الموضوع: وداعا صنى

أوكتافيا
جمال ووقار

أرشح أوكتافيا
سيفيك
كورولا
لانسر شارك

و إن كنت حضرتك تشوف الفورد فوكس ...

الف مبروك

المشاركة الأصلية كتبت بواسطة momohsen

اعتقد لو حضرتك بتفكر كعهدك فى عربيه عمليه هيكون اختيارك بين الكورولا و اوكتافيا a4 لان معروف ان السيفيك قطع غيارة غاليه جدا و العربيه واطيه اوى على الارض و بالنسبه للاوكتافيا a5 هى عربيه حكايه بس قطع غيلرها غاليه و توكيلها مش قوى اوى و اعتقد ان حضرتك هتدى اعلى تقييم على عملية العربيه.

المشاركة الأصلية كتبت بواسطة hani945

أنا أرشحلك التويوتا كورولا لعدة أسباب :
1- التوكيل بتاعها الناس بتشكر فيه ، وتوكيل اسكودا فيه ناس بتشتكى منه .
2- اعتمادية .
3- سيارة معمرة .
4- أعلى فئة فى التويوتا كورولا أقل من أعلى فئة فى الأوكتافيا بمبلغ لا يقل عن 40 ألف جنيه ، مبلغ كبير برده .
5- الأمان فى التويوتا كورولا أعلى من الأوكتافيا لأن الكورولا حاصلة على 5 نجوم فى اختبارات الأمان والأوكتافيا 4 نجوم.
6- بالنسبة للأمان تانى مرة التويوتا كورولا فيها 9 إيرباج لكن الأوكتافيا فيها 2 بس والفئات العالية 4 إيرباج .
7- أحد الأعضاء فى منتدى اسكودا عرف إن فى صيانة 150 ألف كيلو هيعمل صيانة للفتيس بحوالى 14 ألف جنيه، مش عارف التويوتا أخبارها إيه فى صيانة 150 ألف كيلو .
8- التويوتا كورولا الفتيس بتاعها الــــmmt فيه ناس أصبحت تشكر فيه بعد التعود عليه وخصوصا إن فيه ثلاثة أنظمة ( النظام الاقتصادى ، الرياضى ، المانيوال )

وقولنا إنت تحب تختار إيه .

المشاركة الأصلية كتبت بواسطة ahmed_su

انت دائما تفكيرك عملى
والعملية والاعتمادية تعنى تويوتا
لكن الله اعلم انت بتفكر فى ايه حاليا ...احيانا الواحد بيزهق ويغير من نمطه.
عموما ربنا يبارك لك فى اختيارك الجديد - وكلى فضول لمعرفته :)

اعتقد ان لدينا بعض قارئى الأفكار هنا فى المنتدى :)

الواحد كان حاسس ان له ظهر في قسم النيسان
متنساش وعدك تفضل معانا و متنساناش
بس برضه فرصه نتعرف منك على عربيه جديده

حضرتك اعمل تست درايف للأوكتافيا والسيفيك والشارك وشرفنا في مقابلة التويوتاوية وجرب الكورولا.

المشاركة الأصلية كتبت بواسطة sab3aawy

اعتقد ان لدينا بعض قارئى الأفكار هنا فى المنتدى :)

سبعاوى باشا ان كنا قد حاولنا أن نقرأ افكارك فذلك لان حضرتك شاركتنا اياها لفترة ليست بالقليله و ذلك ان كان يدل فانما يدل على وجود زماله و صداقة بين اعضاء المنتدى حتى لو لم تكن شخصيه وهو ما اتاح لنا الفرصه لمعرفة افكارك و الاقتناع بها..خصوصا انى من اشد المؤيدين لمدرسة اعتمادية السيارة و التى تستحق و بجدارة لقب مدير هذة المدرسه