مهازل تنظيم كأس العالم للشباب ... حسبى الله ونعم الوكيل
حسبى الله ونعم الوكيل
تنظيم فاشل فاشل فاشل
وحاجة تحرق الدم ,,,,,,,,,,,,
يعنى ايه ابقى شارى تذاكر درجة اولى ب 50 جنيه وكمان جايبها سوق سوده وموجود فى الأستاد من الساعة 3.30 ومعايا اسرتى واطفالى واصدقائى .... وبعد كل ده منعرفش ندخل
وتركن العربية بعييييييييييييد عن الأستاد وتمشى حوالى 3 كم وقلة أدب وجليطة من الظباط ويقولك ملناش دعوة روح اعمل محضر فى القسم ضد اللجنة المنظمة ...............
انا متغاظ جدا ومش عارف اعمل ايه ....
بفكر ابعت ايميل للفيفا يمكن يجلى رد او اعتذار يشفى غليلى .....
مكنتش عارف ارد على بنتى اللى عندها 4 سنوات لما بتقولى " هما ليه يا بابى مش عايزناندخل نشجع مصر "
وقال ايه كنت عاملها مفاجأه علشان عيد ميلادها انهارده وح افسحها فى مكان جديد عليها ورسملها علم مصر على وشها .........
بجد انا اول مره اقول الكلمة دية (انا كرهت البلد دية )
شكرا جدا منك يامصر