الحيرة زادت أكتر و أكتر
هل موتور الفيات قوى يستحمل و أخبار قطع الغيار أيه
عرض للطباعة
ال 120 الف ميجيبوش اوكتافيا ولا مازدا ولا سيفيك ولا ميجان ولا لانسر 1500
والفيات لينيا مفيش منها اوتوماتيك
ممكن هوندا سيتى - نيسان تيدا - سوزوكى sx4 - لانسر 1600 - كيا سيراتو
أرشحلك السيراتو
ال 120000 يجيبوا يا باشا ميجان Authentic أول فئة اوتوماتيك، انا لسه سائل عليها من كام ساعة
الوكيل عنده منها 2010 بس مفيش الوان غير الفضي والرمادي وبيقول انه فاضل عنده عربيتين بس، اما الموزعين عندهم 2009 وانا كنت سالت عند مهندس كار وقالي انه عنده كل الألوان وبنفس السعر وعنده كمان الفئة الأعلى Dynamic ب 125000
وبصيت برده على السيات كوردوبا لاني عايز اشتري عربية في رينج ال 120000 زي حضرتك
وهي عربية لطيفة وفيها اوبشن كويس وشنطتها كبيرة بس الكنبة الخلفية ضيقة شوية وليها مركز خدمة واحد على كلام المعرض في ارض اللواء.
باشا ممكن تفكر في الكروز أوتوماتيك أو هوندا سيتي (معرفش حوار البنزين ده!) ..
ولو أنا مكانك اختار الكروز .
على العموم متنساش الاستخارة .
انت شكلك كدة عايز حاجة الماني او ياباني
بالنسبة للكرطبة انا سمعت انها عربية حلوة
بس مش منتشرة اوي اعادة سعر البيع مش اد كدة
ومعرفش توكلها نظامة اية بس ممكن تخش علي السيت في المنتدي ونتا هتلاقي عليها كلام كفاية
ونا اعرف ان سعر الخليجي منها في حدود 88 الف بس مش الاوتماتك ممكن يزيد حوالي 7 الاف ولاحاجة
علي فكرة لية مفكرتش في التيوتا ولا النيسان تيدا عربيات محترمة جدا
خصوصا التيدا محدش اشتكي منها والتيوتا معروفة بس ابعد بعيد عن التبترونك كلهم بيقولو زفت
يا باشا دي هوندااااااااااااااااااا
يعني ناس مبتهرجش
متخافش طبعا
كمان انت بس اركبها و اراهنك لو عرفت تنزل من جمالها
انا رايي ان عيبها الوحيد قله الكماليات شويه زي الفوج و مفتاح الريموت
بس فيها كماليات جامده جدا بردو زي كمبيوتر الرحلات و الشنطه الخرافيه
بالنسبه للبوما 1600
سعرها من علي كونتاكت كارز فول اوبشن اوتوماتيك 111000
فول اوبشن اوتوماتيك سبورت 123000 فتحه سقف كمان متهيالي
ربنا يوفقك
لو فكرت في الفيات اعتقد متجيبش غير اللي فيهاتربو
ارشحللك رينو ميجان الفئه التانيه اوتوماتيك اللى ب 125 -كل الكماليات والرفاهيه والامان اللى انت عاوزه-
او كيا سيراتو sx
سكودا رومستر اوتوماتيك
يبقى كده الامور وضحت معاى شويه أما هوندا سيتى أوميجان
:36_1_50[1]: