إستفسار بخصوص الزجاج الأمامي

**as01241** · 26-09-2009 01:19 PM

السلام عليكم :
الحمدلله الذي لا يحمد على مكروه سواه , أنا أخدت البركة وحصل شرخ عندي في الزجاج الأمامي من ناحية السائق , الحمدلله شرخ بسيط واخد شكل حرف إل مقلوب , يجي حوالي 20 سم أو أقل
الغريبة إني إكتشفته بالصدفة بعد مشوار على الدائري وغالبا تريلا ظرفتني طوبة وأنا ماشي , ياللا الحمدلله بس كنت عاوز أعرف من أهل الخبرة البروتوناوية هل الإزاز ده كده تبع الضمان ولا الـتأمين
وهل هيغيروه في التوكيل ولا أكبر دماغي وأروح أعمله عند د خالد اللي بيقولوا عليه العربية 2009 ولسة مستلمها من حوالي شهرين .... وهل أعملها على طول ولا الشرخ ممكن يزيد لو أستنيت شويه

تحياتي ليكم جميعا,

**meramor81** · 26-09-2009 01:40 PM

السلام عليكم
احنا كمان زجاج العربيه الامامى فيه شرخ حوالى 10 سم بس بيزيد
مع انه صغير جدااا وعلجناه عند واحد بس منفعش قال لازم نغيره
بس هو خارج الضمان طبعاا وهيتكلف حوالى 1300 جنيه
ممكن حضرتتك تعمله تبع التامين

**elmadawy** · 26-09-2009 01:45 PM

علي فكرة في محلات متخصصة في علاج هذة الشروج اذا كان ممكن يتغالج حيقولك والتكلفة بسيطة لا تتجاوز مائة جنية والشرخ ده مش حتشفوفة تاني بدل ما تتكلف تغيزه

**meramor81** · 26-09-2009 01:58 PM

طيب ممكن تقولى فين الاماكن دى ؟؟ ولو فيه رقم تليفون يكون افضل
لاننا هنأمن فاعوزين ندارى الشرخ على الاقل لغايه ماتخلص اجراءات التامين وبعدين نغيروا

**as01241** · 26-09-2009 02:06 PM

المشاركة الأصلية كتبت بواسطة meramor81

السلام عليكم
احنا كمان زجاج العربيه الامامى فيه شرخ حوالى 10 سم بس بيزيد
مع انه صغير جدااا وعلجناه عند واحد بس منفعش قال لازم نغيره
بس هو خارج الضمان طبعاا وهيتكلف حوالى 1300 جنيه
ممكن حضرتتك تعمله تبع التامين

وعليكم السلام ورحمة الله وبركاته
هو أنا مأمن تبع التأمين التكافلي اللي تبع التوكيل وحسب ما قريت عن شروطها إنها محددة نسبة 5% للزجاج الأمامي من مبلغ التأمين ولما حسبتها لقيت إنه حوالي 140 جنيه أو أقل طبعا من 1300 يبقى صعب بس أنا كده كده هشوف الموضوع ده في التوكيل لما أروح أعمل صيانة ال5000

**as01241** · 26-09-2009 02:08 PM

المشاركة الأصلية كتبت بواسطة meramor81

طيب ممكن تقولى فين الاماكن دى ؟؟ ولو فيه رقم تليفون يكون افضل
لاننا هنأمن فاعوزين ندارى الشرخ على الاقل لغايه ماتخلص اجراءات التامين وبعدين نغيروا

أشهر واحد قريت عنه هو د/ خالد وليه فروع كتير أنا بردو هروح له أسأل هل ينفع تتعمل وأكمل بيه ولا لأ وعناوينه هنا:
دكتور خالد الاسم
إصلاح كسور زجاج السيارات
يتم الإصلاح:
* بواسطة خبراء متخصصين
* في وقت قياسي
* دون خلع الزجاج من مكانه
* بالضمان الدائم
* عدم تشويه منظر الزجاج نشاط الشركة
مراكز الخدمة:
84 شارع الميرغني- كلية البنات, ت:
24147755 مصر الجديدة
71 شارع حسن الشريف امتداد حسن مأمون الحي الثامن, ت: 26705098 مدينة نصر
71 شارع جامعة الدول العربية - بجوار فرغلي, ت:
33386303 المهندسين
389 شارع فاطمة رشدي- أمام الخزان شارع الهرم, ت: 25824861 الهرم
8010 مساكن النصر- أمام مسجد مستورة المقطم
عمارة أ عمارات السعودية- بجوار التأمين الصحي, ت: 24558792 السواح
شارع جيل 2000 ثامن مبنى بعد مدرسة جيل 2000- أمام مسجد الحصري 6 أكتوبر
10 شارع عثمان بن عفان- خلف عمارة البرج ميدان الجزائر المعادي
100 شارع مجلس الأمة, ت: 23951149 عابدين
2 عمارة شارع جسر السويس- أمام فندق السلام بجوار محطة موبيل جسر السويس
خدمة العملاء: 0106316063

**rony** · 26-09-2009 04:34 PM

احسن حاجه فعلا د.خالد وعن تجربة اللحام عنده كويس جدا
ونصيحة بلاش تغير الزجاج مدام الشرخ بسيط و مش عامل مشاكل في الرؤية
مش اي توكيل بيفك الزجاج ويركب واحد جديد ويكون ذي الفابريقه
وده برده عن تجربة مع دايو

**hesham_soaida** · 26-09-2009 05:31 PM

بالنسبة لعلاج الشروخ عند ال د. خالد: بيتم ادخال مادة معينة داخل الشرخ, ثم يمر اشعة فوق بنفسجية علي الشرخ. الشرخ بعد ذلك تقريبا لا يظهر من خارج السيارة, ولكنه يظهر كخط رفيع جدا من داخل السيارة. والمفترض ان تتحسن النتيجة مع تعرض العربية للشمس (اشعة فوق بنفسجية ).
ملحوظة اخيرة: د. خالد يعطي ضمان مدى الحياة وبيرسملك شكل الشرخ على الضمان

**Ayman_52** · 26-09-2009 06:18 PM

قدر الله وماشاء فعل ... معلش ربنا يعوض عليك ويحفظهالك يارب ويكفيك شر الطريق

وابقى طمنا عملت ايه ... والنتايج كانت ازاى ؟؟؟

تحيـــــــــــــاتـــــــ ــى

**mimo3000** · 26-09-2009 06:33 PM

قدر الله وماشاء فعل
الحمد لله ياباشا انها جت على قد كده
بس انا رايي روح حاول تعالجه ومتكسلش عشان الشرخ ده كل مهتسكت عليه كل مهيكبر فروح فالاول كده حاول تعالج الموضوع ولو لقدر الله منفعش ابقى شوف التامين بقى وقتها واتكلم معاهم وشوف ايه اخرهم

ربنا يسهلها وتتعالج بسرعه يارب والمشكله تتحل على طول