بسم الله الرحمن الرحيم
يا جماعة انا نزلت انهارده عند معرض عربيات اللى فى المهندسين(موزع رسمى معتمد) لسيارات كيا ورينو
سألت على حبيبة قلبى البيكانتو واسعارها والونها
قالولى متوافرة جدا بس لونين فقط الاسود والسيلفر الفاتح
وطبعا ما نستكمش هناك ومواضيعكم الحلوة
والمشاكل اللى حصلت بسبب موضوع الحجز
قولت لواحد من المسؤلين:
بعيد عن الشغل وعن اى رسميات ايه موضوع الحجز والمشاكل اللى حاصلة دى
قالى عايز الحق ولا ابن عمه
قولتلو عايز الحق طبعا
قالى الضغط كله والشغل كله على النيو سيراتو
والموضوع بختصار شديد ان السفينة المشحونة اللى بتجى من كوريا بتقعد 3 شهور ولما بتنزل بتتخطف خطف لدرجة ان الشحنة اللى على السفينة خلصت فى اقل من شهرين اتين
وقالى طبعا عقبال الشحنة التانية ما تيجى بتكون قعد 4 شهور عقبال ما توصل
وقلتلو طبعا الكلام ده ينطبق على البيكانتو
قالى
بالعكس البيكانتو عندنا اللى يكفينا وزيادة منها هى والكيا ريو
قالتلو انا هاجى احجز منكم وعشان متحصلش مشكلة كبيرة لان انا مستعجل جدا
قالى بالكبير اوى اوى 4 ايام وتكون مرخص عربيتك ولو ذادت المدة عن كده بتاخد فلوس وفوايدها كمان وانا المسؤل عن الكلام ده
وقعد معاه شوية نتكلم عن الصيانة وكده واخبار السوق ماشى ازاى
وادانى البيرشور بتاع البيكانتو
وانا خارج البنطلون بتاعى شبط فى نمرة من النيو سيراتو من اللى كانو واقفين بره
واتقطع قطع محترم :O_stupid[1]:
بس الحمد لله كان من تحت الركبة
اخوكم يوسف
