| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 32

  1. #1

    الصورة الرمزية husseinoo

    رقم العضوية : 40184

    تاريخ التسجيل : 13May2009

    المشاركات : 800

    النوع : ذكر

    الاقامة : cairo

    السيارة: Mazda 323 1982

    السيارة[2]: toyota corolla 1984

    الحالة : husseinoo غير متواجد حالياً

    افتراضي عايز اشترى سيارة فى حدود 18000 ... رأيكم مهم جدا لو سمحتم - Facebook Twitter whatsapp انشر الموضوع فى :

    hasad">


    انا جديد وعمرى ما اشتريت سيارة ... وامكانياتى عادية "مستورة والحمد لله"
    المشكلة انى تابعت البيتل بشكل جامد جدا
    ووجدت انها سيارة رائعة لاكثر من سبب

    اكثر السيارات مبيعا فى العالم
    اكثر السيارات شعبية
    اكثر السيارات انتشارا حتى وقتنا هذا "مازالت مطلوبة فى اغلب دول العالم"

    بالنسبة لمزايا السيارة نفسها
    وجدت انها من غير راديتير
    ليس بها مروحة للراديتير
    لا يوجد بها طرمبة مياه
    لا يوجد بها "كارونة"
    لا يوجد بها كبالن متحركة
    لا يوجد بها غير الاساسيات "ولذلك السيارة قوية متماسكة شعبية" ... ومن خلال مشاركات القراء تتحمل جدا
    حتى قطع الغيار ... ابسط حاجة توافر المواتير استيراد بأسعار معقولة لكى تسترد السيارة عفيتها فى اى وقت ولاى موديل

    وبرغم اقتناعى بها إلا انى اواجه بعض الاعتراضات
    مثلا البعض يقول "يا عم حد يشترى سيارة عمرها اكثر من 40 سنة"

    والآخر يقول " بصراحة شكلها موش حلو" وده كلام ام العيال

    وناس تانية تقول "دى بابين فقط وضيقة من الخلف" يعنى سيارة موش عائلية

    المهم انا من وجهة نظرى كالتالى:
    ما دام امكانياتك فى حدود 14000 لن تجد افضل من البيتل

    المهم الحمد لله انا ربنى كرمنى "ما شاء الله ولا حول ولا قوة إلا بالله" .. اكثر مما توقعت وفكرت ابحث عن سيارة فى حدود 18000
    ممكن ارفع السعر الى
    20000

    وجدت نفسى فى حيرة كبيرة جدا
    الكلام حلو
    لكن الفعل صعب

    البعض يرشح سيارة مازدا 323 موديل 1982
    برغم جمال العربية وشهادة الجميع بكفاءتها ولكن عمرها حوالى 30 عام

    كذلك السيارة فيات 131 موديل 82
    والكثيرين من اصحابها يطلبوا فيها مبالغ كبيرة تتحطى الـ 20000

    اما السيارة "لادا" ... اعتقد والله اعلم انها صعب انك تركبها غير "زيرو" خلاف كده سوف تكون صديق للميكانيكى خصوصا بعد مرور 10 سنوات عليها
    ده غير انها خشنة وناشفة برغم قوتها

    خلاف كده انا احترت اى سيارة خلاف كده نفس المشكلة
    لا تجد غير سيارات صغيرة "عاملة زى اللعبة" وسعرها يبدأ من 20000
    مثل سوزوكى ماروتى موديل 1992

    ارجوا النصحية من الطيور المهاجرة بخصوص شراء سيارة فى حدود 18000

    على فكرة انا لا احب الـ 128 "المعروفة بصديقة الميكانيكى"

    سمعت ان استاذ هاشم سوف يتحول الى "الطيور المهاجرة" ويبيع البيتل ويبحث عن سيارة عائلية
    عايز نصيحته ...


