طبعا الطبيعى هو الكشف على الشاسيه هل سليم أم لقدر الله يوجد حوادث يوجد حوادث يبقى بلاش منها
تانى شئ حاله الموتور الميكانيكيه والشكل العام له
ودا من خلال الكشف على عادم الشكمان هل يوجد أى ألوان خارجه من الشكمان أبيض
أسود
أزرق
لو الحاجات دى موجوده معادا اللون الأسود لأنو بيبقى الموتور محتاج زبط يبقى بردو تبعد عنها
ولو عرفت تفك خرطوم الفايظ بتاع الزيت وتبص هل بيطلع دخنه ولا لأ بردو دى مهمه
مفيش حاجه من الحاجات دى يبقى اتكل على الله وانت مغمض
ثالثا تستمع جيدا لصوت فتيس السياره لو ملهوش صوت يبقى زى الفل
رابعا جرب كل غياراتك هل فى حاجه بتعض معاك لو مفيش يبقى زى الفل
خامسا تكشف على العفشه ودا من خلال التجربه وهيبان معاك وانت سايق العربيه فى منطقه مكسره شويه لوالعفشه فيها حاجه هتسمع معاك فى أيدك على طول فى الدركسيون
وطبعا صالون السياره وحالته
كل الحاجات دى لو كشفت عليها وطلعت تمام
يبقى ما فضلش غير خطوه واحده تحط العربيه على جهاز عشان لو فى حساس من الحساسات التقيله فى السعر بايظ ولا حاجه يبقى تكسر بتمنو من ثمن العربيه ودى أنا تحت أمرك فيها عندى الكابل وعندى البرنامج
وطبعا تبص على حاله الكاوتش
أيه بقى اللى هايحببك فى العربيه كل حاجه فى العربيه هتحببك فيها من سحب وثبات على الطريق وأستهلاك وقودو وعمر طويل لقطع الغيار طول منتا متابعها ومش هاينها الحاجه الوحيده اللى هتخنقك هى تشغيل التكييف مع المشى جوا البلد ولون لو ظبطت الكهرباء بتاعت العربيه كويس مش هتحس بالموضوع قوى
المفضلات