سؤال مهم بخصوص ترخيص ميكروباص
السلام عليكم ورحمة الله وبركاته ...
الأخوه الأعضاء الكرام ... كل سنه وأنتم طيبين
عندي مشكله وكنت محتاج مساعدتكم .. بفكر أني أشتري ميكروباص جديد زيرو وأشغله على خط مصر إسكندريه الصحراوي بس مش عارف هل لو العربيه جديده زيرو ينفع تترخص ولا لازم أشتريلها نمر ؟
طب ولو هتترخص تتكلف كام؟ ولوهشتري نمر ممكن تكون بكام؟
وأيه رأيكم عموما في مشروع زي ده بالذات أني عندي سواق كويس ومحترم أقدر أثق فيه ؟
وهل ممكن أني أامن على العربيه ولا التأمين ماينفعش عشان هيا ميكروباص أو ممكن مثلا يكون قسط التأمين أكبر من المعتاد اللي هوه 3,5 % تقريبا من قيمة السياره ؟
ياريت لو حد عنده أي معلومه ياجماعه ممكن تفيدني أو ليه أخ ضابط مثلا أو حد من قرايبه في المرور يقدر يجيبلي خبر هيبقى أفادني وأفاد ناس تانيه كتير ... وجزاكم الله خيرا ... وشكرا .