الموضوع: كل شيء عن التجنيد من الالف الي الياء

المشاركة الأصلية كتبت بواسطة hossamdoaaaa

طيب انا اخويا فى طريقة لدخول الجيش واجتاز كل المراحل وقالو له تعالى يوم 10/10 عشان تسمع سلاحك مع العلم انه نظره ضعيف ومع ذلك اجازوه وعايز يقدم تظلم عشان يعاد الكشف الطبى عليه بس انا اعرف ان التظلم له وقت محدد من تاريخ ارجاء هل ده صحيح؟؟ ولا ممكن يقدم تظلم دلوقتى فى المرحلة دى ويسافر القاهرة يعاد الكشف الطبى عليه؟؟؟

يقدر انشاء الله يقدم تظلم ويروح حلميه الزيتون للكشف عليه
ولو ملحقش لما هيدخل مركز تدريب فيه لجنه طبيه بتيجي اول شهر يقدر يتظلم مره تانيه من داخل مركز التدريب وياخد شهاده اعفاء طبي

المشاركة الأصلية كتبت بواسطة ahmed0nouh

الله يكرمك يا استاذ نوبى بجد كلامك عجبنى جدا , انا مش حاطط الموضوع فى دماغى بس كل ما بفتكره بقعد اقول يا ترى ايه العواقب وكدا لانى مرتبط بمجال شغل لو اختفيت فيه فتره قد تكون 3 سنين فى حاله دخلت ظابط يبقى الشغل ده انتهى بالنسبه لى

ده غير بقا ضياع الفتره دى من حياه الواحد و رحلته فى الحياه , لكن اذا كان على المجهود والتعب مش هو المشكله الرئيسيه بالنسبه لى ونقدر نقول رقم 2

ربنا يقدم اللى فيه الخير بقى سواء دخلت او لا , وتسلم ايدك على الموضوع المفيد جدا

والله ربنا يقدم ما فيه الخير ويكرمك انشاء الله

المشاركة الأصلية كتبت بواسطة pharaoh

انا عندى سؤال صغير
بالنسبة للى اترشحوا ظباط و بعد كشفف الهيئة برضوا فضلوا ظباط

بعدها راحوا حاجة اسمها كشف سمات ولسة فاضل المناظرة

المهم فى كشف السمات دة اخويا كتبوله فئة 3
ولكن كتير من الناس كتبولها فئة ظابط احتياط

يا ترى دة معناة ان اخويا كدة ممكن ينزل عسكرى ولا دى بتعبر عن حاجة تاني؟؟؟

والله ماعرفش اجابه واضحه للسؤال بتاعك علشان انا كنت عسكري بس بيتهيالي والله اعلم هو كده بقي عسكري لان الضابط الاحتياط بيكون مكتوب ضابط احتياط والله اعلم ولو قدرت أسئل وارد عليك

المشاركة الأصلية كتبت بواسطة m7nsh

طيب بعد اذنكو يا جماعه انا المفروض واخد اعفاء ( الأبن الوحيد لأب متوفى )
هل ممكن الواحد يخلص اجراءات الأعفاء من دلوقتى؟ ولا لازم بعدالكليه لأنى سمعت ان فى ناس خلصوها وهم لسه بيدرسو ؟؟
ياربت الأفاده و جزاك الله خيرا و بجد الف شكر مره تانيه يا استاذ نوبى على موضوعك المفيد بجد

مرحله الاعفاء ممرتش عليا مع الاسف بس بيتهيالي ممكن مدام حالتك مش هتتغير (يعني مش هيجيلك اخ تاني)
روح واسال في المنطقه اللي انت تابع ليها وهيدلوك ولو لقيت العساكر مش فاهمين حاول تدور علي حد يكون في مكتب الافراد في المنطقه علشان دول اللي بيكونو فاهمين ( يعني مش تسال ضابط وتقول انه كلامه مصدق عليه حتي ولو كان رتبه ) خليك دائما مع عساكر الافراد لان دول اللي بيعملوا الشغل وبيكونوا فاهمين شويه

المشاركة الأصلية كتبت بواسطة ahmed_ezz

لو الواحد متجوز اردنية يدخل ولا حيبقى ايه موقفه؟

متجوز عرفي ولا مدني ولا ايه بالظبط علشان هتفرق