مهازل تنظيم كأس العالم للشباب ... حسبى الله ونعم الوكيل

**mido777** · 26-09-2009 03:40 PM

المشاركة الأصلية كتبت بواسطة itsonlyme

يعني استاد جديد وبيسمح بدخول 800 شخص في الدقيقة وأماكن انتظار سيارات وفي الآخر يبقى في تدافع وركنة بعيد وماتدخلش كمان؟

الباركنج بتاع الاستاد كان فاضى تماما....وكله تحت بند تأمين الريس

المشاركة الأصلية كتبت بواسطة cairo2005

عندك حق يا ميدو لو مكانك هقول زيك
بس لانى حاسس بيك بقولك انك بردو بتحبها
احنا طين الشعب
احنا ملح الارض
احنا اللى بنحبها من غير ما نغني لها ونقولها مشربتش من نيلها وبعد كدة الست تولد في امريكا علشان ابنها ياخد جنسية او الافندي يتهرب من التجنيد ويطلع بطل شعبي
احنا مصر
مصر المخنوقة والمحاصرة بالفساد والتفاهة من كل صوب وحدب
احنا مصر
مصر اللى عايشة رغم اللى اتعمل فيها لو اتعمل في اي بلد كان انهد
احنا مصر
وعشان كدة واثق ان على اد ما كلمة كرهت البلد دي خرجت منك بحرقة على اد ما انا واثق انك بتحبها بحرقة

والله انت اللى عند حق...
انا عارف ان كل ده نرفزة وقتيه وبعد كده ح احبها اكتر من الأول بالرغم من اللى بنشوفه ولسه حنشوفه

**Ahmed Samy** · 26-09-2009 03:43 PM

أرسل أصلا بواسطة mido777

وتركن العربية بعييييييييييييد عن الأستاد وتمشى حوالى 3 كم وقلة أدب وجليطة من الظباط ويقولك ملناش دعوة روح اعمل محضر فى القسم ضد اللجنة المنظمة ...............

كان في افتاح اسبوع شباب الجامعات اللي فات في المنصورة

و كان معايا "دعوات vip" و كارنيه تنظيم لأني دكتور في الجامعة و في الدعم الطبي كمان

و داخل الجامعة و قت الافتتاح

سمعت نفس الكلمة "والله العظيم نفس الكلام" من لواء شرطة

**dr-mohamed** · 26-09-2009 05:25 PM

المشاركة الأصلية كتبت بواسطة ahmed samy

كان في افتاح اسبوع شباب الجامعات اللي فات في المنصورة

و كان معايا "دعوات vip" و كارنيه تنظيم لأني دكتور في الجامعة و في الدعم الطبي كمان

و داخل الجامعة و قت الافتتاح

سمعت نفس الكلمة "والله العظيم نفس الكلام" من لواء شرطة

والله لو انا مكانك يا دكتوراحمد كنت هزأته ومسحت بيه الارض
يعني ايه في جامعتك ومعاك دعوات شخصيات هامة وفي الدعم الطبي ويقولك لا
هو اللى مكانه برة مش انت
معلش اعذرني حضرتك غلطان
لو بنوقفهم عند حدودهم مكانوش يتجاوزوا سلطاتهم
هو وجوده علشان ينفذ تعليمات منك انت واللى زيك مش هو اللى يديكم تعليمات ويمنعك كمان
على فكرة كلهم بيبقوا منفوخين لكن لو شطته بيعرف حدوده وبيلتزم بيها وليا تجارب معاهم قبل كدة
مرة واحد افندي منهم دخل المدرج بيوصي على طالبة بيقول انها قريبته طردته فورا من اللجنة بعد ما اتهزا راح يشتكيني للوكيل الوكيل اداهم له في جنابه وكمل عليه
صحيح لوى بوزه بس عرف حدوده كويس

**dr-mohamed** · 26-09-2009 05:27 PM

المشاركة الأصلية كتبت بواسطة أحمد كمال

على فكرة هي في الاخر ما ولدتش في امريكا

مش بمزاجها
ده من كتر حقد البشر اللى زينا عليها

**Islam_galal** · 26-09-2009 05:40 PM

يا جماعه مفيش حد عاقل يتواجد في أي مكان صحرا ان كان او بستان في وجود الريس
المهازل بتبقي أشنع من كده

موضوع الضرب بالحزام عادي جدا في المباريات الزحمة شوية
أما في وجود الريس مفيش ضرب ممكن اعتقال علي طول

