مطاردة مثيرة فى شوارع الجيزة بين ضابط وسائق ميكروباص بسبب اختطاف صحفية

**elassar2010** · 24-09-2009 12:16 PM

وقعت مطاردة مثيرة، ظهر أمس، بين ضابط شرطة وسائق ميكروباص فى شوارع الجيزة، أفادت التحريات والتحقيقات بأن السائق كان مختطفا صحفية فى جريدة قومية، وأنها كانت تطلق صرخات استغاثة وأن الضابط كان فى راحته ويستقل «تاكسى» وطارد السائق وأنقذ الضحية وفر السائق هاربا وترك سيارته فى منتصف الطريق وتكثف أجهزة الأمن جهودها لضبطه.
تحرر محضر بالتفاصيل وتم إخطار المستشار حمادة الصاوى المحامى العام الأول لنيابات جنوب الجيزة ولاتزال التحقيقات مستمرة.
وتبين للواء محسن حفظى، مساعد الوزير لأمن الجيزة، أن الصحفية رانيا محمد يونس، ٢٨ سنة استقلت «ميكروباص» من ميدان الجيزة إلى العمرانية وأن السيارة كان يستقلها راكب واحد فقط وأنه طلب من السائق النزول لأنه كان يسير بسرعة جنونية وبعد لحظات طلبت منه الصحفية النزول لكنه رفض وانطلق بسيارته فى شارع خاتم المرسلين.
وتبين أن نقيب شرطة يدعى سيد جمعة سيد بمديرية أمن أكتوبر، سمع صرخات الصحفية وطارد السائق بتاكسى وأوقف السيارة وأنقذ المجنى عليها وترك السائق السيارة وفر هاربا..
تم تشكيل فريق بحث بإشراف اللواء كمال الدالى وتم تحديد شخصية السائق المتهم وجار ضبطه. وأمر حبيب العادلى، وزير الداخلية، بصرف مكافأة للضابط، وسلمه اللواء أسامة المراسى، مساعد الوزير مدير أمن أكتوبر، شهادة تقدير.
وتصادفت الواقعة مع ذكرى واقعة اختطاف طبيبة من ميدان الجيزة وحدثت مطاردة بين الضابط محمد المتناوى والسائق انتهت بإنقاذ الطبيبة ومصرع ضابط الشرطة بطلق نارى.

**elassar2010** · 24-09-2009 12:20 PM

ربنا يهدى الظباط ويبقى الظابط دة مثال محترم يقتدوا بية
بالنسبة للحادثة دى انا اسمع ان ميدان الجيزة دة زى خلية النحل ال24 ساعة وحصل فية كدة يبقة المناطق الهادية بيحصل فيها اية؟

**M.Mostafa80** · 24-09-2009 12:23 PM

ولاد الناس كتير بس للأسف ما بيظهروش غير فى المواقف اللى زى دى
والمعروف ان المجرم دايما جبان

**eng.octooo** · 24-09-2009 12:28 PM

عقبال الباقى

**tutankhamoun** · 24-09-2009 01:27 PM

سواقين الميكروباظ دول ...... عايزين الأعدام في ميدان عام ...... و قبلهم اللي سابهم ينتشروا و يستفحلوا بالطريقة دي .

و الظابط اللي عمل كدا أكيد راجل محترم في زمن قلت و ندرت فيه العملة التي أسمها الرجال ...... الذين يتصفون بالشهامة .....

مع تحياتي ج ع ع ............ مواطن منها .

**E30power** · 24-09-2009 02:54 PM

........ بدون تعليق

**abzoabzo** · 24-09-2009 03:04 PM

ده نتيجة للاستهتار والامبالاة اللى بتتعامل معها قطاع الشرطة
ومش عايزين ننسى حاجة مهمة ان وظيفتهم حماية القانون وفوكك من المواطن

**Abo_Lina** · 24-09-2009 03:21 PM

سائقي الميكروباص خطر على الأمن و السلام العام

**maka** · 24-09-2009 06:02 PM

انا مش هنسى ابدا الست اللى اتخطفت قبل كده من ميدان الجيزة والسواق طلع الدائرى و كمين المنيب اقفشوا

وهما بيمسكوه خطف طبنجة ظابط وقتلوه . يارب يكون السواق اخد اعدام