    عايز اعرف آرائكم القيمة ... ونصائحكم الغالية ... خصوصا انى مبتدأ ,لا يوجد عندى استعداد لأى اعباء صيانة وزيارات للميكانيكية عمال على بطال .. "البيت اولا بأى قرش" موش كده ولا إيه

    الموضوع مفتوح لكل اصحاب الرأى والفكر

    فى انتظار ردودكم

    مع اطيب التمنيات
    اخوكم حسين غزالة
    [caution]
    اللون الأحمر مخصص للمشاركات الإدارية فقط
    http://www.nilemotors.net/Nile/78489-a.html
    مشرف الأوروبى 2[/caution]


  2. #2

    الصورة الرمزية ابوهاشم

    رقم العضوية : 2602

    تاريخ التسجيل : 14Oct2007

    المشاركات : 3,896

    النوع : ذكر

    الاقامة : cairo new

    السيارة: volks beetle

    السيارة[2]: LANSER -1999.GLX

    دراجة بخارية: لا

    الحالة : ابوهاشم غير متواجد حالياً

    افتراضي -

    السلام عليكم ورحمة الله وبركاته
    استاذ حسين
    كل عام وانت بخير
    فعلا انا نويت اهاجر واغير البيتل بس والله على عينى
    لان السياره حجمها اصبح صغير على عدد اسرتى
    والاولاد مش بياخدو راحتهم فيها
    مع تمسكى الشديد انى مش هلاقى فى كفائتها تانى
    وده مش رأيى فى عربيتى بالتحديد لكن فى البيتل عموما
    عربيه جباره عبرت القارات واعطالها قليله بالنسبه لكل فئاتها
    وان شاء الله ناوى اجيب دوجان او شاهين
    ومع الاسف مش حب فى الشاهين ولا اعجاب بيها
    ولكن لكثرة انتشارها اولا وتحملها للطرق المصريه
    وتوافر قطع الغيار والميكانيكيه وتكيفها مع كل انواع البنزين والزيوت
    ده طبعا بجانب حجمها الواسع اللى يتحمل الاسره وظروف السفر
    وانها عربيه عاليه ومافيش احتكاك بالمطبات
    لكن اللى كان نفسى اشتريها وتراجعت عن التفكير فيها
    هى العربيه (فورد سكورت) وهى فى نفس الفئه السعريه
    يعنى تقريبا 28000جنيه
    عربيه جباره بمعنى الكلمه وهى اللى كانت تعتبر التطور الحقيقى
    بعد البيتل كركوبه
    يكفى انها بتعدى فى التسارع 180ك وهى ثابته تماما
    وتقدر تاخد بيها ملفات على سرعة 100ك بدون قلق
    تقفيل اوروبى يفوق الوصف والخيال
    الصالون بتاعها تحفه بجد وناعمه جدا
    بس بعد السؤال والتشاور لقيت انها مغامره كبيره
    قطع غيارها غاليه جدا جدا لدرجة مثلا ان المساعد الواحد ب450جنيه
    مع العلم ان مساعد الفولكس ب120جنيه وده مجرد مثل لحاجه واحده
    بدون الدخول فى باقى الاسعار
    وغير كمان ان الاهم من كده ان ميكانيكية الفورد معدودين على الصوابع
    يعنى مشكله كبيره برضه
    وفى الاخر الفورد كان مجرد حلم وصحيت منه خلاص
    نرجع بقى لباقى السيارات اللى من نفس الفئه مش هنلاقى غير الشاهين افضلهم قدره وتكلفه مع انها فيها شوية عيوب بس احسن الوحشين
    ومسيرنا نتعود عليها
    ـــــــــــــــــــــــــ ـــــــــــــــــــــــــ ـــــــــــــــــــــــــ ـــ
    نرجع بقى لموضوعنا الاساسى وهو ترشيح عربيه فى رنج السعر اللى معاك
    وتمشيا مع الكلام اللى قولته
    يبقى انصحك بال131
    على قد نفس السعر اللى ذكرته
    والشاهين بالفعل هى التطور لل131
    وال131 هى اول مايقارن بالبيتل من الفيات
    بس البيتل اللى تكسب فيما عدا الصالون والشنطه
    وانا لو عندى مكان للركنه كنت احتفظت بالبيتل لمشاويرى الخاصه
    ارجو ان اكون افادتك وربنا يوفقك

