حلقات سيتروين - c4

**chato_eg** · 24-09-2009 07:31 AM

لو كان لسيتروين business card ...يبقى ال C4 هى أنسب صورة عليه...
هى سفيرة النوايا الحسنة
هى أيقونة الشركة..
الواجهة الجميلة التى يتطلع لرؤيتها الجميع
و ده كله نظرا لتوسطها ضمن أسطول سيتروين
فهى ليست مفخرة الشركة مثل ال C6 و لا هى مبتغى الشباب الصغير السن مثل ال C1 ..
هى السيارة التى تطلع إليها فى بداية الحياة الأسرية

يعنى ببساطة...شريكة الحياة فى أحلى الأوقات

العام 2004 بالفعل كان عام الجمال..فبه أطلق الفرنسيون قنبلتى الجمال ال C4 و الميجان II ...و قامت كلتاهما بالواجب و زيادة من أجل تحسين صورة الصناعة الفرنسية...و بالنظر لحجم المبيعات و الاهتمام التى حظيت به السيارات الفرنسية فيما بعد...فيمكن القول بأن صناعة السيارات الفرنسية ودعت تلك الحقبة التى طالما كان ينظر إليها فيها على أنها سيارات الخيارات الأخرى بعد الألمانية....

ملامح سريعة

من الداخل

من الحاجات التى اشتهرت بيها ال C4 ...ال Theme بتاع الحملة الإعلانية...بطل الحملة كان robot راقص بيتحول ل C4

YouTube - Transformers
YouTube - Citroen C4 - Commercial
YouTube - C4 Stayin' Alive with Technology
YouTube - Jack Bauer on Citroأ«n C4 Pallas Tv Comercial
YouTube - Comercial Citroأ«n C4 Pallas - Estabilidade
ما تتخضوش...ال C4 فى منها نسخة سيدان قادمة من الصين...ظهرت سنة 2007

...لرؤية أوضح
YouTube - Citroأ«n C4 Sedan

من أجمل الحاجات إللى شفتها عن ال C4 .....ثباتها و هدوءها...و الدليل واحد من أشهر الفيديوهات
YouTube - Citroen C4 Top Speed

و الراجل ده كمان
YouTube - C4 HDI TOP SPEED

كتالوج النسخة الكوبيه

فى النهاية لا يسعنى سوى شكر ال C4 على كل ما قدمته من جمال و تكنولوجيا و أمان و إعادة الثقة فى الصناعة الفرنسية....و ها هى تودعنا فى أيامها الأخيرة...و لكنها ستبقى عالقة فى الأذهان....و جميل إن كل المؤشرات تكيل إلى أن الجديد منها سوف يحظى بكل الروعة...فها هى ال C5 قد أرست المفاهيم..و ها هى ال C3 قد طلت علينا بحلة جديدة رائعة ... و تنتقل سيتروين من نجاح إلى آخر....فى شوق لمقابلة ال C4 الجديدة....و أترككم مع هذه ال Concept التى قد تقترب منها ال C4 القادمة ( سبق تقديمها عام 2005 فى معرض فرانكفورت )

**chato_eg** · 24-09-2009 07:38 AM

صور ال Coupe

**Ayman_52** · 24-09-2009 09:56 AM

موضوع وجهد اكتر من رائـــع

باشــــــــــا .... يا سلام لو تكرمت وعملتلنا موضوع زيه عن البروتون (بصفتك بروتونى اصيل يعنى)

تحيــــــــــــــاتــــــ ـى

**chato_eg** · 24-09-2009 12:59 PM

يا راجل...دى تبقى عيبة فى حقك
أما أنا أتكلم على بروتون
تعمل إنت إيه ؟؟؟
ما ينفعش طبعا..."جحا أولى بلحم ثوره "
بالإضافة إلى إن من غير تخبيط يعنى...هأتكلم أقول إيه...أنا أقدم عربية بروتون عرفتها هى الويراو الكلام ده بعد سنة 2000 كمان

**Ayman_52** · 24-09-2009 07:26 PM

ياباشا ماحنا خلاص اطلقنا عليك لقب -بروتونى اصيــل- ووجب عليك الالتزام وتاديه بعض الواجبات تجاه هذا المنصب

اولهم ... تعلمنا كام موضوع من مواضيعك الجامده دى

اشطـــه

تحيــــــــــــــــــــات ـــــــى

**ahmad--ezzat** · 24-09-2009 07:32 PM

السيتروين جميله اوى بس معقده اوى

**chato_eg** · 25-09-2009 03:24 AM

معقدة بمعنى ؟؟؟
فى التصليح ؟
ولا فى التشغيل ؟
و لا فى إعادة البيع ؟
و لا...؟؟
علشان نكون متفقين مبدئيا....كل الناس شايفة إنها جميلة...لكن مش كل الناس مقدرة لامكانياتها و تحب تختارها و تفضلها على غيرها لدرجة تدفع فيها فلوس ( مش قليلة )...
و إللى اشتراها و إللى ما اشتراهاش ...ال 2 معاهم حق...هى أولويات أولا و أخيرا

