العربية مخنوووووقة

**AHMEDCAR** · 27-09-2009 03:13 PM

طيب هو لزمه كابلات البوجيهات ايه

و هو عنده طقم اصلا

**Marwanelbendary** · 27-09-2009 03:30 PM

المشاركة الأصلية كتبت بواسطة ahmedcar

طيب هو لزمه كابلات البوجيهات ايه

و هو عنده طقم اصلا

زي ما قولت قبل كدة ان قياس المقاومة في الكابلات بيختلف بناءا على طولها ودرجة حررتها وقت القياس وممكن برضه تتقاس بس نتيجة القياس مش دايما دليل على صلاحيتها..

علشان كده لازم يركب كابلات جديدة علشان نبقى ضامنين ان الكهرباء ذات الفولط العالي بتوصل بطريقة صحيحة في جميع ظروف التشغيل (في جميع درجات الحرارة المختلفة) علشان ما نشتتش نفسنا واحنا بدور على العيب ده لو لسه موجود.

**AHMEDCAR** · 27-09-2009 03:38 PM

انا معاك فى الحته دى بس انت مش شايف انها تكلف سابقه لوقتها

معلش انا تفكيرى كده ما اشتريش حاجه غير لما اكون متاكد من انها هيه العيب

لان ليا مواقف تتحكى فى روايات مع قطع الغار ده

**Marwanelbendary** · 27-09-2009 04:12 PM

المشاركة الأصلية كتبت بواسطة ahmedcar

انا معاك فى الحته دى بس انت مش شايف انها تكلف سابقه لوقتها

معلش انا تفكيرى كده ما اشتريش حاجه غير لما اكون متاكد من انها هيه العيب

لان ليا مواقف تتحكى فى روايات مع قطع الغار ده

كلامك صح.......بس

ماتنساش اني بعالج العيوب عن بعد مش شغال فيها بايدي

وممكن يكون العيب حاجة بسيطة جدا وان شاء الله أعملها في خمسة دقائق بس العربية مش قدام عيني..

والكلام اللي طرحته بخصوص الكشف عن الكويل و الطرمبة بيؤيد كلام حضرتك
لأن الحاجات دي غالية

**aimo** · 27-09-2009 04:17 PM

ماشى الكلام هشترى افوميتر وهمشى معاك خطوة خطوة
ودا لانى لا اثق بطايفة الصنايعية - قصدى اليهود - وبحب اعمل حاجتى بايدى حتى لو ما نفعتش
بس ممكن ايميلك او تليفونك يا استاذ مروان

استاذ احمد كار تنظيف الرشاشات بيبقى فى مكان معين من ضمنهم مكان فى اول فيصل بينظف الواحد ب 50 جم بجهاز الليزر.

عموماً ان فى واحد زميلى قالى ان فيه 2 حساس بيتقاسوا بالاضافة الى ظبط الهوا مع البنزين بالكمبيوتر اللى انا عملته قبل كده ونصحنى انى اعمله تانى لان المسمار بيتحرك بعد فترة بالاضافة الى قياس الحساسين اللى فى العربية بالكمبيوتر

ايه رايكم فى الكلام ده

**Marwanelbendary** · 27-09-2009 04:38 PM

المشاركة الأصلية كتبت بواسطة aimo

ماشى الكلام هشترى افوميتر وهمشى معاك خطوة خطوة
ودا لانى لا اثق بطايفة الصنايعية - قصدى اليهود - وبحب اعمل حاجتى بايدى حتى لو ما نفعتش
بس ممكن ايميلك او تليفونك يا استاذ مروان

استاذ احمد كار تنظيف الرشاشات بيبقى فى مكان معين من ضمنهم مكان فى اول فيصل بينظف الواحد ب 50 جم بجهاز الليزر.

عموماً ان فى واحد زميلى قالى ان فيه 2 حساس بيتقاسوا بالاضافة الى ظبط الهوا مع البنزين بالكمبيوتر اللى انا عملته قبل كده ونصحنى انى اعمله تانى لان المسمار بيتحرك بعد فترة بالاضافة الى قياس الحساسين اللى فى العربية بالكمبيوتر

ايه رايكم فى الكلام ده

....................*
وبناءا على ذكرك انك ظبطها قبل كدة في التوكيل (هواء وبنزين)
يبقى لازم نتأكد من الكهرباء الأول ....................*
.................................................. ......*

_______________
السيد مروان، سبق وتم تنبيهك بعدم الاعلان عن نشاطك التجاري أياً كان دون التنسيق مع إدارة المنتدى ولم نطبق ضدك أي عقوبات من قبل املين في استجابتك، إذا قمت بتجاهل المسالك الشرعية مرة اخرى فسيتم تطبيق العقوبات المكررة عليك وتغليظها.