    ابـــــو هــــــــــاشـــــــــم [sor2]http://nileup.com/up/uploads/nilemotors_13674136111.jpg[/sor2]


  3. #3

    الصورة الرمزية original

    رقم العضوية : 4112

    تاريخ التسجيل : 13Jan2008

    المشاركات : 2,723

    النوع : ذكر

    الاقامة : Alexandria

    السيارة: Sirion2009

    السيارة[2]: New Accent 2010

    دراجة بخارية: ياريت

    الحالة : original غير متواجد حالياً

    افتراضي -

    كلام معقول
    فعلا فيه عربيات مش هتخليك صديق للميكانيكى وهتخليك صديق لكل الميكانيكيا فى مصر مش واحد بس..
    ماروتى 800 سى سى إقتصادية فى البنزين
    128 قطع غيارها ببلاش
    131 موتورها 1600 أو 2000
    لادا ناشفة وروسى (موديلات قديمة) وقطع غيارها ببلاش
    شاهين قطع غيارها متوفرة وفعلا أنسب عربية للطرق المصرية
    بيتلز عربية تحفة تحب تقتنيها لأنها ممتازة بس ماتفكرش إنها مش هتحتاج ميكانيكى (الدنيا مش وردى)

    ربنا يوفأك وتلاقى اللى يناسبك..

    [sor2]http://oi41.tinypic.com/eranop.jpg[/sor2]


  4. #4

    الصورة الرمزية husseinoo

    رقم العضوية : 40184

    تاريخ التسجيل : 13May2009

    المشاركات : 800

    النوع : ذكر

    الاقامة : cairo

    السيارة: Mazda 323 1982

    السيارة[2]: toyota corolla 1984

    الحالة : husseinoo غير متواجد حالياً

    افتراضي -

    والله يا جماعة انا كده موش عارف افكر
    الحاجة اللى انا متأكد منها "إن الفلوس لم يعد بها بركة"
    وإن الواحد فاكر إن "20000" الف جنيه فلوس
    طلعت ولا حاجة ... خصوصا لو فكرت تشترى حاجة فى التسعينات عشان ترتاح
    واللى انا متأكد منه وعايزكم تكلمونى فيه
    ان لو الواحد اشترى بيتل فى حدود 16 او 17 الف ... تفتكروا ان السيارة دى هاتريحنى
    من موضوع المكيانيكية خصوصا انى لم اركب سيارة فى حياتى ومعدوم الدخل هههههههه او تقدر تقول "محدود الدخل" عشان الحكومة ما تزعلش
    طيب وبعدين .... فين كلامكم عن موضوع السيارة "حالة"
    النهارده سواق التاكسى بيقول لى "لأ السيارة موديل"
    ولو اتعرض على سيارة 131 موديل 79 لن ادفع فيها اكثر من 16 الف جنيه حتى ولو كانت فابريكة زى ما بيقولوا

    وبعدين اى حاجة بقولها هاشم انا اثق فيها على طول
    لكن موضوع الشاهين ده بعيد عنى قوى
    ربنا ييسر الاحوال

    انصحونى

    مع اطيب التمنيات
    اخوكم حسين غزالة


  5. #5

    الصورة الرمزية Youssef.Awad

    رقم العضوية : 42730

    تاريخ التسجيل : 19Jun2009

    المشاركات : 6,353

    النوع : ذكر

    الاقامة : Riyadh - KSA // Banha - Egypt

    السيارة: NISSAN ALTIMA 2.5 SL '13

    السيارة[2]: FSO Polonez '88 - NISSAN SUNNY EX Saloon '10

    دراجة بخارية: 000

    الحالة : Youssef.Awad غير متواجد حالياً

    افتراضي -

    هى البولونيز مافيش غيرها
    تقدر تجيب عربية حالتها كويسة جدا بالسعر ده وقطع غيارها رخيصة ومتوافرة وثبات وقوة وصاج متين خصوصا للى بيتعلموا السواقة وكبيرة وواسعة ودفع خلفى للخدمة الشاقة
    بس أهم حاجة تقع على واحدة بحالة جامدة موديلات 88 وانت طالع لحد 91
    واحسن من البيتلز من وجهة نظرى لو قارنتهم ببعض وانشف من الفيات 131 على الطريق والمطبات


