عندى حاجة بتحصل

**ahmedalihomos** · 24-09-2009 11:47 AM

عندى حاجة بتحصل يا جماعة انا قبل مااطلع بالعربية ببص باقي اد اية كيلوات فلقيتة فاضل273 كيلو فعملت مشواري وكان مشوار صغير عمل 15 كيلو فبصيت لقيت فاضل234 كيلويعني اكثر من 15 كيلو بكتيرو مؤشر البنزين نزل بتاع خمس شرط وكانت سواقة هادية؟؟؟؟؟؟؟؟؟؟؟؟؟؟؟؟؟؟؟ الحاجة دي بتحصل من اول ما جيبت العربية (جين 2 2009)وسالت قالولي اصبر لما تجيب 5000 كيلو وانا الان عامل7763 كيلو فحد يقدر يفيدني

**DR_EMAD** · 24-09-2009 02:05 PM

حضرتك بتشوف الكمبيوتر والعربية شغالة ولسه واقفة .. مش بتتحرك

فبالتالى بيقولك استهلاك البنزين على الوضع الحالى

.. لكن ..

لما تبدأ تمشى العربية .. النظام بيتغير .. والكمبيوتر يبدأ يقولك بناءً على النظام الجديد .. وهو المشى

وطبعا كل حاجة ولها نظام .. ولها استهلاك بنزين مختلف

يعنى العربية شغالة وواقفة ده نظام
العربية ماشية خفيف ... ده نظام تانى
العربية بتجرى بيها وبتقرص ده نظام تالت
مشغل التطييف ولا لأ .... وهكذا

وكل سيستم شغل من ده .. وله استهلاكه الخاص بالبنزين .. وبالتالى عدد الكيلومترات المتبقى

وفى انتظار رأى باقى خبرات وآراء باقى الأعضاء

**karaktar** · 24-09-2009 02:10 PM

كلام معقول استاذ عماد

**mark_milad_95** · 24-09-2009 05:14 PM

انا اعتقد ان الكمبيوتر بيقوللك متوسط ال كم اللى المفروض تمشيها ,

مالوش دعوة انت ماشى ولا واقف

**hism8hme** · 24-09-2009 05:18 PM

لما الكمبيوتر يقولك ان مثلا باقي 200 كم ع البنزين اللي فيالتانك فهو بيقولك كده لانه بيحسب الاستهلاك المثالي للبنزين يعني من غير مقاومه هوا او زحمه او انك ماشي في شوارع القاهره هنا مش بتجيب غير الاولاني والتاني وتقف في اشاره طويله والعربيه دايره طبعا ده غير التكييف

عشان كده الاستهلاك الحقيقي غير الاستهلاك المثالي

ideal and real

**tutankhamoun** · 24-09-2009 11:04 PM

بُص أحيانا كتيرة المؤشر قرائته مش مظبوطة 100 %
مش المفروض أنه ينزل قوي كدا ........ بس برضه أنتظر فترة التليين لغاية 5000 كم و بعدها تقدر تحكم على الأستهلاك .

بس أوعى تعتمد على كمبيوتر العربية في حساب الأستهلاك .......... ده أستهلاك متوسط مش الأستهلاك الدقيق .

أنت لما تحب تحسب الأستهلاك بدقة لازم تحسبه يدوي .........

تحط بنزين و تشوف مشيت كام كليومتر ....... و بعدين تقسم رقم الكيلومترات على رقم اللترات ...... يديك رقم قريب جدا من الأستهلاك العام للمحرك .

المفروض
داخل البلد ...... من 10 إلى 11 كم لكل لتر بنزين أوكتان 92
على الطرق السريعة مع تثبيت السرعة على 90 غيار خامس ....... أو 80 غيار رابع ........ من 13 إلى 15 كم لكل لتر بنزين و مش هايفرق كتير التكييف إن كان شغال أو مش شغال
التكييف بيفرق أكتر في الزحمة بس .