أتخبر من حولك ام لا؟؟؟؟؟؟؟

اثناء كتابتى لموضوع http://www.nilemotors.net/Nile/97047-a.html

خطر على بالى سؤال تانى

كل يوم بنسمع عن امراض خطيرة ناس فجاة تتعب .. تروح للدكتور يقول مرض خطير ومش هتعيش اكتر من شهور او سنة ومثل هذا الكلام

طبعا الاعمار بيد الله وربنا مسبب الاسباب

وماتدرى نفس ماذا تكسب غدا وما تدرى نفس بأى أرض تموت

لكن السؤال هنا لو بعد الشر بعد الشر الف مرة تعرضت لمثل هذا الموقف او تعرض شخص قريب منك لمثل هذا الموقف
هل تفضل اخبار من حولك ام لا
هل تخبرهم ان حياتك ربما اوشكت على الانتهاء فالاعمار بيد الله وحده
لتهيئهم نفسيا للحظة الفراق ولا يكون الفراق صدمة لهم

ام تفضل الا تخبرهم ويكفيهم الم فراقك وقت وقوعه وتجنبهم الم انتظاره

وكما تعلم الناس تعامل من اقترب اجله بود ورحمة وحب واهتمام

فهل تخبرهم لتحظى بمثل هذه المشاعر ام تكتم عنهم الخبر وترضى بمشاعر حقيقية بعيدة عن العطف والمجاملة ؟؟؟؟؟؟؟؟؟؟؟؟؟

والله يا بسكوته انتى سألتى سؤال قريب اوى من اللى بسأله لنفسى و يا ريت نسمع رأى الناس عن السوألين هما يعتبروا واحد سؤالى ان لو فى يوم جالى حاله و عرفت انها مش هتعيش كتير زى سؤالك اقول للمريض نفسه على كده ولا لأ واقوله متقلقش مفيش اى حاجه و هتبقى زى الفل يعنى انهى احسن للمريض و للدكتور؟؟ و اجابتى عن سؤالك هقول للناس القريبه منى اهلى و اصحابى القريبين

والله الموضوع ده صعب جدا يا بسكوته ان الواحد يقول رايه فيه

يعنى فى مثل مصرى بيقول ايه

وقوع البلى ولا انتظاره

يعنى الواحد يفضل يعذب فى الناس الى حواليه ويتعبتهم جدا بسبب الموضوع وكانه حاصل لحد لما يحصل وياسلام بقى لو محصلش وربنا كاتبله عمر جديد او انه يخف

الموضوع صعب جدا وفى نفس الوقت الواحد اكيد هيبقى عايز يقضى كل وقته مع الناس الى بيحبهم وبيحبوه ويشبع منهم

بس زى ما قولتلك صعب على الواحد انه يبقى تعبان وكمان يتعب كل الناس الى حواليه الى بتحبه اعتقد هتبقى انانيه

غير بقى نظره العطف والشفقه من كل الناس الى هتقتل الواحد الف مره

بخاف من المرض و العجز و الكبر في السن اكتر من الموت !!

يارب اموت و انا صغير احسن ما اكبر و اعذب الناس معايا :(

اكيد اكيد مش هاقول لحد و بجد والله العظيم بدون مبالغه هابقى مستريح نفسيا لان ده ابتلاء من عند ربنا واكيد اللى بيصبر و بيستحمل و بيشكر ربه كمان على الابتلاء ده ليه ثواب عظيم.

مش هقول لحد
الا لواحد او اتنين من اعز اصدقائى

لا مش هقول لاحد

اقتباس:

---

المشاركة الأصلية كتبت بواسطة pro-drive

بخاف من المرض و العجز و الكبر في السن اكتر من الموت !!

يارب اموت و انا صغير احسن ما اكبر و اعذب الناس معايا :(

---

+وانا كدة بس نفسي اموت وانا مئدي فروض ربنا ويكون راضي عني

BASKOTA
ممكن أرد أنا بسؤال لو معظم الحواليكي مبيفكروش فيكي وبيجو عاليكي ومبيحولوش يعملوا أي حاجة يفرحوكي أو حتى يحاولوا يفهموا إنتي عايزه أيه أو إتصرفتي كده ليه مع إنك عمرك ما إتأخرتي على حد فيهم وبتعملي كل حاجة هما ممكن يحتاجوها حتى لو هتيجي على مصلحتك وكمان ممكن تضرك تفتكري لو عملوكي كويس لما عرفوا إنك قربتي تموتي هتبقى مبسوطة
أنا عن نفسي عمري ما هبقى مبسوط ويمكن أتعب من تعاملهم ده أكتر من ما أنا تعبان دلوقتي فأكيد مش هقول لحد حتى الكويسين معايا وهحاول أفضل طبيعي لحد ما موت عشان ماتعبش حد معايا

لا موش هاقول لاهلى كفاية انى تعباهم فى حياتى كمان فى مماتى بس ممكن اقول لحد من صحابى القريبين

مش هقول لحد...

تجنبا لتألمهم عليه

واجتنابا لاحساسهم بالعطف والشفقة اللي مش هطيقه

اقتباس:

---

المشاركة الأصلية كتبت بواسطة hesham69

وقوع البلى ولا انتظاره

---

+111111

طبعا مش هقول لحد لان زى مقولتى الاعمار بيد الله ربنا قادر يمد فى عمر الواحد كيفما يشاء

الافضل أأقول لاهل بيتى القريبين جدا طبيعة المرض اشفاقا عليهم من مفاجأة الفراق ( دون ذكر الموت ) لان الموت لا يرتبط بصحة ولا مرض
وفى النهاية الاعمار بيد الله

اقتباس:

---

المشاركة الأصلية كتبت بواسطة yahiahelaly

لا مش هقول لاحد

---

111111111111

الموقف ده حصلى مع والدى الله يرحمه وهو طلب أن ما حدش يعرف خالص لا فى الشغل ولا العائلة و ده إللى حصل فعلا لدرجة أن الناس كلها تفاجأت بالوفاة وما كنوش يعرفوا أنه بقاله أكتر من سنة مريض ولو أنا فى نفس الموقف هعمل نفس الحكاية

افضل انى اصمد
ولا اقول لحد
والاعمار بيد الله