الموضوع: وداعا صنى

المشاركة الأصلية كتبت بواسطة sab3aawy

هستأذنك تراجع الموضوع ده :
http://www.nilemotors.net/nile/97738-a-5.html

المشاركة رقم 46 ،فى الصفحة الخامسة، انا شرحت فيها الأسباب التفصيلية لتفضيل الكورولا على الأوكتافيا

وعموما ده كوبى-بيست من اللى انا كنت كاتبه هناك:
---------------------------------------------------
اللى انا اكتشفته فعلا فى هذة الفئة ان الفروق التى تحسم الاختيار هى فروق ضئيلة جدا لان هذة السيارات ليست لها مشاكل جمة
لذلك انا ممكن تكون النقاط اللى انا شفتها نقاط تميز للكورولا ممكن تكون نقاط رفض لدى البعض الآخر من الناس

1- موتور الكورولا اكثر تطورا 2 كامة-16 صباب- vvtويعطيها تسارع متميز فى السرعات المنخفضة والمرتفعة، فى حين ان محرك الأوكتافيا التقليدى لا تظهر امكانياته سوى فى السرعات العالية فقط وانا معظم حركتى فى طرق لا تسمح بالوصول لهذة السرعات
2- كورولا الجديدة مطورة منذ 2008 بشكل كلى عن الموديل السابق، فى حين ان الفانتازيا ماهى الا تعديل محدود على الa5 التى كانت بدورها تعديل غير مبالغ فيه على a4
3- تويوتا من اكثر السيارات التى يفهم فيها ميكانيكية مصر كلهم بعد ظهور الموديل بسنوات بسيطة، وهذا يعطيها خط آخر من الدعم الفنى بجانب التوكيل ويعطيها قبولا متميزا فى سوق المستعمل
4- التكونولجيا اليابانية عموما تكنولوجيا غير معقدة ، تعتمد على فكرة السهل الممتنع او بصيغة اخرى: انا هديلك اللى انت عايزه بدون زيدة لكن فى نفس الوقت بدون تعقيد وبدون تكلفة تشغيل خارج طاقتك
5- الكورولا أهدأ صوتا من الأوكتافيا
6- مميزات الأوكتافيا عن الكورولا لم تؤثر فى تأثير مميزات الكورولا، يعنى مسألة عزل صوت الشارع الرائع والاحساس بالمتانة الاوروبية لم تكن مسائل جذب عالية بالنسبة لى

دى اسباب عامة: لكن هناك بعض الأسباب التى قد تكون خاصة بالنسبة لى

1-شكل الكورولا كتنسيق عام -او بصورة اخرى منظر الاطار العام للسيارة من على بعد 20 متر، بعجبنى اكتر من شكل الاوكاتفيا اللى بحس انها وش موديل 2010 متركب على جسم موديل 2004 متركب عبى شاسيه موديل 2000، لكن طبعا الشكل ده مسالة اذواق
2- الأوكتافيا مش بتليق غير فى الاسود وانا مش بحب الاسود
3- مركز صيانة تويوتا جنب البيت
4- اسم تويوتا ايجبت وتاريخها يطمئننى اكثر من اسم توكيل سكودا الذى يعيش على موديل واحد هو الاوكتافيا
6- بحب شكل علامة تويوتا على الديريكسون قدامى اكثر من شكل علامة سكودا
7- اسم تويوتا فى عينى اكبر من اسم سكودا، حتى ولو اعتبرنا ان سكودا تمتلكها فولكس فاجن يبقى برضه اسم سكودا ميتقارنش باسم تويوتا لكن يتقارن مع اى اسم من الأسماء الأقل شعبية عالميا التى تمتلكها تويوتا مثل دايهاتسو او سوبارو
8- احساس عام بان السكودا يوم ما يجرالها حاجة انا هحتاس، لكن الكورولا ومن تجارب الأزمة السابقة الناس كلها بتصلحها بملالليم تحت السلم بعد ما تقدم شوية وتحتاج لاصلاح

هى كلها اسباب وبسيطة ورؤية قد تكون شخصية اكثر منها موضوعية لكن كان لها عامل كبير فى حسم اختياراتى

