كل شيء عن التجنيد من الالف الي الياء

**M.Radwan** · 29-09-2010 11:41 AM

المشاركة الأصلية كتبت بواسطة abdo_pikt

السلام عليكم
انا روحت مكتب التجنيد قالى يوم 1/10/2010 تجيب ورق بتاعك كنت عايز اعرف اد ايه المدة ال هتستغرقها الاجراءت والكشف الطبى لغيت مروح مركز التدريب يعنى اسبوع ولا اكتر من كده...وبنسبة لفصيلة الدم والفيش الجنائى اعملهم دلوقتى عادى ولا قبل مقدم الورق بيوم...وبنسة لكشف الطبى انا عندى كسل وضعف فى العين الشمال ده ممن يخلنى اخد اعفاء ولا بيخدو بشكل العام وخلاص
علشان بلعب كمال اجسام ووزنى وطولى مناسب وكلو بيقولى هتلبس صاعقة(يعنى االعذاب كله)....وانا موليد 90 ومخلص معهد سنتين السنة ديه يبقى كده ساقط دفعة ولا لاء..معلش كترات فى الاسالة بس عايز اكون دخال فهم علشان شكلى هشوف ايام سودة فى الجيش ده

الاجراءات لسه وقتها كبير
ولو ربنا كاتب عليك تدخل مش هيبقى قبل شهر يناير
جهز ورقك كله بدري أحسن وبالذات القيد العائلي عشان لو طلع فيه مشكلة تقدر تصلحها علطول،
طالما لسه مخلص ونص تاني، يبقى مش ساقط دفعة
بالنسبة للعين الشمال تاخد معاك التحاليل والأشعات واللذى منه وانت رايح الكشف الطبي
مفيش حاجة اسمها هتلبس صاعقة وهتلبس مظلات..مش لما تعدي الكشوفات الأول
وتشوف هتبقى ظابط ولا عسكري، لائق أ ولا لائق ب! ده لو مخدتش تأجيل أو إعفاء كمان
سيبك من الناس الفتايين خصوصا موضوع الجيش الفاتيين فيه كتير.
انت سنك صغير متعقدش نفسك من الجيش ولو دخلت تأكد انك هتستفيد وان ربنا كاتبلك الخير،

**abdo_pikt** · 30-09-2010 11:49 PM

شكر لرد اخى foxoo7 ..ومعلومة كويسة مكنتش اعرفها بنسبة انى اخد معية التحاليل و الاشعات
وانا مش متعقد ولا حاجة من موضوع الجيش بعكس انا كنت عايز ادخل بس حلتى الصحيةمتسمحش للاسف غير موضوع النظر
يعنى اخد معاية كل الورق والكشوفات ال بتثبت الحالات المرضية..برك الله فيك اخى الكريم

**hisamhi86** · 01-10-2010 04:39 AM

انا مواليد 25 اكتوبر 86
ولسه مخلص بكاليريوس تجارة انتساب السنة ديه واستلمت شهادة نجاح مؤقتة
المهم اني ملحقتش اقدم بطاقة ال 6 جند للكلية لاني معرفتش غير متاخر و كان معاد التقديم فات
و انا جبت 7 جند عشان ملقتش غيرها ومعرفش ازاي ابدلها ب 6 جند فانا عايز اعرف ابدلها منين وايه الاجراءات
وعايز اعرف هل كده هيعتبروني متخلف دفعة عشان مقدمتش ال 6جند للكلية ولا لا
وانا عندي حساسية في الصدر هل ديه ممكن تعفي من الجيش
سؤل اخير القيد العائلي ايه الاوراق اللي محتاجها
وهل بتطلع في نفس اليوم وبتاخد وقت كبير ولا لا
لان وقتي ضيق وفاضل 5 ايام علي التقديم وفاضلي بس القيد العائلي

**رزق** · 01-10-2010 06:59 AM

أنا قريت كلام الأستاذ بحري إن الماجستير والدراسات العليا عامةً ماتأجلش الجيش,
طب سؤال اخويا واخد تأجيل عادي لسن 29.5 عشانها هي والدكتوراه..وكل سنة يرجع يجدده..ولا ده عشان مسافر وواخدنني أنا رهينة هنا؟

