الموضوع: فيات لينيا ... مواصفات و اسعار

هما قالوا ان ده عرض لغاية اخر 9
بس انا عندى احساس ان السعر ده هيفضل كده فترة لانهم اخر السنة اللى فاتت نزلوا سعرها و فضل لغاية شهر 4 او 5 السنة ده و بعدين علوه تانى و بعدين مافيش من شهر قامو نزلوا سعرها تانى مافيس من اسبوعين نزلوه تانى
هى المشكلة اصلا ان مافيش اى دعاية عن العربية و ماحدش عارف عنها حاجة و هو ده اللى مش مخليها تبيع و بعدين انا شايف ان سعرها كده مناسب جدا و ممكن تلعب جامد لو اتعملها دعاية صح

مبروك على العربية هى جميلة فعلا و أفضل سعر فى فئتها
و انا رأيى انها نفس فئة السيفيك و الكورولا مع فرق السعر و الأداء طبعا لصالحها و طبعا البلو اند مى خيالى
بس ممكن سؤال انت حاجز انى باكدج ؟؟ و لون ايه و هتستلمها فى خلال قد ايه
انا عايز اشتريها بس المشكلة انى مش هقدر اشتريها قبل شهر 11 أو 12 فمش عارف نظام العرض ايه
حاجة تانية أنا سألت على اسعار قطع غيارها و فعلا لقيت ارقام خيالية
زى مثلان فانوس أمامى واحد فقط ب 2750 ج هما قالو ان فى نوع تانى نازل فى خلال كام شهر ب900
اكصدام فاضى امامى ب2900 و غير متوافر
غير كده اسعار الفلاتر و حاجات الصيانة معقولة جدا
فلتر البنزين ب 40ج
ف ايه رأيك فى الموضوع ده و حله فى رأيك ايه عشان ابقى اعمل زيك
تانى حاجة قالولى فى المعرض انها بتقبل بنزين 92 و 95 بس انا مش مقتنع ب92 هل سألت و اتأكدت؟؟
حاجة كمان هل الصيانة 3 سنوات بدون حد أقصى فعلا
و هل التوكيل فيه سمكرة و دهان و كدة ولا زى سوزوكى تعمل الكلام ده فى الشارع
و هل السيارة اعتمادية زى اليابانى مثلان و لا زى الميجان التركى غير اعتمادية و ظهر فيها مشاكل
أسف انى طولت عليك بس على رأى المثل أسئل مجرب و لا تسأل طبيب

مبروك على العربية هى جميلة فعلا و أفضل سعر فى فئتها و انا رأيى انها نفس فئة السيفيك و الكورولا مع فرق السعر و الأداء طبعا لصالحها و طبعا البلو اند مى خيالى

الله يبارك فيك

بس ممكن سؤال انت حاجز انى باكدج ؟؟ و لون ايه و هتستلمها فى خلال قد ايه

انا حاجز لون فضى باكدج 1 فى التربو و الاستلام حاليا فورى بس انا مكانش معايا المبلغ كله فعقبال ما لميته هستلم يوم السبت او الاحد اللى جاى ان شاء الله

انا عايز اشتريها بس المشكلة انى مش هقدر اشتريها قبل شهر 11 أو 12 فمش عارف نظام العرض ايه

انا زى ما قلت قبل كده انا متوقع ان العرض ده يفضل او ينزل تانى على اول السنة مع تخفيض الجمارك اللى جى

زى مثلان فانوس أمامى واحد فقط ب 2750 ج هما قالو ان فى نوع تانى نازل فى خلال كام شهر ب900
اكصدام فاضى امامى ب2900 و غير متوافر
غير كده اسعار الفلاتر و حاجات الصيانة معقولة جدا
فلتر البنزين ب 40ج
ف ايه رأيك فى الموضوع ده و حله فى رأيك ايه عشان ابقى اعمل زيك

انا مش عارف ليه حاسس ان سعر الفانوس مبالغ فيه جدا على العموم انا لسة هانزل مركز الصيانة بتاع اوماترا اللى فى جسر السويس و هاجيب اسعار قطع الغيار كلها
انا حاليا بفكر اشوف برده مركز خدمة امير و جوزيف يمكن يكون اسعاره اهدى شوية من التوكيل

