هل صحيح ان عفشة لانسر الخليجي مختلفة في قطع الغيار عن المصري و ان توكيل الخليجي يضيف ثمن الشحن الى ثمن قطعة الغيار لأنها مش موجودة في مصر؟و هل فعلا كل الخيجي فرش رمادي؟ و هل استطيع أن اشتري الخليجي عن طريق البنكAutolaoan؟
عرض للطباعة
هل صحيح ان عفشة لانسر الخليجي مختلفة في قطع الغيار عن المصري و ان توكيل الخليجي يضيف ثمن الشحن الى ثمن قطعة الغيار لأنها مش موجودة في مصر؟و هل فعلا كل الخيجي فرش رمادي؟ و هل استطيع أن اشتري الخليجي عن طريق البنكAutolaoan؟
1- معلومة خاطئة القطع هي هي
2- السعر هو هو
3- الفرش فيه منه بيج بس في ال 1600
4- معرفش بنك بالاسم ده
بس أكيد ينفع تجيب منه مش هتفرق معاهم خليجي ولا مصري المهم إنك تدفع :-? :neutral:
شكرا لردك السريع. انا عايزة اشتري لانسر 1300 أوتوماتيك و بافكر في الخليجي عشان السعر. لقيتها عند معرض فول اوبشنز ب 92000. يا ترى السعر ده كويس؟ و ايه المميزات و العيوب؟
بدل انتظار الاجابات برجاء تصفح رسائل منتدى متسوبيشى جيد ، فيه كل الاجابات
أوعىاقتباس:
المشاركة الأصلية كتبت بواسطة hh
انا معايا ال 1300 الاوتوماتيك , سحبها و حش قوي و يخنق, و لو شغلت التكييف العربية زي ماتكون جارة جبل
ياتجيب ال 1300 مانيوال يا تجيب 1600 اوتوماتيك
السعر كده كويس أنا كنت جايبها في شهر 6 مانيوال خليجي ب 85 ألف زطبعا لنظرا لارتفاع السعر والهجوم على الشكل القديم وإنها أوتوماتيك ف 92 كويساقتباس:
المشاركة الأصلية كتبت بواسطة hh
بس ملحوظة :- رأي شخصي بلاش ال 1300 أوتوماتيك سحبها مش هيبقى كويس وخاصة مع التكييف لو 1600 مانيوال أو أوتماتيك يبقى عشرة على عشرة ال 1600 مانيوال الخليجي النهارده ب 98 .
أولا بالنسبة للشكل الخارجي :-
بما إن ديه مسألة أذواق فأنا هتكلم عن نفسي ، العربية من بره شكلهال جميل جدا عاجبني أكثر من الشكل الجديد ( أذواق ) الفوانيس الخلفية الكريستال فكرتها حلوة والبروز بتاع الإكصدام اللي فارق عن الموديلات السابقة أعتقد فائدته الحماية أكثر عند الحوادث .
ثانيا من الداخل :-
بما إني من ذوي الأحجام الضخمة فمكنتش متخيل إنها هاتساعني لكن بصراحة لما قعدت فيها ورجعت الكرسي للآخر كنت مستريح جدا وبرضه اللي ورا قاعد مستريح ، مجال الرؤية الأمامي جيد وإن كان يعيبه عدم وضوح الكبوت للآخر .
ثالثا بالنسبة للموتور والآداء :-
بما إن الإمكانيات المادية لم تكن تسمح فأنا جبت ال 1300 مع إن كان نفسي في ال 1600 بس الحمد لله .
سحب العربية أكثر من رائع بدون تشغيل التكيف لأنه بيأثر عليها بس مش قوي يعني بس فيه فرق في السحب مع تشغيله .
السرعة القصوى أنا جبيت بيها 170 ومقدرتش أكمل لأني خفت جدا
الثبات أكثر من ممتاز فيه كذا ملف على الأوتوستراد باخدهم على 100 و 120 ومتحسش بحاجة خالص
العزل الداخلي جيد جدا بس مش ممتاز يعني أول ما تطفي التكيف تحس إنه ماكنش شغال أساسا .
العربية يبان من بره حجمها صغير لكن بصراحة هي كبيرة من جوه
الفرامل جيدة وإن كان معروف عن الانسر سرعة استهلاكها لتيل الفرامل بكثرة
قطع الغيار أكثر من ممتازة نتيجة للإنتشار الرهيب للسيارة في جميع أنحاء مصر وسهولة التعامل مع التوكيل أو خارجه وديه ميزة إنك تلاقي ناس في أي مكان فاهمين فيها .
بعض العيوب :-
1- الموتور صوته عالي معرفش ليه .
2- الانتشار الرهيب ليها ( ميزة وعيب في نفس الوقت )
3- الصاج كمثيلاتها من السيارات الحديثة ضعيف نسبيا
4- الإكصدامات الفايبر أي خبطة كل سنة وإنت طيب
5- الكماليات القليلة نسبيا
في النهاية هي عربية جميلة وعجباني جدا وأعتقد إن فئتها السعرية في الموديل ال 2007 و ال 2008 الشكل القديم كان أكثر من ممتاز وده سبب الانتشار أما الشكل الجديد فأنا أتوقع له الفشل نظرا للسعر الغير منطقي والغير مبرر .
تحياتي
هو صوت الموتور مش عالي لكن عزل الكابينه مش أد كده عشان كده بتحس ان صوت الموتور عالي,, و عشان كده في الشكل الجديد أضافو تكنولوجيا جديده لعزل صوت الموتور زي اللي التيدا.اقتباس:
1- الموتور صوته عالي معرفش ليه .
2- الانتشار الرهيب ليها ( ميزة وعيب في نفس الوقت )
العربيه بصراحه بالنسبه لفئتها و سعرها أكثر من ممتازه,, و مش هاتقدر تمنع الناس كلها تجيبها