كل شيء عن التجنيد من الالف الي الياء

**m7nsh** · 25-09-2009 02:28 AM

موضوع مهم جداا و يستاهل التثبيت
الف شكر يا نوبى باشا :)

**النوبي** · 25-09-2009 03:40 AM

المشاركة الأصلية كتبت بواسطة eng/muhamad

عاوز افهم النقطه دى عشان تهمنى

انا عيلتى كلها من ناحيه الام يعنا خالى و خالاتى و اجواز خلاتى
منضمون لجماعه اسلاميه و بالتحديد الاخوان المسلمين
و منهم من اعتقل كثيييييييرا ( خالى ) هل ده هيفرق معايا

ممكن بس مش اكيد
انا معايا واحد صاحبي اخوه كان اخوان واعتقلوه اكتر من مره وصاحبي اخد اعفاء نهائي وفي نفس الوقت ابن اخته اخدوه الجيش يعني الموضوع بيكون تقييمي وده بيرجع ليهم وللمعلومات المتاحه بالنسبالهم

**M.Osman** · 28-09-2009 03:23 AM

مشكور يا باشا على نقل الموضوع الروعة...

ادعولي اخد تأجيل ان شاء الله

**النوبي** · 28-09-2009 09:02 AM

انشاء الله ربنا يكرمك وتأخد تاجيل

**النوبي** · 28-09-2009 10:45 AM

المشاركة الأصلية كتبت بواسطة ahmed0nouh

مش عايز اقولك ان بطنى وجعتنى وانا بقرأ الموضوع , شايل هم موضوع الجيش ده قوى

شكرا يا استاذ نوبى على مجهودك الكبير وربنا يجعلنا من اهل الاعفاء ونخدم البلد فى الافراح ان شاء الله

استاذي العزيز المهم طريقه تقبلك للموضوع ازاي حاول بقدر الامكان انك تفكر بشكل ايجابي انه زي كل اللي خلصوا جيشهم قبلك انت كمان هتخلص (لاقدر الله وانشاء الله تاخد تاجيل) وخلي بالك الجيش ده نصيب لو ليك نصيب فيه هتاخده ولو ملكش نصيب لو رئيس الجمهوريه اصدر قرار انك تلبس مش هتلبس فكر بايجابيه وحاول دايما انك ماتتوقفش عند نقطه معينه في حياتك حتي ولو كانت محوريه دائما انظر ابعد من كده (وخليك دائما وابدا توكلك علي الله)
للعلم انا خلصت جيش من 2003 واكتر حاجه تعبتني في جيشي الكلام السلبي اللي كنت بسمعه من الناس طيب ده كفايه انا وواقف خدمه شفت حديث ((عن ابن عباس رضي الله عنه قال سمعت رسول الله صلى الله عليه وسلم يقول : {عينان لا تمسهما النار عين بكت من خشية الله وعين باتت تحرس في سبيل الله} رواه الترمذي وقال حديث حسن غريب.))
فكر بايجابيه وانشاء الله هستني منك رد انك اخدت تأجيل وربنا يكرمك انشاء الله

**hossam_elwani** · 28-09-2009 12:52 PM

طيب انا اخويا فى طريقة لدخول الجيش واجتاز كل المراحل وقالو له تعالى يوم 10/10 عشان تسمع سلاحك مع العلم انه نظره ضعيف ومع ذلك اجازوه وعايز يقدم تظلم عشان يعاد الكشف الطبى عليه بس انا اعرف ان التظلم له وقت محدد من تاريخ ارجاء هل ده صحيح؟؟ ولا ممكن يقدم تظلم دلوقتى فى المرحلة دى ويسافر القاهرة يعاد الكشف الطبى عليه؟؟؟

**Pharaoh** · 28-09-2009 06:00 PM

انا عندى سؤال صغير
بالنسبة للى اترشحوا ظباط و بعد كشفف الهيئة برضوا فضلوا ظباط

بعدها راحوا حاجة اسمها كشف سمات ولسة فاضل المناظرة

المهم فى كشف السمات دة اخويا كتبوله فئة 3
ولكن كتير من الناس كتبولها فئة ظابط احتياط

يا ترى دة معناة ان اخويا كدة ممكن ينزل عسكرى ولا دى بتعبر عن حاجة تاني؟؟؟

-

-

-

الموضوع: كل شيء عن التجنيد من الالف الي الياء

LinkBack

أدوات الموضوع

عرض

-

-

-

-

المواضيع المتشابهه

البطاريات من الالف الى الياء

موضوع كيف تعمل السيارة من الالف الى الياء

أنظمة الاشعال من الالف الى الياء

تاريخ هوندا من الالف الى الياء

النـــــــــــــــيفا من الالف الى الياء

الكلمات الدلالية لهذا الموضوع

المفضلات

المفضلات

ضوابط المشاركة