أراء حضراتكم بخصوص,(حفل افتتاح كأس العالم للشباب 2009 )

**mahmoud_magdy** · 25-09-2009 07:37 AM

بسم الله الرحمن الرحيم
السلام عليكم ورحمة الله وبركاته
تحبه طيبه لحضراتكم
واتمنى ان تكونوا بدوام الصحه وكامل العافيه

الموضوع بخصوص أراء حضراتكم بخصوص حفل افتتاح كأس العالم للشباب
للاسف انا متفرجتش على الحفل على التلفزيون
لكن من حظي اني قدرت اتفرج عليه على الانترنت
طبعا اللي شافه على التلفزيون او على الانترنت أكيد عندو تعليقات
واللي مشافوش اتمنى انو يشوفوا ويشارك في الموضوع
انا هبدأ بالتعليق على الحفل في المشاركه الجايه
واتمنى التفاعل لان بجد الموضوع مهم اوي
شكرا لكم
تحياتي

*ملحوظه :- مدرج فيديو للحفل لمن لم يشاهده ولمن يريد مشاهدته مره أخرى

الجزء الاول من الحفل
YouTube - ‫ط.ظپظ„ ط§ظپطھطھط§ط. ظƒط£ط³ ط§ظ„ط¹ط§ظ„ظ… ظ„ظ„ط´ط¨ط§ط¨ 2009 - ط§ظ„ط¬ط²ط، ط§ظ„ط§ظˆظ„‬&lrm;
الجزء الثاني
YouTube - ‫ط.ظپظ„ ط§ظپطھطھط§ط. ظƒط£ط³ ط§ظ„ط¹ط§ظ„ظ… ظ„ظ„ط´ط¨ط§ط¨ 2009 - ط§ظ„ط¬ط²ط، ط§ظ„ط«ط§ظ†ظٹ‬&lrm;
الجزء الثالث
YouTube - ‫ط.ظپظ„ ط§ظپطھطھط§ط. ظƒط£ط³ ط§ظ„ط¹ط§ظ„ظ… ظ„ظ„ط´ط¨ط§ط¨ 2009 - ط§ظ„ط¬ط²ط، ط§ظ„ط«ط§ظ„ط«‬&lrm;
الجزء الرابع
YouTube - ‫ط.ظپظ„ ط§ظپطھطھط§ط. ظƒط£ط³ ط§ظ„ط¹ط§ظ„ظ… ظ„ظ„ط´ط¨ط§ط¨ 2009 - ط§ظ„ط¬ط²ط، ط§ظ„ط±ط§ط¨ط¹‬&lrm;

**Terrible_DaRsH** · 25-09-2009 07:53 AM

بصراحة معجبنيش غير الاستاد و الملعب بالرغم من انه مش استاد عالمى و لا حاجة بس اهه حاجة تشرف و خلاص ..

هانى ابو ريدة ماكنش عارف يتكلم و حسن صقر مفهمتش منه ولا اى كلمة .

لو عندك فيديو الحفلة نفسها مش الخطبة يا ريت تحطه .

**shery103** · 25-09-2009 08:03 AM

الحفلة نفسها كانت وحشة جدا بصراحة !! انا تخيلت ان الحفلة هتبقى وحشة بس متخيلتهاش بالسوء ده ، بس اهو يلا ، عدت
و كسبنا الماتش 4-1 فشكلنا كويس شوية اهو

**mahmoud_magdy** · 25-09-2009 08:10 AM

بسم الله الرحمن الرحيم
السلام عليكم ورحمة الله وبركاته
انا هعلق على الحفل واحده واحده كدا
وهقول رأيي فيه (اتمنى انو يكون مقبول )
وأول تعليق هقولوا حصلت في الحفل ده هيا بجد فاجعه ومصيبه بكل المقاييس تماما ولا تليق على الاطلاق
الا وهي اللغه العربيه (الضايعه خاااالص) من الاشخاص اللي تحدثوا باللغه العربيه الفصحى امام الملاين والملايين من مشاهدي هذا الحفل سواء أمام الجماهير في الاستاد او عبر جهاز التلفاز