  6. #6

    الصورة الرمزية original

    رقم العضوية : 4112

    تاريخ التسجيل : 13Jan2008

    المشاركات : 2,723

    النوع : ذكر

    الاقامة : Alexandria

    السيارة: Sirion2009

    السيارة[2]: New Accent 2010

    دراجة بخارية: ياريت

    الحالة : original غير متواجد حالياً

    افتراضي -

    131 فيه ناس كتير بتجيبها ب 13 دلوأت

    [sor2]http://oi41.tinypic.com/eranop.jpg[/sor2]


  7. #7

    الصورة الرمزية zico900

    رقم العضوية : 20903

    تاريخ التسجيل : 03Oct2008

    المشاركات : 416

    النوع : ذكر

    الاقامة : مصر

    السيارة: لا يوجد

    السيارة[2]: لا يوجد

    الحالة : zico900 غير متواجد حالياً

    افتراضي -

    نصيحه:

    في رأي الشخصي....كان في واحد صاحبي عمال يدور على عربيه لحد ما رسي على احسن حاجه ممكن تجبها بحدود 20 هي ستروين ax فرنساوي و موديلتها حديثه بالنسبه للعربيات الانت بتكلم عليها (1996)

    و فيها كماليات من المصنع مش متركبه زي:
    1-ريموت و سنتر اصلي
    2-شبابيك كهرباء امامي اصلي
    3-تكييف اصلي
    4-اشيك من بره و جوه من جميع العربيات اعلاه (في رأي)
    5-فرنساوي
    6-واخده رقم قياسي سنه 1994 على انها اوفر عربيه في العالم

    عيبها كالاتي: قطع الغيار بس


  8. #8

    الصورة الرمزية husseinoo

    رقم العضوية : 40184

    تاريخ التسجيل : 13May2009

    المشاركات : 800

    النوع : ذكر

    الاقامة : cairo

    السيارة: Mazda 323 1982

    السيارة[2]: toyota corolla 1984

    الحالة : husseinoo غير متواجد حالياً

    افتراضي -

    بسم الله الرحمن الرحيم

    ما هو اساس اى مشكلة هو قطع الغيار
    من حيث السعر ... كذلك توفرها

    بعد كده فى ناس تقولك لازم يكون معاك فلوس بعد الشراء علشان لو ظهر اى حاجة تعملها والسيارة لا تتوقف

    يعنى لو السيارة فى حدود 18000 الف يبقى معاك مثلا 2000 على الاقل من باب الاحتياط لاى حاجة

    اما لو وضعت فلوسك كلها فى موديل معين وظهر اى حاجة لا قدر الله كل اللى هاتعمله "هاتركنها جنب الرصيف لحد لما ربنا يفرجها"