**chato_eg** · 25-09-2009 03:45 AM

المشاركة الأصلية كتبت بواسطة Ayman_52

ياباشا ماحنا خلاص اطلقنا عليك لقب -بروتونى اصيــل- ووجب عليك الالتزام وتاديه بعض الواجبات تجاه هذا المنصب

اولهم ... تعلمنا كام موضوع من مواضيعك الجامده دى

اشطـــه

تحيــــــــــــــــــــات ـــــــى

يا عم أيمن الله يهديك...
عايزنى أقول إيه بس على بروتون ؟؟؟
أنا إللى بأقوله عن رينو و سيتروين هو سرد للحقائق إنما بأسلوب مختلف عن طريقة الكتب العلمية و بوجهة نظر تحمل تقدير للفكر و الجهد
إيه العبقرى فى بروتون يستحق الإعجاب ؟؟؟
سنة كام عملوا " بروتون " ؟؟؟
أثرت الصناعة بإيه ؟؟
إيه أتخن حاجة عملتها بروتون ؟
باعت كام عربية ؟ و فين ؟
هى صفقة كويسة كمال مدفوع فى سلعة...و الجميع بيشجعها على التطور المستمر...لكن لازال الشوط طويلا أمام برتون حتى تدير رؤوسنا إعجابا...و أنا لأ أنفى إن الكثيرين بيقللوا من شأنها..لكن أنا شايف إن فى الوضع الحالى هى منافس ندى للكثيرين فى السوق العالمى
أنا لما بأتكلم عن سيتروين و رينو....بأتكلم عن شعب بموروثه و ثقافته و تاريخه و بلده و حضارته و شخصية متكاملة و صناعة بدأت فى المهد منذ أكثر من 100 عام....
إيه تأثير ماليزيا فى تاريخ العالم ؟؟؟...و لا دخلت صناعة السيارات إمتى علشان أدور على حاجة أقولها عن عربياتها ؟...
تفتكر حتى لو أنا عملت دكتوراة فى ماليزيا و صناعة السيارات فى ماليزيا....ممكن أقول إيه ؟؟؟...خليك واقعى يا مان...ماليزيا مع احترامى ...أنا لسه ما أفدرش أحط فلوس فى عربياتها...قلبى ما يطاوعنيش....الميجان قررت أشتريها فى أقل من دقيقة...لو كنت هأجيب بروتون...كان زمانى سائل طوب الأرض عليها و عامل عليها أبحاث علشان أكون مطمئن....
ده إسمه عامل الخبرة...رينو بتعرف تعمل عربية تقنعك بيها من أول نفس تأخده جواها...ليه ؟؟...علشان رينو دى بتعمل عربيات من أيام أباء أجدادى...شوف بقى كام عربية عملوها....لكن بروتون يا ولداه....كان فى كام واحدة قبل ال Gen 2 و شكلهم عامل إزاى...خلى بالك..لما بتشترى عربية بيدخل فى ثمنها الإسم...يعنى بفرض إن مرسيدس عملت عربية فى مواصفات الميجان من كل ناحية....برضه مش هاتكون بنفس السعر..لازم أغلى..لإن إسم مرسيدس إللى هما أفنوا عمرهم علشانه ده بيساوى كتير....
إنت إللى تعرف تقدر ال Gen 2 أكتر منى...إنت معاشرها...و تعرف تقول كلام أدق و تتكلم عليها بشكل أوقع منى و عينك ممكن تشوف حاجات كويسة أنا مش هأشوفها
ياللا ...شد حيلك...و فى قعدة روقان فكر فى موضوع حلو عن بروتون

**Ayman_52** · 25-09-2009 04:05 AM

كـــل سنه وانت طيـــب

**chato_eg** · 26-09-2009 05:06 AM

و إنت طيب يا أيمون :-)

الموضوع: حلقات سيتروين - c4

LinkBack

أدوات الموضوع

عرض

حلقات سيتروين - c4 - انشر الموضوع فى :

-

-

-

-

-

المواضيع المتشابهه

حلقات سيتروين - c3

حلقات سيتروين - c5

حلقات سيتروين - C4 Picasso

حلقات سيتروين - c1,c2

حلقات سيتروين - c6

الكلمات الدلالية لهذا الموضوع

المفضلات

المفضلات

ضوابط المشاركة