المشرف العام

**AHMEDCAR** · 27-09-2009 05:21 PM

ياباشا انا قولت تنظيف حساسات مش رشاشات فى فرق كبير مابينهم

استاذ مروان انا معاك و متفق معاك فى كل خضوه

و انا زى زى حلاتك الحاله مش قدامى علشان اقدر احدد العيب فين بالظبط ده بالعكس كمان سعات بعض الاعضاء بيوصفوا العيوب خلط و بالتالى احنا بنشخص غلط

انا من رائى يقيس بالافوميتر السلوك القديمه و لو لاقها كويسه يبقى تمام و يبتدى شغل

**Marwanelbendary** · 28-09-2009 01:06 AM

المشاركة الأصلية كتبت بواسطة AHMEDCAR

ياباشا انا قولت تنظيف حساسات مش رشاشات فى فرق كبير مابينهم

استاذ مروان انا معاك و متفق معاك فى كل خضوه

و انا زى زى حلاتك الحاله مش قدامى علشان اقدر احدد العيب فين بالظبط ده بالعكس كمان سعات بعض الاعضاء بيوصفوا العيوب خلط و بالتالى احنا بنشخص غلط

انا من رائى يقيس بالافوميتر السلوك القديمه و لو لاقها كويسه يبقى تمام و يبتدى شغل

طبعا ياباشا أكيد الرشاشات غير الحساسات
وانا مابشخصش غلط
التشخيص ده عبارة عن خطوات لازم نمشي عليها
بس لو العربية قدامي ممكن اختصر خطوات معينة على حسب حالة السيارة أمامي
أما بالنسبة للكابلات القديمة انه يقيسها
ماينفعش علشان لازم يقيسها وهي باردة وهايلاقي قرائتهم سليمة
وأنا عارف انه مش هايلاقي فيهم حاجة لأنه بيشتكي من خنقة مش تقطيعة
لو بيشتكي من تقطيعة فهو ممكن يلاقي كابل فيهم مقاومته عالية جدا
ولما يسخنوا تبتدي تزيد المقاومة في كابل معين دونا عن الباقين ودي ماتقدرش تحددها ولا تقيسها لأن أي قياس بتقارنه بقراية standard عند 25 درجة مئوية بس والقرايات في درجات حرارة عالية ملهاش قراءات standard

**AHMEDCAR** · 28-09-2009 12:35 PM

يعنى زى ما حضرتك قولت انه بيشتكى من خنقه مش تقطيعه

يبقى ليه نخليه يبجيب سلوك من الاول اصلا

**Marwanelbendary** · 28-09-2009 04:48 PM

المشاركة الأصلية كتبت بواسطة AHMEDCAR

يعنى زى ما حضرتك قولت انه بيشتكى من خنقه مش تقطيعه

يبقى ليه نخليه يبجيب سلوك من الاول اصلا

لما يكون في كابل من الكابلات مقاومته بتكون والعربية سخنه عالية جدا بس مش لانهائية العربية تخنق معاك...وبالتالي يكون الحريق في غرفة حريق واحدة غير مكتمل لأن الشرارة مش قوية كفاية لحرق جميع جزيئات الوقود اللي داخله.... يؤدي ذلك الى تفاقم الموضوع وتكوين طبقة كربونية رديئة التوصيل الكهربي على البوجيه نفسه مما يضعف الحريق في هذه الغرفة وتبتدي العربية تقطع بعد كده ... وتيجي تغير البوجيهات تلاقي العربية بطلت تقطع بس لسه مخنوقة لأنك ما عالجتش سبب العيب الرئيسي ألا وهو الكابل ابن الكابل...

الموضوع: العربية مخنوووووقة

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

هستخدام دينمو العربية فى توليد كهرباء من الرياح ؟ وفى كام سؤال عن دينامو العربية؟؟

دفغت كام للسمسار و انت بتشترى او تبيع العربية و العربية كانت بكام ..؟

لما بدور العربية وهيه بردة بلاقى العربية بترج فترة

انتشار العربية يعنى ان العربية ذات اداء كويس و تستحمل و لا الشعب مبيفهمش حاجة ؟

لما اغطى العربية بغطاء مشمع و مبطن من الداخل بعد ما اركن العربية ده صح ؟

الكلمات الدلالية لهذا الموضوع

المفضلات

المفضلات

ضوابط المشاركة