الموضوع: استفسار في الاستثمار العقاري

هو طبعا انت ممكن تبني الارض كلها مش بس جزء منها عن طريق تقسيمها
وتسكنها وبالذات ان حضرتك بتقول انها على شارع وسعرها هيكون مرتفع طبعا لموقعها المميز
بس دا بيتوقف على المكان نفسو اذا كان عليه اقبال ولا لا وهل هو متعمر وفيه ناس ولا لا وطبيعة المكان ايه منطقه شعبيه ولا متوسطه
الموضوع عاوز دراسه وتفكير عميق
بخصوص تسكين العقار ملك (في قريب ليا ساكن في عقار ملك لكن الارض ملك لصاحبها يعني الشقه فقط هيا اللي ملك لكن الارض لا) مش عارف ازاي بصراحه لكن هو دا اللي متواجد ادامي

البناء ووتملك عقار لوحدك احسن بكتير طبعا من شقه وبالذات اذا اخدت الدور الاخير لنفسك او دورين تحت بعض
وهتكون الحياه ممتعه بدون دوشة الجيران والمشاكل ووو .....الخ

بس هيا الارض موجوده فين عشان الاعضاء يقدرو يفيدوك اكتر

محطه بنزين

هقولك على حل حلو
1- الارض 700 متر يعنى لو قسمتها نصين يبقى النص 350
2- ابنى نص الارض 350 متر عماره سكنيه الدور شقتين
يبقى عندك لو العماره 5 ادوار 10 شقق
حط اساس فى الارض يشيل اكتر من 5 ادوار
ليييييييييييييييييه ؟
عشان دلوقتى مثلا مسموح ب 5 ادوار بس بعد كده ساعات بيسمحو بادوار اكتر و اكتب من ضمن بنود العقد ان صاحب العقار له حق التعليه بدون الحصول على موافقه مالك الشقه
لما تخلص بناء ال 5 اوار دول و تبيعهم هيكون عدى سنه مثلا او اتنين ساعتها الفلوس اللى معاك على حسب سوق العقارات تقرر اذا كنت هتعمل فى النص التانى من الارض زى ما عملت فى النص الاولانى او انك ممكن تبنى عليها مشروع تجارى او ممكن ساعتها تحتاج تبنى سكن لنفسك المهم متتصرفش فى النص التانى غير لما تخلص النص الاولانى