انشاء الله انا رايح اخلص بكرة
معلش يا جماعة أنا مصدعكم معايا بس عاوز نصائح سريعة وفى نفس الوقت دقيقة يعنى 1...2...3...4...
عرض للطباعة
انشاء الله انا رايح اخلص بكرة
معلش يا جماعة أنا مصدعكم معايا بس عاوز نصائح سريعة وفى نفس الوقت دقيقة يعنى 1...2...3...4...
يعنى انا اقصد ابص على ايه فى التقرير ولو لقيت فيه ايه ابتدى اقلق و اقبل ايه ولا أقبل ايه
لتانى مرة معلش يا جماعة بس انا لسه طالع من 128 يعنى متهيقلى انتو مقدرين
طيب مينفعش حضرتك تكتبلنا التقرير الى حيدهولك هنا و نقولك اذا تاخد العربية ولا لأ ؟
السلام عليكم ..
أخي الحبيب ahmed_moslem ....
أحييك على تحري الحلال والبحث عن نظام تقسيط اسلامي والذي قيد بحثك عن السيارة في معارض معينة ترتضي التقسيط المباشر وقد عانيت هذا العناء الفترة الماضية وأخيرا هداني الله إلى السؤال في بنك فيصل وكان عندهم الحل لهذه المشكلة فبنك فيصل يقسط بنظام المرابحة الإسلامي أي يشتري السيارة ثم يقوم ببيعها لك مما يخرجها تماما عن شبهة الربا ..لذلك تستطيع أن تذهب إلى أى مكان بيع وتأخذ منه (عرض سعر ) و تقدمه لبنك فيصل فيشتريها كأي عميل ثم يقسطها لك .وقد استفتيت دكتور في الشريعة ومسئول الفتوى في موقع اسلام أون لاين وقال لي أن الموضوع جائز تماما من خلال بنك فيصل .
بارك الله فيك وسدد خطاك وهيأ لك من أمرك رشدا ..
طيب سؤال يا اخ 717 لو سمحت
لو انا دلوقتي عايز اقسط معاهم انت بتقول بيشتروا العربيه من اي معرض انا هجيب منه السعر صح ؟؟؟؟؟
طيب ادفع للبنك انا بقي كام في الميه مقدم؟؟؟؟؟؟ وبيقسطوا لمده كام شهر؟؟؟؟؟ ياريت تقوللي لو سمحت
والفائده كام في السنه ومتناقصه ولا متزايده ؟
وياريت تضربلي مثال في عربيتك نوعها وكام مقدم وكام قسط لو سمحت
شكراااااااااا
حالة الموتور ممتازة
الاكصدامين مرشوشين والصاج كله فابريكة
العفشة محتاجة تربيط
الفوج لايت اليمين زجاجه مكسور :?
الكشاف الخلفى يمين مخروم خرم قد النص جنيه المعدن :? :?
الصالون ممتاز والحالة من بره ممتازة و الكاوتش تحس انه جديد.
محتاج تيل فرامل والتقرير اوصى بتغيير الطنابير :? :? :?
الكشافين الاماميين تحس انهم عليهم رمل لازق وغامقين بشكل واضح (سألت وعرفت انهم ممكن ينجلوا ويرجعوا زى الجداد عند واحد فى المهندسين ب 250 جنيه)
ما سبق كان ملخص التقرير (اخبرت به بالتليفون وبكرة هاروح اتأكد منه)
بصراحة بطنى وجعتنى لما سمعت موضوع الطنابير ده :evil: :evil: :evil: :evil:
انا كنت فاصلتهم لحد 76 الف (لسة الفايدة لأنى مقسط نص المبلغ).
ايه رأيكم يا جماعة؟ افاصل شوية كمان وأدوس ولا أكبر دماغى من ده كله وأبتدى من جديد فى سكة الزيرو سواء جين2 أو ياريس أو سيتى اللى بصراحة هاتكون سكة مجهدة لى ماديا (هيطول عليا فترة القسط والفايدة هاتزيد)
أنا هاروح بكره بعد الشغل على الساعة 4 علشان أ hold العربية ب10000 جنية لو نصحتونى بانى اخدها.
منتظر خبراتكم ونصائحكم
أخوكم أحمد
لحظة لحظة
كويس انى افتكرت
العربية لسة فيها سنة ضمان. أية اللى ممكن استفيده من الضمان فى ظل حالة العربية دى (ولا مش هاستفاد حاجة والضمان مالوش لازمة)
أنا لو منك الصراحة ... أبعد عن المستعمل !
أنا متعقد منه ! :cry:
أنا معرفش قوي في الميكانيكا - بس عربية عاملة 33 ألف وعايزة تغير طنابير يبقى في حاجة غلط والله أعلم. وكمان أخبار الفتيس إيه - خصوصا لو أتوماتيك.
رأيي الشخصي - لو هما مستعدين يتحملوا التصليحات أو نصها والعربية فعلا كويسة ولسه ضمانها ساري يبقى اتوكل على الله
إنما لو حسيت إنها هتعدي مع التصليحات و مش هيفرق معاك قوي إنك تركب حاجة غير الواجا حاول تجيب حاجة زيرو من اللي إنت ذكرتهم أفضل.
أنا بحاول أشاركك التفكير مش أكتر واستنى آراء باقي الإخوة
وإن شاء الله ربنا يوفقك للخير
أنا رأيي العربية كويسة بس فاصل معاهم يمكن تنزل شوية في السعر ......... دي عاملة 33 ألف كيلو فقط و دي حاجة كويسة
و بعدين الناس هنا في مصر أستعمالهم سئ للسيارات عموما
و لو انت زهقان و عايز تكبر دماغك أشتري جين 2 و أتكل على الله
اقتباس:
المشاركة الأصلية كتبت بواسطة tutankhamoun
+100000000000000000