عايز سماعة بلوتوث كويسة
ياترى تنصحونى بنوع معين ,,
المهم عندى 1- مريحة 2-تقعد كتير من غير شحن 3- الشكل
ولكم خالص شكرى,,
عرض للطباعة
عايز سماعة بلوتوث كويسة
ياترى تنصحونى بنوع معين ,,
المهم عندى 1- مريحة 2-تقعد كتير من غير شحن 3- الشكل
ولكم خالص شكرى,,
عليك وعلى سماعات ماركة jabra انا لسة جايب واحدة من حوالى 3 اسابيع ولسة مشحنتهاش لغاية دلوقتى وعندك الموديلات كتيرة
jabra هى أفضل سماعه فى العالم أوعى تجيب غيرها وفى نوع نزل بشاشه تشوف فيها بيانات الطالب يوفر وقت فى النظر للموبايل
هي الجابرا تعمل كام لو سمحتم
قبل الشراء تأكد ان السماعة ممكن تسمع منها الموسيقى من الجهاز مش المكالمات بس لان مش كل السماعات فيها كده
فيه كمان انواع كتير سونى اريكسون كويسة جدا
شوف ياباشا علشان انا دورت كتييير في الموضوع ده
المهم علي حسب استخدامك ايه
عموما ابعد عن الصيني خالص حاجات نازله من الصين وحشه اوي
عندك نوكيا انا جيت واحده من محل جنبي بس هيا موديل قديم شويه علشان تشتغل علي الموبايل بتاعي ب 130 مافيهاش اي حاجه غير تقفل و تفتح و بس
الجابرا اسعارها غاليه بس سماعه نظيفه جدا ممكن توصل ل 350-400
وفي حاجه اسمها بلان ترونيك PlanTronic دي كويسه بردوا و فيها اوبشينز كتير زي مثلا Voice Comand و Voice Call و كده يعني ودي تعملها في حدود 275 واحد صحبي جابها من شهرين تلاته
بالمناسبة يا جماعة انا عندي وحدة لنوكيا كنت شاريها من سنة و مستخدمتهاش كتير لاني جبت موبيل سوني اريكسون و مبقتش محتجها انا كنت شاريها من on the run من سنة ب 250 لو حد عايز يشتريها يقوللي لاني مش بستخدمها خالص و يشوف عايزها بكام لاني مش محدد لها سعر خالص اه حد يستفيد بيها بدل ما هي مرمية في العربية لو حد محتجها يبعتلي علي الخاص
على فكرة هيا بتفصل لما بتبقى قافل البلوتوث في الموبايل او لو خرجت من مجالها
يعني لو انت نسيتها في العربية و مشيت حتقفل بعد 10 دقائق و لما ترجع تشغلها بس و الموبايل حيلقطها على طول
كل النوكيا كده على مااعتقد
النوكيا كانت مع اخويا كانت بتكمل يوم بدون شحن
بس الزرار بايظ ومركونة وعاوز اعرف هل بتتصلح ولا لا
لانها مش من مصر يعني ملهاش ضمان هنا لوحد عارف اي حد بيصلحهم ياريت يقول