يعني يرضي مين ان الاستاذ هاني ابو ريده او الاستاذ حسن صقر بمراكزهم المرموقه ومستواهم العلمي المرموق بردو انهم بنطقو اللغه العربيه الفصحى بشكل غير صحيح
الحروف تتنطق غلط ( الذال زاي والعكس ) والتشكيل غير صحيح بالمره ( أكيد حد هيقولي الموقف ورهبة الموقف وكدا ) طيب ماهو بلاتر طلع مكانهم بابتسامه واتكلم امام الجماهير (بالرغم من التشجيع وعدم اتاحة الفرصه ليه انو بتكلم ) لا اترهب من الموقف ولااتلجلج في الكلام ولانطق مخارج الحروف غلط ولا عرق ووشو احمر ولا حاجه خالص (مش بيحصل كدا بردو !!! )بالعكس حضورو كان قوي جدا في الثواني المعدوده اللي وقف فيها مكانهم (وقتو كان أصغر من وقتهم على فكره )
انا لوهله حسيت انهم اول مره يقرأو الخطاب بتاعهم كان في الحفل
والغلطات في القراءه كان بسبب كدا
حاجه تزعل جداااااا جداااااااا (زمان اخوه الاعداء بيتريقوا علينا )

على فكره بحكم (قراءة القران)
ودراستي وشغلي فيما بعد ان شاء الله (مترجم ) اتكلمت في النقطه دي عشان مهمه اوي

وكمان الاضاءه مكانتش بالمستوى القوي ( يعني كان مفروض الاضاءه تكون متواجده على اللي بيعملوا استعراضات ولو بشكل خفيف عشان يظهروا بدل اما هما عمالين يرقصو في الضلمه كدا )

نقطه كمان مهمه بس مش اهم من نقطة اللغه العربيه ( تشجيع الجماهير بشكل مبالغ فيه جداااا وعدم احترام الناس وهيا بتتكلم ونازلين تشجيع مش عارف على ايه (اهو كلو بيهيص وخلاص ) ودا السبب اللي عشانو بلاتر معرفش يقول كلمتين على بعض واستنى ان الناس تسكت ( احتراما ليهم ) بس هما معملوش كدا عشان كدا مقالش حاجه !! )

طبعا انا ابتديت بالسلبيات
لان اكبر ايجابيه في الموضوع ان كأس العالم للشباب يكون عندنا ويشاهدوا كل العالم بالرغم ان الافتتاح مش في المستوى القوي كان محتاج يبقى اقوى من كدا

الايجابيه التانيه بقى في صالح عمرو مصطفى (المغني) طبعاا غنى ادام ملايين والعالم كلو شافوا ودي تحسبلوا وهتكون نقطه بيضاء في تاريخو ( كويس انهم مجابوش تامر حسني !!!)

لو في حاجه تانيه هفتكرها واقولها بس الحاجات دي اللي ظاهره دلوقتي ادامي
شكرا لتقبلكم

**mahmoud_magdy** · 25-09-2009 08:15 AM

المشاركة الأصلية كتبت بواسطة terrible_darsh

بصراحة معجبنيش غير الاستاد و الملعب بالرغم من انه مش استاد عالمى و لا حاجة بس اهه حاجة تشرف و خلاص ..

هانى ابو ريدة ماكنش عارف يتكلم و حسن صقر مفهمتش منه ولا اى كلمة .

لو عندك فيديو الحفلة نفسها مش الخطبة يا ريت تحطه .

الفيديو للحفله شامل الخطاب والاستعراضات والاغاني
اتفرج عليها تاني بقى وقول رأيك

المشاركة الأصلية كتبت بواسطة shery103

الحفلة نفسها كانت وحشة جدا بصراحة !! انا تخيلت ان الحفلة هتبقى وحشة بس متخيلتهاش بالسوء ده ، بس اهو يلا ، عدت
و كسبنا الماتش 4-1 فشكلنا كويس شوية اهو

هيا مش وحشه اوي لكن كان ممكن يعملوا اقوى من كدا
انا فاكر شوفت حفلة افتتاح بطوله من قريب كدا
وكنت منبهر بكل حاجه بصراحه
من الاستعراضات وشكل الملعب والتصوير (كانت في اليابان تقريبا )

**Terrible_DaRsH** · 25-09-2009 08:17 AM

ايه ده هو عمرو مصطفى غنى الاغنية !!!

و الله جامدة اوى , بس هانى ابو ريدة فعلا شكله كان واكل بطيخ كتير .

و حسن صقر كان محتار يتكلم عن كاس العالم و لا يجيب فى سيرة حبيبه زى الباقى و خلاص .

