لا يضر البحر أمسى زاخرا أن رمى فيه صبي بحجر!
من المؤكد يا ديسك مان انك معندكش دراية كافية بعالم السيارات ، تقريبا لاتخلو سيارة من وجود اسم اخر ليها في بلد ثاني بل ان هناك سيارات بتتباع بمركات تانية خالص ( وديه بتبقي تعاون مشترك بين شركتين ) شركة تصمم وشركة تنتج والامثلة لاحصر لها انت بس يمكن لان معلوماتك مقتصرة بس علي الهوندا ( شركة هوندا بدائت انتاجها للسيارات بأسم مشهور كمصنع للموتوسيكلات الرياضية )
والهوندا اساميها ثابتة
بس انا هحاول افتكرلك شوية عربيات ليها اكتر من اسم
البيكانتوا اسمها مورنينج
الفيرنا اسمها اكسنت
الهيونداي اكسيل اتسمت بداية من 85
Hyundai Pony
Hyundai Presto
Mitsubishi Precis
الفيات اونو اتسمت Mille
وامثلة كتير مفيش وقت لذكرها
ده بخصوص تغيير اسم موديل او اعطاء اكثر من اسم لموديل واحد
اسمحلي كمان اصحح لحضرتك مغالطات جائت في رسالتك وما اكثرها
"تعجبت جدا عندما غيرت شركة شيرى اسمها الى اسبرانزا"
شركة شيري لسه اسمها شيري والوجو بتاعها هو هو فيش حاجة اتغيرت
لاكن اسبيرانزا ده اسم مقترن بموديل A516 زي ما شرحت في اول الرسالة
" ذلك لان اسبرانزا ليست احد الفروع الفخمة لشيرى لان السيارة لا تزيد عن الفئات السابقة من شيرى في الامكانيات "
مين قال ان اسبيرانزا لاتزيد عن الفئات التانية جبت المعلومة ديه منين
ده موقع شيري به موديلاتها ومعلومات كل موديل
http://www.nilemotors.net/Forum/post...e=quote&p=8259
"ترى هل السبب محاولة حجب الفشل فى الطرازات السابقة لتغير الاسم Mr. Green Mr. Green Mr. Green Mr. Green Mr. Green"
طب ايه الطرازات السابقة اللي فشلت ؟؟ ال QQ وال A11 لسه بيتباعوا لحد دلوقتي ومفشلوش زي ما بتقول
كل اللي بعد كده استنتاجات خاطئة مبني علي مغالطاتك اللي في الاول
اسمحلي اسئلك انت ليه بتعمل كده ليه حابب تستفز الناس بتهكمك الواضح واسلوبك اللي كله نقد لازع للسيارة بدون اي دليل او حتي قرينة
وفي الاخر كاتب
"ارجو عدم حذف المشاركة وذلك لثقتى فى ادارة الموقع وشكر"
يعني انت عارف ان المشاركة ديه هتدايق الناس وهطلبوا انها تتمسح
بص يا سيدي الفاضل بصفتي عضو مؤسس وعضو في ادارة الموقع عايز اقول لحضرتك ولناس كتير
المنتدي مكان لتبادل الاراء والافكار بحرية وبدون تدخل بس للاسف كل حرية بيتوجد لها ناس بسيئوا استخدامها وللاسف حضرتك عملت كده
كمان رغبتنا في ايجاد بيئة الحرية ديه مش هيخلينا نفتحها علي البحري للفتاوي والمهاترات اللي بدون سند او دليل والا بلا منتديات ولا احزنون كفاية علينا فتاوي سواقين التاكسي والميكانيكية
انا شايف ان حضرتك تراجع نفسك واسلوبك واهلا بيك في المنتدي
علي فكره انا مش همسح المشاركة عشان تبقي درس لينا كلنا بس انا هقفل الموضوع لانعدام جدواه
اخير حابب افكر الاسبيرانزويه ببيت الشعر اللي بيقول
لا يضر البحر أمسى زاخرا - أن رمى فيه صبي بحجر!