يا جماعة الموديلات دى فيها مواتير 1600 والاتوماتيك منها فيه زرار فى الفتيس بيسموه (لقطة) تقريبا
سمعت انه بيخليها تطير بعد 100
ياريت حد يوضحلى
وياريت فيديو تجميع ليها
شكرا
عرض للطباعة
يا جماعة الموديلات دى فيها مواتير 1600 والاتوماتيك منها فيه زرار فى الفتيس بيسموه (لقطة) تقريبا
سمعت انه بيخليها تطير بعد 100
ياريت حد يوضحلى
وياريت فيديو تجميع ليها
شكرا
الزرار اللي في الفتيس ده زرار الـ over drive
الزرار ده مش بيخلي العربيه تشد و لا حاجه. الزرار ده وظيفته زي النقله الرابعه في اي فتيس اوتوماتيك تاني... يعني بيخلي الموتور عدد لفاته تقل و صوته يوطى و يوفر في البنزين على السرعات العاليه نسبيا.
موضوع انه بيخلي العربيه تشد ده افتاء (و في بعض الاحوال سؤ فهم).. كل اللي بيحصل انك لما بتفصل الـ over drive فيه لمبه بتنور فالناس بتفتكر انك كده شغلته مش طفيته :Oc_sun1[1]:
و العربيه بتنزل نقله (يعني بتبقى على التالت) فعزم العربيه بيعلى و ده شيء طبيعي بس استهلاك البنزين بيزيد و صوت العربيه بيعلى و في الغالب مش هتعرف تجيب السرعه القصوى بتاعة العربيه
شكرا
طب حرف l فى الاوتوماتيك ناس بتقول انه زى الغيار الاول وبيوصل ل100 كيلو واكتر بس اللى اعرفه تقريبا انه بتاع غرز
الكلام ده صحيح
ولو تقدر تجبلى فيديو تجميع للعربيه دى تبقى تمام ياباشا
لانى شفتها كزا مره بتطير
حرف l اختصار لكلمة low و هوه فعلا الغيار الأول و بيستعمل في حالات الغرز او القطر و كمان لو نازل منحدر جامد ممكن تجيب عليه علشان تستعمل فرملة الموتور لتخفيف الحمل عن الفرامل. ويجب عدم استخدامه في الطين او على سطح زلق لأن العجل هيلف على الفاضي.
بس اشك ان النقله الاولى توصل لسرعة 100... التانيه احتمال.. لكن الأولى صعب.
بالنسبه للفيديو مع الاسف معرفش افيدك
باشا الموضوع ده مشروح فيه الفتيس الاتوماتيك وكل النقلات اللي موجوده فيه وكيفيه استخدامها ممكن يفيد حضرتك
http://www.nilemotors.net/Nile/54459-a.html
متشكرين اوى يارجاله
زر ال OD أو ال Sport فى الغيارات الاوتوماتيك بيثبت الغيار على الثالث لحد ما تحرق عليه كويس وبعدين تطفيه وتنقل للرابع
احمد باشا كل سنه وانت طيب
معلش بس حضرتك بالنسبه للاوفر درايف هو العادي اصلا انه شغال عادي زيه زي اي فيس اتوماتيك عادي بيبقه 4 نقلات وده الطبيعي خالص بمجرد ما حضرتك بتدوس عليه في لمبه في التابلوه بتنور off ودي معناه انك لغيت النقله الرابعه والعربيه بتفضل ماشيه علي النقله التالته فقط وده بيدي عزم وتجميع سرعه شديد جداااا انابالسيريون بجيب بيه لحد 170 كم وبطفيه وهو احسن من الكيك داون في حاله انك بتشد مع عربيه او عايز تجمع سرعه لان الكيك داو له مجال او حد معين وبياخود نقلته لكن الاوفر داريف ما بينقلش وده بيخلي العربيه استجابتها اسرع من العادي
وفي حاله فعلا لما بكون با خود غرزه او بشد مع عربيه علي سرعه اعلي من 80 بستخدم الاوفر درايف off وفعلا بتجمع والاrpm بيعلي جامد والعربيه بتبقي مستجيبه معاك لاقل دوسه بنزين
يعني مش افتءات ولا حاجه ان الاوفر درايف بيخلي العربيه تشد احسن من العادي وعلي فكره الكلام ده مكتوب في الكالوج برده والزرار ده في الكتالوج اسمه مفتاح السحب الزائد :Ob_mak1[1]:
ياريت تتقبل من الكلام وان بستفيد جداا من حضرتك ومن مشاركاتك
ده حضرتك من بورسعيد وان بعشق البلد دي وعلي فكره انا كنت عندكم يوم الوقفه :biggrin2:
شريف:B4_611:
طيب مفيش حاجه من اللي قلتها فوق بتختلف مع كلامي:
- الاوفر درايف الطبيعي انه شغال.. و ده كلام صح
- زرار الاوفر درايف لما تدوس عليه اللمبه تنور over drive off و ده معناه انك لغيت الاوفر درايف... يعني لغيت النقله الرابعه... يعني ماشي نقله اولى و تانيه و تالته بس و كده طبيعي ان السحب يبقى اقوى لأان كده الار بي ام هيكون عالي بس مش هتعرف تجيب السرعه القصوى لان لفات الموتور هتوصل للـ red zone قبل ما توصل للسرعه القصوى.
- فيه عربيات الفتيس 4 سرعات من غير زرار اوفر درايف لو عايز تشد جامد على التالت من غير ما الرابع يجي هتعمل ايه؟ هتحرك عصايه الفتيس على النقله التالته صح؟العربيات اللي الفتيس فيه 3 نقلات و اوفر درايف (يعني النقله 3 و 4 ملكش تحكم فيهم غير بالزرار ده) هتضطر تدوس على الزرار ده علشان تفصل النقله الرابعه صح؟ يعني كده اللي بيزود السحب مش الزرار و لكن الغاء النقله الرابعه فهمت قصدي.
- فيه ناس بتتلخبط بين الاوفر درايف و السبورت. الاوفر درايف مش هتلاقيه غير في فتيس عصايته مفيهاش غير 3 نقلات.. السبورت هتلاقيه في فتيس عصايته فيها 4 نقلات و دور السبورت انه يزود سحب العربيه عن طريق ان انه ميخليش الفتيش يطلع للنقله الاعلى غير لما توصل للرد زون (يعني كأنك دايس كيك داون على طول)
- اخيرا كلمه "السحب الزائد" دي ترجمه حرفيه لكلمه "over drive" و للاسف معناها مش صحيح. over drive دي عكس under drive
over drive يعني سرعه العجل اعلى من سرعه الموتور (عزم قليل)
under drive يعني سرعة العجل اقل من سرعه الموتور (عزم كتيييير)
ارجو تكون فهمت قصدي و انا دايما اتقبل الرأي الآخر.. بس احنا هنا بنتكلم هنا عن حقائق فالمفروض مفيهاش آراء و انا قصدي ازاله الالتباس.
تشرفت بالحوار معك