أنا هروش ال 128 و محتاج مساعدة

**eng / AhmeD** · 06-11-2007 09:19 PM

السلام عليكم
يا جماعة انا عندي 128 و 1100 سي سي و حالتها رائعة
بس انا عايز انفخها شوية أو يعني أروشها شوية بس من جوة :lol:
أصلي مش بحب التسقيط و التيربو و الجنوط الكبيرة اوي دي و الحوارات دي انا أصلي كلاسيك شوية
انا ناوي اركب ازاز كهربا و أسمع ان زرايره بتبقي تحت الكاسيت كده مش في الباب و عايز أركبلها ريموت و سنتر و وافيم الازاز و أركبلها سماعات صاب ووفر محترمة
يا تري ده يتكلف كام؟؟
و أحسن مكان أعمل الحاجات دي فيه فين؟؟
و اللي عنده أي مقترحات أغير بيها شكل العربية من جوا او أخليها أكثر راحة في القاعدة و السواقة يقولي
و شكرا..

**sab3aawy** · 07-11-2007 04:17 PM

كل اللى انت قلته كويس ما عدا موضوع الصاب لانه بياخد مكان كبير فى العربية بدون داعى

ركب بلايار كويس وطقم سماعات قيم وخلاص، وممكن تعمل للعربية كراسى طيارة جلد اسود او ملونة ، وطارة سبور شيك ، وتغير لمبات اضاءة التابلو بلمبات زرقاء، وممكن تعمل خلفية ابيض فوسفورى لعدادات التابلوه، كل الحاجات دى بتعمل منظر حلو

ولو عايز تعمل شغل عالى فى الصالون ممكن تختار لونين حلوين تشتريهم جلد صناعى، احمر واسود مثلا او اى لونين يعجبوك، وتعمل تنجية للكراسى من اللونين دول وتكسى فرش الأبواب الداخلى بنفس الألوان، وكذلك راس عصاية الفتيس والرف الخلفى، كل ده هيخلى شكل الصالون تحفة، وياسلام لو تلاقى طارة سبور نفس الألوان تبقى جميلة جدا

**eng / AhmeD** · 07-11-2007 04:28 PM

ركب بلايار كويس وطقم سماعات قيم وخلاص، وممكن تعمل للعربية كراسى طيارة جلد اسود او ملونة ، وطارة سبور شيك ، وتغير لمبات اضاءة التابلو بلمبات زرقاء، وممكن تعمل خلفية ابيض فوسفورى لعدادات التابلوه، كل الحاجات دى بتعمل منظر حلو

ولو عايز تعمل شغل عالى فى الصالون ممكن تختار لونين حلوين تشتريهم جلد صناعى، احمر واسود مثلا او اى لونين يعجبوك، وتعمل تنجية للكراسى من اللونين دول وتكسى فرش الأبواب الداخلى بنفس الألوان، وكذلك راس عصاية الفتيس والرف الخلفى، كل ده هيخلى شكل الصالون تحفة، وياسلام لو تلاقى طارة سبور نفس الألوان تبقى جميلة جدا

الله علي ذوقك يا معلم
انت كنت مصمم عربيات قبل كده؟ :D
بس أظن يا سبعاوي باشا مع اللي انت قولته ده و الازاز و الريموت كده اتخرب بيتي في المصاريف رسمي
يعني كده هدفع مبلغ جامد علي ما أظن
و أنا بردو مش هدفع أكتر من 2000 بكتيييييير

مش بخل ولا حاجة بس اكمني داخل علي شراء الافيو :P ;)

**eng / AhmeD** · 08-11-2007 03:47 PM

ايه يا جماعة محدش عنده فكرة عن الموضوع ولا ايه؟؟

**Nader** · 08-11-2007 03:55 PM

السنتر والانذار اللي بريموت مفتاح على بعض يعملوا 300 جنية من التوفيقية.

التفيم يدخلة في 60 جنية تقريباً خامات + تركيب ... التوفيقية او دمشق.

