لمبة الزيت

**analyzer** · 06-11-2007 03:17 PM

معايا لادا 2107 بروح بيها الشغل هى موديل 1995 وحالتها ممتازه ( لسه الخواجه تحت الكبوت ) اقصد فابريكه . المهم لا اطيل عليكم
ده موقف حصل معايا انشرة للافاده والعبرة
انا ساكن قبل بنها بحوالى 8 كم وشغلى فى لازوغلى بين التحرير والسيده زينب
وانا جاى فى الطريق قبل قريه سنديون بحوالى 2كم لمبة الزيت نورة بس الحرارة عاديه ركنت ونزلت شوفت الزيت تمام مفيش مشكله والحرارة عاديه
وقفت اشوف اى ميكروباص يوصلنى مفيش حد عايز يقف كله كامل العدد قلت امشى ال 2كم دول بالعربيه لحد المحظه الى فى سنديون
وفجاة بعد كيلو سمعت دوم دربك دومدوم جاى من عند الموتو وبعدين قامت مبطله .
ركنتها ورحت الشغل واتصلت بالميكانيكى جالى بعد الشغل وقولتله على الى حصل لقيته جايب معاه ترس طرمبة الزيت :-) وقالى ده عيب الترس
المهم ركبه وعشق العربيه وحركها لفه كامله ودورها اشنغلت ووداها على الورشه بتاعته وقالى
بسب مشيك الكيلو ده دمرة التالى
كرنك قواعد سبايك وهنغير طقم الشمبر
مش كان ارحملى امشى ال 2 كم دول
يبقى لو لمبة الزيت نورة اةعى تتحرك ولا متر واحد وبطل العربية