا عايشين فيه ومن الناحيه التانيه هتلاقى العربيه دى فى الشوارع النضيفه حرير وتتمنى تركبها
المهم المونرو قاسيه وتستحمل الهبل دا

بس خلاص