بس مش مهم ده كاس عالم للشباب لو كانت للكبار كنت انتحرت :)

**mahmoud_magdy** · 25-09-2009 09:11 AM

عمرو مصطفى غنى اغنيتين
واحده في الاول والتانيه في الاخر
اهي كاس العالم للكبار استحاله انها تتعمل هنا اصلا
تفتكر بلاتر بعد الافتتاح دا هيفكر يدي بطوله تتعمل في مصر تاني !!

**Terrible_DaRsH** · 25-09-2009 10:27 AM

المشاركة الأصلية كتبت بواسطة musiccairo

عمرو مصطفى غنى اغنيتين
واحده في الاول والتانيه في الاخر
اهي كاس العالم للكبار استحاله انها تتعمل هنا اصلا
تفتكر بلاتر بعد الافتتاح دا هيفكر يدي بطوله تتعمل في مصر تاني !!

بلاتر ايه يا محمود :)

هو بلاتر هيكون عايش ساعتها ! ربنا يدينا طولة العمر عقبال ما الدور ييجى على قارة افريقيا تانى .

هيكون بلاتر الله يرحمه :(

بص هو جامل مصر بكلمتين ازاى :)

صرح السويسري جوزيف بلاتر رئيس الاتحاد الدولي لكرة القدم (فيفا) ان مصر ستبث للعالم انها قادرة على تنظيم كأس العالم للكبار من خلال تنظيمها الجيد لمونديال الشباب والتي تعد ثاني أهم بطولة للفيفا وذلك خلال المؤتمر الصحفي الذي سبق اللقاء الافتتاحي للبطولة بين منتخبي مصر وترينداد وتوباجو.

وأضاف بلاتر في المؤتمر الصحفي الذي حضره هاني أبوريدة وسحر الهواري "أعلم ان مصر كانت تنافس على تنظيم بطولة 2010، وكانت لديها ملف قوي، ولكن على كل الأحوال فازت جنوب إفريقيا، وأمام مصر ان تثبت للعالم انها قادرة على تنظيم مثل هذه البطولات الكبيرة وانا أثق في ذلك".

وواصل "لو هناك دولة في افريقيا تستطيع تنظيم مونديال الكبار بعد جنوب إفريقيا فبالتأكيد مصر على رأس هذه الدول".

وأوضح بلاتر انه سعيد جداً بالتواجد الجماهيري الكبير للجمهور المصري في لقاء الافتتاح معرباً أيضا عن سعادته لوجوده في افتتاح استاد الجيش المصري ببرج العرب والذي وصفه بالرائع".

وانتقد بلاتر - في نهاية المؤتمر-الاندية العالمية الكبيرة التي حرمت لاعبيها من المشاركة في بطولة العالم للشباب بمصر.

**eslamrace** · 25-09-2009 10:56 AM

thanxxxx for the video and i think they dident do their best in this party

**sarah5** · 25-09-2009 11:06 AM

لازم نعترف ان الاستاد بالمقارنة مع الاستادات الموجودة بمصر يعتبر فعلا عالمي بس ياريت منلقيهوش بعد سنة زي اللي قبله
بالنسبة للافتتاح طبعا كان سئ جدا وميعبرش بالمرة عن اهمية البطولة وكان مدته قصيرة اوي بس يمكن مكنش فيه اهتمام بالافتتاح لان اصلا مفيش اهتمام بالبطولة رغم ان الشباب هما الاساس في العالم كله
بس مش مهم المهم المنتخب يشرفنا ومنبالغش كعادتنا بنتيجة الماتش الاول لان لسة التقيل كله ورا
بس نفسي اعرف بلاتر كان مبسوط وسعيد اوي كده ليه

الموضوع: أراء حضراتكم بخصوص,(حفل افتتاح كأس العالم للشباب 2009 )

LinkBack

أدوات الموضوع

عرض

أراء حضراتكم بخصوص,(حفل افتتاح كأس العالم للشباب 2009 ) - انشر الموضوع فى :

-

-

-

-

-

المواضيع المتشابهه

افتتاح أكبر صالة عرض لسيارات bmw في العالم بأبو ظبى

أهداف مباراة ايطاليا ومصر في كاس العالم للشباب

مهازل تنظيم كأس العالم للشباب ... حسبى الله ونعم الوكيل

جدول مباريات كاس العالم للشباب - مصر 2009

الكلمات الدلالية لهذا الموضوع

المفضلات

المفضلات

ضوابط المشاركة