ربنا يباركلك فيها و يديك خيرها ويكفيك شرها

المشاركة الأصلية كتبت بواسطة sab3aawy

صعب اوى انزل من نيسان اركب هيونداى . لحد النهاردة لسة مينفعش، حتى لو كانت الإلانترا صوتها اهدأ من النيسان فى اول 40 ألف كيلومتر من عمرها برضه مينفعش، اعتقد ممكن نناقش الموضوع ده بعد 10 سنوات مثلا علشان نقدر نقيم محركات الهيوانداى من الجيل الحالى بتقدر تعيش زى محركات نيسان وميتسوبيشى وتويوتا وهوندا وجنرال موتورز وللا لأ، لكن لحد النهاردة وقياسا على اداء آخر موديلات من هيونداى قبل الموديلات الحاليه لا تزال محركات هيونداى اقصر عمرا بكثير جدا من محركات مثيلاتها من الماركات سالفة الذكر، اما بالنسبة للريفيوهات الأجنبية للسيارات فمع كامل احترامى لها جميعا فكلها بتقارن عربية جديدة بعربية جديدة، محدش فى غرب اوروبا ولا امريكا بيهتم بحالة كل من السيارتين بعد خمسة سنوات لأن محدش هناك بيركب السيارات دى اكثر من 5 سنوات،

وبعدين برضه صعب جدا انزل من عربية بقوة ومتانة الصنى واركب عربية سدر الحوض بتاعها بلاستيك ، وصعب اسيب توكيل متميز فى احترامم العميل والمعاملة الجيدة مثل السبع علشان اتذل فى طوابير غبور اللى معندوش عزيز وشعاره اعلى ما فى خيلك اركبه، معتقدش ان النقلة من الصنى لللإلانترا هى خطوة للأمام، لكنها كانت هتكون مجرد نقلة بالعرض، اكسب فيها محرك ناعم لمدة 40 الف كيلومتر وبعد كدة يخشن، وصالون شكله حديث شوية وعزل صوت كويس، واخسر توكيل وماركة وعمر محرك ومتانة

يبدو ان حضرتك عندك فكرة سيئة عن هيونداي كمعظم الناس.

لكن الحقائق عكس كده تماما:

اولا انا من وجهة نظري ان الانتقال من نيسان لهيونداي ميعتبرش نزول اطلاقا خصوصا اذا كانت صني فيبقى صعووود.

ثانيا : العمر الافتراضي للمحركات مش بيتحدد بعدد السنوات انما بيتحدد بعدد الكيلو مترات.
اما بالنسبة ان حضرتك بيتقول الالنترا صوت محركها بيعلى بعد 40000 الف كيلو فده معلومة خاطئة 100%
حضرتك لو رحت دول الخليج وخصوصا السعودية وشفت مدى انتشار سيارات هيونداي هناك بشكل عام في كملاكي وفي الشركات وبصفة خاصة الالنترا اللي تعتبر هناك اكثر انتشارا كتاكسي.
هناك التاكسيات في موديلات 2007 بتبقى عاملة 300 الف كيلو وطالع قد تصل الى 500 الف كيلو وما شاء الله حالة العربية متفرقش كتير عن حالة الزيرو وانا ركبت وجربت. ده غير ان الظروف في دول الخليج قاسية جدا لشدة حرارة الطقس وطبعا المكيف مبيبطلش.

ده غير الاكسنت اللي بتستخدم هناك بكثرة في الشركات وبرضه السوناتا بتستخدم كتاكسي والجيبات هناك منتشرة خصوصا التوكسون والفان.

ثالثا : سدر حوض الالنترا مش بلاستيك .

وانا لما جربت النيسان صني عشان كان اخويا بيفكر يشتريها وكانت عاملة 36 الف كيلو وجربتها على الطرق السريعة ولاحظت الفرق الشاسع ( بدون مبالغة ) بينها وبين الالنترا لدرجة اني مكنتش مصدق اني راكب نيسان مع احترامي للصني.
الفرق يكمن اولا في قوة المحرك اللي تكاد تكون ضعيفة جدا مع التكييف في الصني وبرضه العفشة مع المطبات مش مريحة وكرسي السائق مش مريح رغم اني سقت لمدة لا تتجاوز الربع ساعة وجودة الخامات شبه معدومة وصوت المحرك مرتفع بالنسبة للالنترا واستهلاك الصني للبنزين اعلى من الالنترا وفي الاخر برضه وزن الالنترا اكبر من وزن الصني يعني مفيش ادنى نقطة تتفوق فيها الصني على الالنترا ( عن تجربة )....

وحضرتك لو عايز تحكم صح على جيل محركات هيونداي تقدر تقارن بواحد عنده كرولا 2006 مثلا ماشية عدد كيلو مترات معين وفي نفس الوقت تقارن النترا 2006 ماشية نفس عدد الكيلو مترات.
هتلاقي قطعيا ان صاحب الالنترا صرف ( قطع غيار وصيانة الخ..) اقل من صاحب الكرولا.