طارة صغيرة اسبور من التوفيقية من 40 لـ 100 جنية

طقم جنوط سبور مقاس 13 استعمال خفيف من الحرفين 700 جنية او جديد احسن بـ 850 جنية.

فرش جلد صناعي مبطن بالتركيب 360 جنية ... في ارخص كمان

طقم دواسات اسبور للبنزين والفرامل والدبرياج 20 جنية

لمبات ابيض تلجي للعدادات بالتابلوة 5 جنية

طقم سماعات + كاست CD متوسطين يعملوا 800 جنية.

كفاية كدة :D

**Nader** · 08-11-2007 04:33 PM

طيب استنى ما دمت عاوز تصرف باقي الفلوس اقول لك على شوية حاجات كمان.

تجيب لمبتين زرق للفاننوس بيتباعوا في علبة مكتوب عليها زينون من 27 جنية لـ 50 جنية حسب القوة بتاعت الشمعة او الوات.

طقم فوجات من اللي بيتركب تحت الاكصدام لمبة واحدة بـ 70 جنية او 2 لمبة بس مش فاكر بكام + سلك وكتاوت ومفتاح تكة او 2 حسب الفوجات بالتركسب يبقى 35 جنية كمان

وتجيب كمان لمبات زرقا تحطها في الفانوس بتاع الاشارة اللي في الاكصدام بـ 5جنية اللمبتين

وتجيب ستارة خلفية للازاز بـ30 جنية

الاستيكرات بتتباع في التوفيقية ودمشق ومحلات الاكسسوار عموماً بس متبالغش فيهم

واشتري طقم طاسات نضيف ما دمت مش عاوز جنوط في حدود 40 جنية ... في بـ20 بس مش حلو

لمبة استوب للازاو الخلفي بـ50 جنية

سبويلر كاوتش خلفي 70 جنية تقريباً ... بس مش متاكد من السعر اوي

اللمض اللي بتنور وتطفي دي هتخلي العربية عاملة زي التاكسي بلاش منها احسن.

وعموماً كل الاسعار دي تقريبية لان الاسعار بتتغير كل يوم يعني +/- 15%

**eng / AhmeD** · 08-11-2007 05:00 PM

انا معاك انها هتخلي العربية عاملة زي الميكروباص مش التاكسي كمان
و السبويلر ده عندي
و الباقي لا
بس قشطة هنزل أجيبهم ما عدا الستارة علشان مش شبابي خالص
بس تركيب الحاجات دي هياخد وقت؟
يعني ينفع في يوم ولا اتنين؟
أنا أصلي مش من سكان القاهرة و بيني و بينها حوالي 100 كيلو

أنت هتحتفظ بيها بعد ماتجيب الأفيو؟

أكيد يا باشا
حد يركب زوبه ( 128) و يفرط فيها بعد العشرة دي :D
انا حتي ابقي ناكر للجميل :P
و انا اصلا مولود فيها (بجد)
و أبويا هيموتني لو فكرت أبيعها
لانه بيعتبرها من أفراد الأسرة
شوفت بقي الحب الحقيقي :-)

**Nader** · 08-11-2007 05:04 PM

الفرش لوحدة عاوز نص يوم على الاقل، الباقي ممكن في يومين تشتري وتركب

-

-

الموضوع: أنا هروش ال 128 و محتاج مساعدة

LinkBack

أدوات الموضوع

عرض

-

-

-

-

-

المواضيع المتشابهه

محتاج مساعدة

محتاج مساعدة في تظبيط جسمي ؟! (لو في دكتور تغذية , محتاج حضرتك :)

محتاج مساعدة من شباب بورسعيد - محتاج صنايعى فاهم ميكونش غالى

محتاج مساعدة - محتاج دليل الصيانة لسيارة أكسنت 1500 - موديل 2000

أنا هروش ال 128 و محتاج مساعدة

الكلمات الدلالية لهذا الموضوع

المفضلات

المفضلات

ضوابط المشاركة