في ناس اتحبست جوه الاستاد من الساعة 3 (الوقت الذي تم فيه غلق الاستاد) و حتي تقريبا 6 ، و لا عرفوا يدخلوا و لا عرفوا يروحوا عشان تأمين الريس

في ناس راحت من الساعة 9 الصبح

بصراحة أصحاب العقول في راحة و هما دول اللي ضمنوا مكان في الاستاد

تعليمات أمنية علي أثرها تم ملئ مدرجات في أماكن معينة بحرس جمهوري في ثياب مدنية علي حساب أصحاب التذاكر اللي قاعدين في الشارع

مفيش مفاجأة ، كل مكان فيه الريس بيحصل أفظع من كده

**Ahmed Samy** · 26-09-2009 07:44 PM

المشاركة الأصلية كتبت بواسطة cairo2005

والله لو انا مكانك يا دكتوراحمد كنت هزأته ومسحت بيه الارض
يعني ايه في جامعتك ومعاك دعوات شخصيات هامة وفي الدعم الطبي ويقولك لا
هو اللى مكانه برة مش انت
معلش اعذرني حضرتك غلطان
لو بنوقفهم عند حدودهم مكانوش يتجاوزوا سلطاتهم
هو وجوده علشان ينفذ تعليمات منك انت واللى زيك مش هو اللى يديكم تعليمات ويمنعك كمان
على فكرة كلهم بيبقوا منفوخين لكن لو شطته بيعرف حدوده وبيلتزم بيها وليا تجارب معاهم قبل كدة
مرة واحد افندي منهم دخل المدرج بيوصي على طالبة بيقول انها قريبته طردته فورا من اللجنة بعد ما اتهزا راح يشتكيني للوكيل الوكيل اداهم له في جنابه وكمل عليه
صحيح لوى بوزه بس عرف حدوده كويس

أهزق مين

أنا لو طولت عن اللي قولته (وهو مش سامعني أساسا" كنت هاهين نفسي
في وجود كم من البلهاء الجهلة اللي ماسكين ايديهم في ايدين بعض و بيقولوا ممنوع ...ممنوع

طيب انت عبيط ...ممنوع

وقت الكلام ده كان في كمية عسكر غريبة و كان في تلاحم بالأيدي مع الناس بدون تفرقة بين اللي ليه حق و اللي مالوش

و الباشا اللواء واقف ولا في منطقة متنازع عليها دوليا و ممكن يعمل أي حاجة وده واضح من لهجته

انا اتعلمت "بمنتهى الأسف" ان في البلد دي ما تطولش مع رتبة في موقع الحدث لأنه ممكن يعمل أي حاجة مما لا يصلحها عقابه حتى

و الحقيقة استسلمت بهدووووووء و دمي محروق طبعا

لأني عارف اني في بلد لابسة كاكي

و انا بالبس أبيض

ربنا يخرجنا منها على خير

المشاركة الأصلية كتبت بواسطة terrible_darsh

مرة كان صاحبي بيجيب تذاكر مباراة الاهلى و المصرى و انا مستنيه على الناحية التانية , بعد لما اشترى التذاكر و جى يعدى راح عسكرى بعصاية راكب على حصان ضربه على دماغه و اتعور .

حد يقدر يقولى ذنبه ايه الغلبان ده ؟؟؟

اللى بيحب البلد دى بيضحك على نفسه و بيفهم نفسه ان كده الصح , اى بلد بيطغى عليها الفساد من كل ناحية لا تستحق الولاء و لا الانتماء .

ولو اننا هانسمع كلام وحش احنا الاتنين

بس كلامك صحيح

أما عن ذنب صاحب حضرتك

انه تقريبا عنده دماغ ...و ده ما أثار غيرة العسكري

**MTAK** · 26-09-2009 08:27 PM

الصفصاف يلين مع الريح و لا ينكسر
و لكن لما بتضرب بيه بيلسووووووووووووووووووووو وع
---
المقدمه دى علشان ماحدش يقولى لما اؤيد ما فعله دكتور احمد ان كده تخاذل عن الحق و ......
بس للأسف
........................
"و ليسعك دارك"

-

-

الموضوع: مهازل تنظيم كأس العالم للشباب ... حسبى الله ونعم الوكيل

LinkBack

أدوات الموضوع

عرض

-

-

-

-

-

-

المواضيع المتشابهه

حسبى الله ونعم الوكيل

حسبى الله ونعم الوكيل

حسبى الله ونعم الوكيل

حسبى الله ونعم الوكيل

الكلمات الدلالية لهذا الموضوع

المفضلات

المفضلات

ضوابط المشاركة