    فى انتظار افكاركم ... يا ريت تشاركونى

    مع اطيب التمنيات
    اخوكم حسين غزالة


  9. #9

    الصورة الرمزية ابوهاشم

    رقم العضوية : 2602

    تاريخ التسجيل : 14Oct2007

    المشاركات : 3,896

    النوع : ذكر

    الاقامة : cairo new

    السيارة: volks beetle

    السيارة[2]: LANSER -1999.GLX

    دراجة بخارية: لا

    الحالة : ابوهاشم غير متواجد حالياً

    افتراضي -

    انا مازلت مصمم على ال131
    لان انا عندى 3زملائى من المقربين ليا معاهم 131
    والحقيقه هى قليلة الاعطال عن معظم الفيات
    وحكاية انه ب13 ده رقم خرافى
    الا اذا كانت محتاجه حوالى 10000مصاريف
    فى واحد صاحبى اشترى من شهر 131 موديل 79 ب17000
    وكانت حالتها كويسه جدا ولو بالمقارنه مع البولونيز يبقى ال131 تكسب
    لان البلونيز مع انها محترمه جدا وتعتبر عفشتها عفشة نص نقل
    لكن ال131 انعم منها وشكلها اظرف مع اختلاف الموديل الاعلى للبلونيز
    والستروين مالهاش قطع غيار وميكانيكيه قليلين يبقى طظ فى الموديل
    وعلى فكره مافيش 131 2000سى سى
    اللى موجود 1300-1500-1600
    بس اهم حاجه وانت بتشترى لازم طبعا الحاله علشان تريحك
    والله الموفق

    ابـــــو هــــــــــاشـــــــــم [sor2]http://nileup.com/up/uploads/nilemotors_13674136111.jpg[/sor2]


  10. #10

    الصورة الرمزية husseinoo

    رقم العضوية : 40184

    تاريخ التسجيل : 13May2009

    المشاركات : 800

    النوع : ذكر

    الاقامة : cairo

    السيارة: Mazda 323 1982

    السيارة[2]: toyota corolla 1984

    الحالة : husseinoo غير متواجد حالياً

    افتراضي -

    hasad">

    السلام عليكم ورحمة الله وبركاته

    موش قادر انسى حبى للتصوير الفوتوغرافى ... وماكانش معى الكاميرا الديجيتال ... كان معى الموبايل ... وكنت اقول عليه "قبقاب" نوكيا 6630 ... لكن سبحان الله الوحيد اللى جبر خاطرى فى الرحلة دى ... ماكنتش اعرف ان صوره حلوه كده خصوصا الخارجية ههههههههههههه

    المهم نبدأ الحكاية

    برغم ان ساكن فى مصر الجديدة لكن عمرى ما روحت سوق السيارات
    اليوم قلت لنفسى روحى صلى الجمعة هناك وشوف الحكاية ايه

    وجدت التالى

    سيارات قليلة قوى مثل مازدا 323


    وقليل قوى اللى حالته كويسة
    يمكن انا اللى موش فاهم والله اعلم

    وطبعا كل الكلام بيدور حوالين 22000 الف او 23000 ونبدأ مشوار الفصال




    طبعا دى كانت احسن الحالات اللى شفتها
    فى حالات اسوأ من كده كثيير

    ووجدت ان السيارة فيات 131 برده قليلة قوى
    واحد فقط واضح انه شاب ومكانش تاجر وكان فى زبون بيخلص معاه بسرعة قبل ما يرجع فى كلامه والسيارة كانت عادية موش بنظافة السيارة التالية:


    اخيرا وجدت ان السيارة بيجو 504 هى الوحيدة اللى منتشرة ومتواجدة بشكل ملحوظ
    لكن اصحابها اعتقد فى الغالب تجار حتى من الاقاليم خصوصا الزقازيق
    والصورة توضح صاحب احد السيارات موديل اعتقد 1978 وكان عايز 28000

    واحد صاحبى قال لى ممكن تلاقى بيجو واقفة على حيلها فى حدود 25000


    لكن بصراحة كل البيجو اللى انا شفته من الخارج شكله جميل مثل الصورة السابقة والسيارة واقفة على حيلها ولكن اول ما انظر الى الماتور "طبعا انا موش فاهم حاجة" اخاف واحس ان الماتور ده قديم قوى وتعبان والله اعلم ممكن اكون انا اللى موش فاهم

    واكثر حاجة تقلق ان البيجو تقريبا اغلبه 2000 سى سى يعنى ما اعرفش استهلاكه ايه فى البنزين ... لكن سبحان الله عمرك ما كنت تحلم انك تلاقى بيجو فى حدود 25000 الف سبحان مغير الاحوال .. لكن السيارة بصراحة واقفة على حيلها واغلبهم شكلهم حلو موش وحش

