ِشيفورليه كروز 1200 كم - عطلانة !برجاء المساعدة !
السلام عليكم ,
زميلي في المكتب اشترى شيفورليه كروز توب لاين 2009 مبقلهاش شهر او شوية كدة .
السيارة جميلة جدا و جديدة الخ الخ الخ
المهم دولقتي السيارة عملت 1200 كم و الراجل حجز ميعاد صيانة ال 1000 كم .
نزلنا نوديها انهاردة .. لقيناها مبتدورش خالص !
مفيش اي صوت زي ماتكون البطارية نايمة
ثم فوجئنا بشاشة المعلومات كاتبة
Error Cod 84 و حاطة جنبه علامة مفتاح ( صيانة يعني ) .
فانا فهمت علشان الصيانة .. بس ليه العربية تعطل !!؟؟
اتصلنا بالمنصور علشان يبعت ونش ولا حاجة خصوصا انها اوتوماتيك .
حولونا على مهندس صيانة , قالي ايه ؟
" فك فيشة البطارية 10 - 15 دقيقة و ركبها تاني و حتبقى زي الفل ومش محتاجة ونش ولا حاجة ! "
قلتله طيب مادا كدة حيعمل RESET للECU والكاسيت و كام حاجة كدة !
قالي " لا لا متخافش كله حيبقى تمام " بصراحة مردتش اعمل اي حاجة خصوصا انها مش عربيتي ..
و مستني اجيب نمرة مركز صيانة تاني بدل البيه المهندس ده !
حد يعرف حد كويس في منصور او يعرف حل للمشكلة دي ؟
شكرا !