الموضوع: الحمد لله ....اتخبطت

الاخ الفاضل هشام بصراحه انا ماقدرتش امسك نفسى و نزلت كريتله شويه شتايم و الناس اللى يقولك معلش و اللى يقولك سماح و اللى يقولك حصل خير و هوا قمه البرود و مانزلش حتى من عربيته علشان يشوف هوا عمل اييه بس عارف اكتر حاجه تضايق اييه كلمه (معلش) اللى على لسان الناس يعنى اييه معلش المفروض واحد غلط يتحمل نتيجه غلطه انا مش قصدى انى اخد عوض و لا فلوس منه بس على الاقل يعتذر عن غلطه .....بس للاسف معدش فييه لا اخلاق و لا ذوق عند ناس كتيير

حمد الله على سلامتك ... السواقة في مصر بقت مشكلة والناس مبقاش عندها صبر او زوق في السواقة ... طب تصدق ان انا في خلال شهر ونصف حصل لي حادثتين وفي كل مرة تكون مش غلطتي لدرجة اني بعد الحادثة الثانية اتعقدت من السواقة وقعدت اسبوع اروح الشغل بالمترو لغاية لما اتخنقت من ريحة العرق اللي في المترو وقلت مشاكل السواقة ارحم :D :D :D
ربنا يعوض عليك ... لكن فعلا السواقة في البلد دي بقت شئ مستفز جدا

كان في نفس الموقف حصل لاستاذ صاوي و انا عاجبني تصرفه جدا
هو دفع الراجل فلوس (كان سواق على لانسر) على ما أذكر750 جنية على الرغم من إنه مأمن و التأمين هيدفعلوه تمن التصليح و كان أكتر من 7000