**M.Radwan** · 01-10-2010 07:24 AM

المشاركة الأصلية كتبت بواسطة hisamhi86

انا مواليد 25 اكتوبر 86
ولسه مخلص بكاليريوس تجارة انتساب السنة ديه واستلمت شهادة نجاح مؤقتة
المهم اني ملحقتش اقدم بطاقة ال 6 جند للكلية لاني معرفتش غير متاخر و كان معاد التقديم فات
و انا جبت 7 جند عشان ملقتش غيرها ومعرفش ازاي ابدلها ب 6 جند فانا عايز اعرف ابدلها منين وايه الاجراءات
وعايز اعرف هل كده هيعتبروني متخلف دفعة عشان مقدمتش ال 6جند للكلية ولا لا
وانا عندي حساسية في الصدر هل ديه ممكن تعفي من الجيش
سؤل اخير القيد العائلي ايه الاوراق اللي محتاجها
وهل بتطلع في نفس اليوم وبتاخد وقت كبير ولا لا
لان وقتي ضيق وفاضل 5 ايام علي التقديم وفاضلي بس القيد العائلي

طالما قدمت ال 7 جند للكلية خلاص كده بس هتعمل 7 جند تاني عشان التجنيد وهما فى منطقة التجنيد هيغيروهالك ب 6 جند. حساسية الصدر: تاخد معاك الاشاعات والتحاليل والله أعلم بتطلع ولا لأ لان بيكون على حسب حالتك. القيد العائلي: صور بطاقة الأب والأم والإخوة + صورة قسيمة زواج الأب والأم كمبيوتر واللى ملوش بطاقة كمبيوتر تحط بدالها صورة شهادة ميلاد كمبيوتر ولو كان حد لاقدر الله متوفي تجيب صورة شهادة وفاه ليه. القيد بياخد شوية وقت بس ممكن تشتغل بإيصال الاستلام بتاعه خليهم يختمهولك فى السجل المدني،

**hisamhi86** · 02-10-2010 01:56 AM

المشاركة الأصلية كتبت بواسطة foxoo7

طالما قدمت ال 7 جند للكلية خلاص كده بس هتعمل 7 جند تاني عشان التجنيد وهما فى منطقة التجنيد هيغيروهالك ب 6 جند. حساسية الصدر: تاخد معاك الاشاعات والتحاليل والله أعلم بتطلع ولا لأ لان بيكون على حسب حالتك. القيد العائلي: صور بطاقة الأب والأم والإخوة + صورة قسيمة زواج الأب والأم كمبيوتر واللى ملوش بطاقة كمبيوتر تحط بدالها صورة شهادة ميلاد كمبيوتر ولو كان حد لاقدر الله متوفي تجيب صورة شهادة وفاه ليه. القيد بياخد شوية وقت بس ممكن تشتغل بإيصال الاستلام بتاعه خليهم يختمهولك فى السجل المدني،

اولا:
شكرا جدا لردك
ثانيا:
لا ال7جند مقدمتهاش مرضيوش ياخدوها وكنت جايبهلهم في الكلية ال 7 جند وال 2 جند
جيت اقدمها قالولي خلاص وقت التقديم فات وهيا معايا دلوقتي ومقدمتهاش في الكلية

**M.Radwan** · 02-10-2010 07:11 AM

المشاركة الأصلية كتبت بواسطة hisamhi86

اولا:
شكرا جدا لردك
ثانيا:
لا ال7جند مقدمتهاش مرضيوش ياخدوها وكنت جايبهلهم في الكلية ال 7 جند وال 2 جند
جيت اقدمها قالولي خلاص وقت التقديم فات وهيا معايا دلوقتي ومقدمتهاش في الكلية

طب حاول تروح دلوقتى تشوف القصة مع مندوب التجنيد فى القسم اللى انت تابع ليه
عشان لو في مشكلة تلحق تحلها بدري،

**abdulmageed** · 15-11-2011 08:58 AM

في نقطة مش فاهمها بس
يعني لو اخويا معاه جنسية تانيه مع الجنسية المصرية انا كده ممكن اخد تأجيل مؤقت؟
مع العلم ان اخويا ده اصغر مني وبيدرس في مصر برضو يعني مش مهاجر؟؟

**النوبي** · 16-11-2011 02:54 PM

المشاركة الأصلية كتبت بواسطة abdulmageed

في نقطة مش فاهمها بس
يعني لو اخويا معاه جنسية تانيه مع الجنسية المصرية انا كده ممكن اخد تأجيل مؤقت؟
مع العلم ان اخويا ده اصغر مني وبيدرس في مصر برضو يعني مش مهاجر؟؟

معلش بس علي حد معلوماتي حاليا كله بيلبس اللي بيعدي بيبقي ستر من عند ربنا او بيكون عنده اعاقه واضحه
لان الكام دفعه اللي فاتوا كانوا مهازل محدش نفد منهم
ويارب تعدي الايام اللي جايه علي خير