طبعا كل سنة وانتوا طيبين
الصيف خلاص بيودع وهانرجع تاني للشتا
وطبعا في ناس كتير ريش مساحاتها بايظة وبتجرح الزجاج ومش لاقيين ليها حل
وشوفت ناس كتر بتغير المساحات كلها بمسحات عادية وطبعا اداء تعبان
علشان المسحات بتاعت التمبرا مصممة علي شكل الزجاج ومنحنياتة
وطبعا الناس بتعمل كدة علشان سعر المسحات بتاعتنا غالية لو لقيتها
المهم علشان ماطولش عليكو انا ان شاء الله عندي الحل
في ريش مساحت التمبرا بتتباع في ش دمشق في م الجديدة عند محل اسمة سعيد بطرس واولادة
عنوانة 49 ش دمشق ودة في اول الشارع من ناحية ميدان الجامع علي الشمال محل واخد ناصية
ودة تليفونة 22562702
و 0124324354

وريش المساحات شامبيون ب 40 جند والعلبة عليها طريقة التركيب وخلو بالكو فيها يمين وشمال
وعلي فكرة دة مش اعلان ولا حاجة
لاني كانت مساحاتي مكسرة زمان ورحت اشتريت اتنين استيراد وبعد كدة الريش باظت
ولقيت الراجل دة الوحيد اللي عندة ريش التمبرا
ارجو اني اكون افادتكم لاني بصرحة بحب العربية دي ومابحبش حد يعدل حاجة في اي عربية عن الفابريقة