تانى حاجة قالولى فى المعرض انها بتقبل بنزين 92 و 95 بس انا مش مقتنع ب92 هل سألت و اتأكدت؟؟

الراجل اللى هناك قال لى ان العربية جاية معمول ليها tunning للmapping بتاع ال ecu
و ده بيخليها تقبل بنزين 92 طبعا انا مش مصدق اوى بس الراجل شكله فاهم و لما قعدت حكيت معاه طلع انه واخد دبلومة هندسة ميكانيكا سيارات من امريكا و من طريقة كلامه فاهم هم بيقول ايه

حاجة كمان هل الصيانة 3 سنوات بدون حد أقصى فعلا

الضمان 3 سنوات 100000 كيلو

و هل التوكيل فيه سمكرة و دهان و كدة ولا زى سوزوكى تعمل الكلام ده فى الشارع

الكلام ده مش هاقدر ارد عليه الا لما اروح التوكيل

و هل السيارة اعتمادية زى اليابانى مثلان و لا زى الميجان التركى غير اعتمادية و ظهر فيها مشاكل

مين قال ان الرينو ميجان مش اعتمادية ده انا اعرف ناس معاها العربية و بتشكر فى العربية جدا و ادائها و ادخل برده قسم الرينو هنا و شوف الناس بتقول عليها ايه
اى عربية فى الدنيا فيها مميزات و عيوب و الناس هى اللى بتقرر اذا كانت العربية ممكن تستمر و الا لا فى السوق و انا شايف ان الميجان من العربيات اللى اثبتت كفاءة
و بعدين احنا دلوقت بنتكلم على فيات يعنى شركة من العراقة و جودة سياراتها معروفة جدا اذا كانت هيا ما بيتبعش فى مصر جامد فانا شايف ان ده ضعف توكيل و كمان ناس مصممة انها تروح لليبانى و الكورى على حساب عربيات تانية كويسة موجودة فى السوق
انا شايف ان احنا اللى بنحكم على العربية اما بالنجاح او الفشل يعنى لو الفيات منتشرة فى مصر هتلاقى ان قطع غيارها ابتدت تبقا موجودة بره عند التجار و اسعار قطع الغيار تكون معقولة

أسف انى طولت عليك بس على رأى المثل أسئل مجرب و لا تسأل طبيب

اسأل براحتك احنا موجودين علشان نساعد بعض

امبارح كنت فى المصرية بتفرج على العربيات و اكتر عربية بهرتنى فعلا هى اللينيا ، ما شاء الله خامات و تقفيل مفيهوش غلطة و واسعة و فخمة جدا، و للصدفة محطوطة جنب السيراتو اللى اتصدمت من فقرها الداخلى و التابلوه البلاستيك و مع ذلك بالحجز!! و واحد بالصدفة فى المعرض بيسألنى عن سعر اللينيا لما قلتله قاللى( ليه يعنى دى فيات،انا اروح اشترى الانترا) و لا تعليق!!!

و واحد بالصدفة فى المعرض بيسألنى عن سعر اللينيا لما قلتله قاللى( ليه يعنى دى فيات،انا اروح اشترى الانترا) و لا تعليق!!!

هى ده المشكلة الناس متخيلة ان الكورى او الصينى او حتى اليبانى افضل من الاوروبى خاصة الالمانى و الايطالى لان دول تقريبا احسن حاجة فى الاوروبى
و برده الناس لسة متخيلة ان الفيات هى ال 128 و الشاهين طبعا مع كامل احترامى للعربيتين و ملاكهم و انا واحد منهم (معايا شاهين حاليا و قبلها 128 ) بس الدنيا اتغيرت و فيات بتعمل عربيات حاليا قوية جدا من حيث الموتور و الكماليات و الصاج و الامان و كل حاجة
انا لو هايخيرونى و انا بشترى مش هافكر غير فى اى عربية اوروبى