    طبعا وجدت السوق عبارة عن ماسورة "بنى آدمين " وانفجرت هناك


    لكن الملاحظة السيئة فعلا ان اغلبهم احساسى بيقول انهم تجار ... ونايمين على الرصيف "واكلين شاربين" عاملين خيمة هناك ... واسعارهم مبالغ فيها جدا ... ولا يوجد عندهم مانع انهم يناموا بجوار السيارة مافيش مشاكل ... لدرجة شاهدت "ستات" جالسين فى السيارة وشكلها زوجة التاجر ... اكثر من ست كانت جالسة داخل السيارة



    اما عن السيارة شاهين ... نادر لما تلاقيها ... واول لما تظهر تلاقى زحمة عليها وتلاقى ناس كثير شكلهم موش وش عربيات ... شكلهم تجار ... كل اللى بيعملوه "شوية غلاسة" على صاحب اى سيارة ملاكى

    طبعا ممكن تلاقى ناس كثيير موش تجار ... لكن الاسعار هى مولعة

    يعنى الشاهين من 27000 وانت طالع وحسب شطارتك

    المازدا التعبانة قوى كانت عاملة 18000 الف
    اما الفيات 128 ... دى السيارة الوحيدة اللى تلاقيها بكثرة جدا ... لكن انا قرفان منها واتسخسر انى ادفع فيها مليم برغم ان ممكن تلاقى موديلات حديثة وحالة جيدة جدا بالمبلغ اللى معايا وكمان موديل تسعينات

    موش عارف بصراحة حاجة تحير


    بصراحة انطباعى عن السوق كان سىء جدا ... واغلب السيارات هناك كانت حديثة والمطلوب فيها جامد جدا بشكل مبالغ فيه .... واللى فهمته ان الاحسن انك تبعد عن السوق ... وتصبر يمكن تلاقى حاجة كويسة عند حد معرفة

    اما موضوع الاحلال اللى عاملين له اشاعة ده .... بعد زيارة السوق ... استحالة الحكومة تقرب من عربيات الناس الملاكى ... ده لو كانت الحكومة موش عايزة حد يولع فى البلد ... لان طبعا نسبة كثيير جدا عندها سيارات قديمة وهى اللى حيلتهم زيى ما بيقولوا ... يعنى العملية موش ناقصة

    موش عارف ليه لما الواحد بينظر الى موتور اى سيارة قديمة بيخاف ... بخاف كده واحس انى هاشترى التورماى .... برغم انى موش فاهم حاجة ههههههه

    منتظر تفاعلكم
    وآرائكم

    مع اطيب التمنيات
    اخوكم حسين غزالة



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. مشاركات: 191
    آخر مشاركة: 03-03-2015, 08:41 PM
  2. لو سمحتم عايز عربية في حدود 40000
    بواسطة ahmedsepak في المنتدى بيـــع و شــــراء
    مشاركات: 19
    آخر مشاركة: 15-08-2011, 04:55 AM
  3. عايز اشترى عربية فى حدود 70000 دلونى اشترى ايه
    بواسطة amz2011 في المنتدى قســـــــــم المقارنــــات
    مشاركات: 16
    آخر مشاركة: 14-01-2011, 02:08 AM
  4. افيدونى فى شراء سيارة فى حدود 18000
    بواسطة ebenri في المنتدى قســـــــــم المقارنــــات
    مشاركات: 5
    آخر مشاركة: 09-05-2009, 03:04 AM
  5. عايز اشترى سيارة فى حدود 35 الى 40 الف جنية
    بواسطة massoud2 في المنتدى قســم خاص لطلـبات شــراء الســـيارات و متعلقاتها فقـــط
    مشاركات: 6
    آخر مشاركة: 20-04-2009, 04:56 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2