هل هناك فرق بين اللوجان الرومانى و المغربى فى المواصفات او الخامات بتاعت التقفيل لو تكرمتم انا باتكلم عن السيدان طبعا
عرض للطباعة
هل هناك فرق بين اللوجان الرومانى و المغربى فى المواصفات او الخامات بتاعت التقفيل لو تكرمتم انا باتكلم عن السيدان طبعا
متابع باهتمام
اعتقد ان المتاحه حاليا هى المغربى.....وكمان شكلها احسن....
ولا تقلق من حيث جوده التقفيل لان الاتنين يحملوا نفس الشعار
(رينو)
أنا ما إتفرجتش على الإتنين كويس ، لكن بأفرق بينهم من الشكل الخارجي
المغربي لون الإكسدام بالكامل بلون العربية
الفروق الملحوظه حتى الان فى الشكل فقط
الاكصدامات بلون العربيه و النواكل على الشنطه والشبكه الاماميه وشكل الفوانيس الاماميه والخلفيه ولون الفرش واخيرا التابلوه لونين فى المغربى
يعنى ايهما افضل؟؟؟؟؟؟؟؟؟؟؟
على حد معلوماتي الشكل الجديد نزل منه دفعه صغيرة تصنيع روماني
و ممكن تعرفها من شكل الطاسات...مختلفة شوية عن المغربي...
السؤال ده خلاص ...مش وقته خالص :)اقتباس:
يعنى ايهما افضل؟؟؟؟؟؟؟؟؟؟؟
بغض النظر عن كونها موجودة ام لا هل كانت افضل
يعنى لو الاتنين متاحين
اعتقد يما ان الموديلين بنفس المواصفات يبئى تختارى اللى شكله احسن ( المغربى )
بالظبط ده كان قصدي...ان الروماني معادتش موجودة في السوق عشان كده مقارنتهم ببعض في الوقت الحالي مش هاتفيد بحاجة...
عموماً...لو هنقارن بين العربيتين يبقى أعتقد الإجابة هاتكون صعبة جداً...لأن محدش من ملاك الروماني ركب أو إمتلك المغربي و العكس صحيح إلا فيما ندر...
لكن من وجهة نظري الشخصية هاقولك الفرق هايبقى عامل زي إيه....الميجان الهاتشباك و السيدان...هل يوجد فارق من أي وجه سوى شكل الشنطة؟؟
لا أعتقد و ملاك السيارتين يؤكدوا ذلك...و في إعتقادي اللوجان المغربي من الروماني...لن يكون بينهم فروق تذكر
أفتكر زمان كان فى موضوع قريب من دة ....
وكان الاخ اللى معاه اللوجان الرومانى .... قال (( انه نزل شاف لوجان المغربى ..اول لما نزلت ... وانه شافها حته حته علشام يميز الاختلاف بينها و ما بين عربيه ...ووصل للاتى ...
1- مفيش فرق خالص بينهما حتى من تقفيل العربية من تحت عند العفشة...
2-الفرق الوحيد ... الشكل .... والبطاربه.... المغربى نوع مختلف عن بطاريه الرومانى ...)) .
أما موضوع ان الصاج الخارجى للرومانى أقوي ....زي ما قال بعض اخونا ...فلا اعلم له حقيقة علمية ... و ياريت لو حد عندة معلومة حقيقية فى النقطة دة يقولها ......او حتى اذا كانت من خبرة حصلت امامه
وشكرا لكم
يعنى مفيش فرق غير مجرد انها تقفيل رومانى
والحمدلله ريحونا من الحيرة ومبقتش موجودة
طيب ديه حاجة تفرح