حصلت لي حادثه امبارح و عاوز مساعدتكو يا شباب..

**Puresoul** · 24-09-2009 11:29 AM

السلام عليكم
كل سنه وانتم طيبن و بصحه و سلامه..
اخوكو امبارح حصلت لو حادثه لعربتي الهوينداي جيتز 2008 مانيوال بفتحه سقف في شارع جامعه الدول كان معاي العيله و رايحين نزور ناس قاريبنا هناك و عند شارع شهاب كده في الدخله على شارع سوريا واحد ميكروباص الله لا يوفقه دخل بتقله كله على الجنب الشمال من ناحيتي كده و كسر المرايه و فعصلي الجنب كله و طبعا كشط البوهيه زي الورد..طبعا مسكت في زوماره رقبته و كان معاي اخويا فعملنا معاه الواجب لحد ما فصلونا الناس طبعا جات شرطه و عبط لكن يعني مشينا الموضوع و عليه العوض وليه العوض بس صراحه الحمد لله على كل حال و انها جات على قد كده..
سؤال بسيط عن سعر بودي مرايه هوينداي جيتز 2008 لون سماوي
والسؤال عن سعر البودي كامل بتاع المرايه للنوع الي يمكن تعديل المرايه كهربائيا و في الاماكن المتوفره فيها الي بتكون اصليه و بتركيب محترم ..
و شكرا..

**MEMES** · 24-09-2009 06:39 PM

الف حمد الله على سلامتك
معلش المؤمن مصاب
و ان شاء الله تتصلح و ترجع احسن من الاول

**Puresoul** · 25-09-2009 01:16 AM

شكرا ليك يا mems و ان شاء الله خير
في ناس قالت لي ما تغيرش المرايه و بس سبتها بنوع من السوبر لصق و ركب مرايه جديده و موضوع الخبطه الي على البودي دي بس ردها على البارد و ما تدهنهاش او تدخلها تتعدل على السخن لانه ده حيقلل من سعرها لما تجي تبيعها لانه بخصوص المرايه مش حتكون الاصليه بتاعتها و بالنسبه للدهان مش حيكون الفابريكه بتاعها..رأيكو ايه..